Kisah Para Rasul 1:7 - En Taar Weru a nunuwu' é Tontemboan

⁷ Isowat i Yesus ai séra, “Ra'ica sangali kailekan iow kawisa en témpo wo en orasna en itu mamuali, wayake' si Amang-Ku e makailek. Sia in esa e makakawasa en tumu'tul in témpona.

Kisah Para Rasul 1:7 ပူးပေါင်းရင်းမြစ်များ

Matius 20:23

Icua i Yesus ai séra, “Mémang kamu melep oka asi paelepan si musti elepen-Ku. Taan andumoro' in lumukut ang kakan wo ang ka'biri-Ku, Yaku ra'ica wana hak en tumantu ampa'paan sé palukutan itu aitu'tulo i Amang-Ku a sé tou si aitantu-Nao.”

Matius 24:36

“Ra'ica wana tou e makailek in endo wo in jam si Toyaang i Tou maai sumawel. Sé malaékat an sorga ra'ica makailek, si Toyaang i Tou ka'i ra'ica makailek, wayake' si Amang in esa e makailek.

Markus 10:40

Taan andumoro' si séi en lumukut ang kakan wo ang ka'biri-Ku, Yaku ra'ica wana hak en tumantu in itu. En tampa itu tinu'tulo i Amang Kasuruan a sé tou sé aitantu-Nao.”

Markus 13:32

Ra'ica wana esa tou makailek sa kawisa en orasna si Toyaang i Tou maai sumawel. Sé malaékat an sorga wo si Toyaang in esa ra'ica ka'i makailek, taan wayake' si Amang.”

Lukas 21:24

Sé tou itu awéan sé patén oka in sa'bel wo awéan ka'i sé tangkaan mamuali tawanan wo paalin oka a negara-negara é tou ra'ica Yahudi. Wo en Yerusalem anio' mai oka tongkaren é bangsa ra'ica makatuus si Amang Kasuruan wo kawasan éra akar malekep en témpo aitantu-Na ai séra.”

Kisah Para Rasul 17:26

Asi esa touke' niéma'-Nao waya sé bangsa mento' ang kayo'baan. Wo aitantu-Na waya en témpo wo ka'i en supu-supu im paento'an éra.

Efesus 1:10

Em pawasa-wasan-Na itu tana'i: Sa imayo en témpona, si Kristus mamuali oka kapala si mengaesa im pakasa sé an sorga wo sé ang kayo'baan.

1 Timotius 6:15

Si Amang Kasuruano in esa en tumantu kawisa si Yesus maai sumawel. Ampa'paan wayake' si Amang Kasuruan e makakawasa em patus iparayo-rayo é tou. Siao si Colano am pakasa é kolano wo Kasuruan am pakasa é kasuruan.

2 Timotius 3:1

Musti kailekanmu é Timotius, sa imayo en témpona in endo kaka'puan ing kayo'baan, meta'up oka in endo-endo sé wuta ing kawenduan.