Kisah Para Rasul 1:4 - En Taar Weru a nunuwu' é Tontemboan

⁴ An tutuw i Yesus mewali-wali wo iséra, aitaar-Na, “Kamu ra'- ica toro tumela'u in Yerusalem. Mentoo am bitu akar Sia si aijanjio i Amang-Ku maai. Siao si sumangkumo pinalinga miow a Yaku.

Kisah Para Rasul 1:4 ပူးပေါင်းရင်းမြစ်များ

Matius 10:20

Ampa'paan ra'ica icamu in esa e rumoma' taan si Roh i Amang an até miow e rumoma'.

Lukas 11:13

Anaé, sa kamu sé léwo' makailek mawéé sé loor a sé toyaang iow, wopé'taré si Amang iow an sorga! Iwéé-Na oka mai e Roh Le'nas a sé tou sé imangilek ai Sia.”

Lukas 12:12

Ampa'paan an tutuw ituke' isusui oka i Roh Le'nas ai camu andumoro' in sapa e musti icua miow.”

Lukas 24:49

Wo iwéé-Ku oka ai camu e Roh Le'nas si aijanjio i Amang-Ku indior. Taan kamu musti mento' owo ang kota anio' akar kamu wutan ing kawasa i Roh Le'nas asi Amang Kasuruan owo.”

Yohanes 14:16

Pangileken-Ku oka a si Amang-Ku, iwéé-Na oka mai ai camu si Matawang walina si ro'na mewali-wali wo icamu akar ing kauré-uré.

Yohanes 15:26

Taan yutus-Ku oka ai camu si Matawang asi Amang owo. Siao si Roh Le'nas si maali icamu asi sususuien wutul andumoro' i Amang Kasuruan. An tutuw-Na i maai, Sia méé oka ing kasairian andumoro' Yaku.

Yohanes 20:22

Kekawus-Na kumua in taniitu, sengon-Na séra im baya ang karapi ing kumua, “Terimano mangé e Roh Le'nas.

Yohanes 7:39

An tutuw i Yesus kumua andumoro' in dano itu, eng kaangéanna e Roh i Amang Kasuruan teriman oka é tou maéman. Taan e Roh itu ra'ipé' aiwéé a sé tou maéman, ampa'paan em papaté ra'ipé' pinendam i Yesus wo ra'ipé' niangkai angé an tampa-Na si parayo-rayo wo pasiri-siriin an sorga.

Kisah Para Rasul 10:41

Ra'ica pakasa sé tou Yahudi e ro'na suméré Sia. Taan wayake' sé sairi sé sinisiro i Amang Kasuruan e ro'na suméré. Icamio sé sairi itu, sé icuman wo melep mewali-wali wo Sia, kekawus-Na tinou sumawel.

Kisah Para Rasul 2:33

Intarépé', si Yesus niangkaio mangé i Amang Kasuruan ang kakan-Na an tampa pasiri-siriin wo tumerimao i Roh Le'nas si aijanji-Nao indior. E Roh Le'nas itu, iwéé-Nao ka'i ai cami, si sinéré wo liningao miow am bia'i.