Kisah Para Rasul 1:26 - En Taar Weru a nunuwu' é Tontemboan

²⁶ Wo lotréien éra en tumantu si séi asé rua tou itu eng kasisiran. Wo si Matias eng kinasisiran. Anaé, séra mangkai si Matias mamuali ruru'du'an mewali-wali wo sé sangapulu' esa tou ruru'du'an itu.

Kisah Para Rasul 1:26 ပူးပေါင်းရင်းမြစ်များ

Markus 6:30

Kekawus in itu, sé murit ayutus i Yesus maréng sumawel e mali'us mewali-wali wo Sia. Wo icua éra ai Sia pakasa sé tinawoio wo sé aisusuio éra.

Kisah Para Rasul 1:23

Kumawusai si Petrus imaroma' wo sé tou imali'us am bitu tumuul rua ngaran. Si kataré si Yusuf si pengatuulen é tou Barsabas wo patuulen ka'i é tou walina sia Yustus. Si karua si Matias.

Kisah Para Rasul 13:19

Wo séra tinawang i Amang Kasuruan eng kuma'pu sé pitu bangsa sé maento' an tana' Kanaan. Wo iwété-wéténg-Na en tana' itu a sé apo-apo'ta itu e mamuali anu éra.

Kisah Para Rasul 2:14

Wo si Petrus tumulung mewali-wali wo sé sangapulu' esa ruru'du'an walina. Icuana ang karapi in taangko' a sé tou keli itu, “Éi tou Yahudi wo pakasa in tou sé maento' an Yerusalem! Wéannio' rékén sumama-sama' en icuaku ai camu sapa e mamuali am bia'i.

Wahyu 21:14

Wo e ri'dir ing kota itu winangun am bawo é sangapulu' rua watu pandasi. Wo asé watu pandasi itu pinatican i ngara-ngaran é sangapulu' rua ruru'du'an i Toyaang i Domba.