Kisah Para Rasul 1:2 - En Taar Weru a nunuwu' é Tontemboan

² akar asi endo Sia icaangkai angé an sorga. Ra'ipé' icaangkai angé si Yesus an sorga, Sia si pakakawasan i Roh Le'nas si mééo perénta sapa e musti émaan é ruru'du'an sé sinisir-Na.

Kisah Para Rasul 1:2 ပူးပေါင်းရင်းမြစ်များ

Matius 12:28

Taan sa Aku musér si sétang maké ing kawasa i Roh i Amang Kasuruan, en ulitna si Amang Kasuruan Kumawasao tanu Kolano an uner iow.

Matius 3:16

Kumawusai nibaptis, si Yesus makala'us kumesot an dano wo asi témpo ituke' en langit mawuka' wo kaséréan-Na e Roh i Amang Kasuruan tanuoka mombo tumumpa mai ai Sia.

Markus 6:30

Kekawus in itu, sé murit ayutus i Yesus maréng sumawel e mali'us mewali-wali wo Sia. Wo icua éra ai Sia pakasa sé tinawoio wo sé aisusuio éra.

Lukas 24:51

An tutuw Sia kumamang iséra, tumo'tolo Sia icaangkai angé an sorga akar imetalicur wo iséra.

Lukas 9:51

An tutuw matawio in oras i Yesus icaangkai an sorga, pinusé'-Nao sapaoka Sia maangé an Yerusalem.

Yohanes 1:16

Wo en upus-Na ra'io ka'i icakua. Wo ampa'paan in upus-Na itu akar kita ra'ica mento' makéré ing kamang si lumepe-lepet.

Yohanes 13:1

Matawio en endo wangko' Paska wo kailekano i Yesus ra'io uré ka'i tela'u-Na eng kayo'baan anio' e maréng angé sumawel a si Amang-Na. Ipaupu-upus-Na keli sé tou sé imamualio anu-Na ang kayo'baan anio', wo icaupus-Na séra akar ing kaakaran ing katouan-Na.

Yohanes 13:18

Sapa sé aicua-Ku anio' ra'ica andumoro' icamu im baya. Kailekan-Ku si séi si sinisir-Kuo. Taan sapa sé aipatic ang Kitap Le'nas musti mamuali, aicua in tana'i: “Si tou icuman i roti mewali-wali wo Yaku, sia mamuali oka kaséké'-Ku.”

Yohanes 13:3

Kailekan i Yesus pakasa eng kawasa aiwééo mai i Amang-Na ai Sia. Kailekan-Na ka'i Sia mai asi Amang Kasuruan owo wo maréng oka ai Sia.

Yohanes 16:28

Yaku asi Amang owo, wo mai ang kayo'baan anio'. Wo intarépé' itela'u-Ku ka'i eng kayo'baan anio' wo maréng angé sumawel a si Amang-Ku.”

Yohanes 17:13

Taan intarépé' Yaku mai a si Amang. Wo ang karoro'an Aku ang kayo'baané', icua-Ku waya en anio' ai séra, wosama' séra mendam in arui keli kaputé in até-Ku mendam ka'i in arui.

Yohanes 20:17

Icua i Yesus ai sia, “Tioo timboienmu en owak-Ku, ampa'paan Aku ra'ipé' imangé a si Amang-Ku. Taan mangéo taré ko a sé poo-poow-Ku, wo icuao mangé ai séra sapaoka intarépé' Aku maangém a si Amang-Ku wo ka'i Amangmu, siituo si Amang Kasuruan-Ku wo ka'i Amang Kasuruanmu.”

Yohanes 20:21

Wo icua-Na sumawel ai séra, “Eng kaeluran mewali-wali wo icamu! Yaku ayutuso mai i Amang-Ku ang kayo'baan, taniituo ka'i camu, yutus-Ku mangé am bisa-wisa ang kayo'baan anio'.”

Yohanes 3:34

Ampa'paan si Yesus ayutus i Amang Kasuruan kumua in Taar-Na, ampa'paan winéan-Nao Roh ang karapi in da'- io icakua.

Yohanes 6:62

Sa ra'ica icasalé' miow, tumambisa réén sa sérén iow Aku Toyaang i Tou icaangkai angé an tampa-Ku owo?

Yohanes 6:70

Icua i Yesus, “Ra'ica réén Yakuo in esa en sumisir camu sangapulu' rua tou mamuali murit-Ku? Taan si esaan ai camu, sia itu makiit ing kasalé'an i kikiiten é sétang.”

Kisah Para Rasul 1:11

Wo icua é rua tou itu ai séra, “Éi tou Galilea, kéitu réén kamu makatulung wo makakanaté' mangé an langit? Si Yesus anio' icaangkaio mangé an sorga tumela'uo icamu. Sia maai oka ka'i sumawel, meputé kamu suméré tumambisa Sia icaangkai angé an sorga.”

Kisah Para Rasul 1:13

An tutuw éra icateka' mangé an Yerusalem, séra mangé an tampa linoséran éra wo sumosor angé an esa kamar an dangka'. Séra itu: Si Petrus wo si Yohanes, si Yakobus wo si Andreas, Si Pilipus wo si Tomas, si Bartolomeus wo si Matius, si Yakobus toyaang i Alfeus, si Simon tou Zelot, wo si Yudas toyaang i Yakobus.

Kisah Para Rasul 1:22

tumo'tolai an tutuw i Yesus nibaptis i Yohanes akar Sia icaangkai angé an sorga tumela'u icita. Si tou itu musti mengasairi mewali-wali wo icita sapaoka si Yesus itumou sumawel asi papaté.”

Kisah Para Rasul 1:9

Kumawusai si Yesus kumua in taniitu, Sia icaangkaio mangé an sorga pakasérén éra wo Sia saputen ing kambung akar ra'io kaséréan éra.

Kisah Para Rasul 10:38

Kailekan iow ka'i sapaoka si Amang Kasuruan imééo i Roh Le'nas wo eng kawasa-Na a si Yesus tou Nazaret, Sia mangé am bisa-wisa wo méma' sé loor wo sumama' pakasa in tou sé kinawasao i kikiiten é sétang ampa'paan si Amang Kasuruan mewali-wali wo Sia.

Galatia 1:1

En surat anio' a yaku owo Paulus. Yaku mamuali ruru'du'an, ra'ica airu'du' é tou wo ra'ica ka'i niangkai i esa tou. Taan aku mamuali ruru'du'an ampa'paan i Yesus Kristus wo si Amang Kasuruan, Amangta, si tumou sumawel si Yesus an uner é tou imaté.

Efesus 2:20

Icamu ayandé tanuoka im bangunan winangun am bawo im batu si aitulir é ruru'du'an wo sé nabi. Wo si Kristus Yesus ituo em batu kumataré-taré si tumombol pakasa im bangunan.

1 Timotius 3:16

Indior en sususuien wutul itu ra'ica kailekan é tou, taan intarépé' sé icaenep andumoro' in sususuien wutul sé ra'io cakua itu, winuka'o i Amang Kasuruan. Sé icaenep itu tana'i: “Si Yesus imayo wo mamualio tou, wo aituru' i Roh Le'nas sapaoka Sia itu wutul. Sia mapaturu'o in owak-Na a sé malaékat, wo en sisisilen andumoro' Sia itu icaseraro a sé bangsa. Wo Sia émanen é pakasa ing kayo'baan, wo Sia niangkaio mangé an sorga ang karapi i rarayo wo in sisiri'.”

Ibrani 9:24

Si Kristus ra'ica imuntep ang Kamar Lume'na-le'nas ang kayo'baan si niéma' ing kama in tou si asalo bayangan a si patron aseli si an sorga. Taan Sia muntep an sorga, wo intarépé' Sia a mangé em bitu makasaru si Amang Kasuruan torona icita.

1 Petrus 3:22

Intarépé' si Yesus Kristus imangém an sorga wo lumukut ang kakan i Amang Kasuruan. Wo pakasa sé malaékat, pakasa sé makakawasa wo pakasa ing kaketeran, pakasa in itu an darem ing kakawasaan-Na.

2 Petrus 3:2

Icasalé'ku kata'néian iow en taar sé aicuao é nabi le'nas indior wo ka'i mena'né-na'néi em perénta i Apo' Yesus si Lumolowirta, sé aicuao é ruru'du'an-Na ai camu.

Wahyu 1:1

An untep ing kitap anio' aipatic andumoro' sé kamamualian sé makala'us mamuali. Sé kamamualian itu aituru'o i Amang Kasuruan a si Yesus Kristus wosama' ro'na ituru' i Yesus a sé ata-Na. Kekawus in itu yutus i Yesus si malaékat-Na e maai a si ata-Na Yohanes en sumisil sé kamamualian itu.

Wahyu 2:11

Si séike' si makalunteng, aweso taré linganna sapa sé aicua i Roh a sé jamaat. Si séi si muntung ra'ica kawisa mawendu in sapa-sapa ampa'paano im papaté karua.”

Wahyu 2:17

Si séi si makalunteng, aweso taré sia luminga sapa en aicua i Roh a sé jamaat: Si séi si muntung, sia wéan-Ku oka kakanen manna si pakaenepé', wo wéan-Ku oka ka'i sia watu kulo' si pinatican i ngaran weru. E ngaran weru itu ra'ica wana e makailek, wayake' si tumerima.”

Wahyu 2:29

Si séi e makalunteng, aweso taré li- nganna sapa en aicua i Roh a sé jamaat.”

Wahyu 2:7

Si séi si makalunteng, lébé loor sia luminga sapa en aicua i Roh a sé jamaat. Si séi si muntung wéan-Ku oka sia kaloasan eng kuman im bua'na in tuura ing katouan si an untep in Taman Firdaus i Amang Kasuruan.”

Wahyu 21:14

Wo e ri'dir ing kota itu winangun am bawo é sangapulu' rua watu pandasi. Wo asé watu pandasi itu pinatican i ngara-ngaran é sangapulu' rua ruru'du'an i Toyaang i Domba.

Wahyu 3:13

Si séi si makalunteng, aweso taré linganna sapa en aicua i Roh a sé jamaat.”

Wahyu 3:16

Anaé, ampa'paan kamu lao-lao, wo ra'ica uting kuma'pa paso', ipelua'-Ku oka kamu am ba'ba'-Ku owo.

Wahyu 3:22

Si séi si makalunteng, aweso taré sia lumi- nga sapa en aicua i Roh a sé jamaat.”