Kisah Para Rasul 1:19 - En Taar Weru a nunuwu' é Tontemboan

¹⁹ Pakasa é tou an Yerusalem makailek sapa e mamuali a si Yudas, akar en tana' itu ningaranan éra maké i nunuwu' éra in esa, ‘Akeldama’, eng kaangéanna ‘Tana' in Enda'.’

Kisah Para Rasul 1:19 ပူးပေါင်းရင်းမြစ်များ

Matius 27:8

Ampa'paano in itu, akar intarépé' en tana' itu patuulen é tou Tana' in Enda'.

Matius 28:15

Wo indon é suraro itu en doit wo émaan éra tanu si airu'du' ai séra. Wo akar intarépé' ipasisil é tou Yahudi sapaoka e mayat i Yesus rinombit é murit-Na.

Kisah Para Rasul 2:22

Éi tou Israel, linganai sumama-sama' en cuaku anio'! Si Yesus tou Nazaret itu ayutuso mai i Amang Kasuruan. Wo kailekanta sapaoka si Amang Kasuruan maké Sia en tumuru' ing kawasa wo ing kakaya'kaan-kakaya'kaan wo tuu-tuus sé ra'io icakua sé mamuali an uner iow.

Kisah Para Rasul 21:40

Wo wéanna kaloasan a si Paulus e rumoma'. Si Paulus mangé tumulung an daran wo suméin ing kama a sé tou keli itu. An tutuw é tou imeneso, sia tumo'tolo rumoma' ai séra maké i nunuwu' é Ibrani, icuana: