Kisah Para Rasul 1:16 - En Taar Weru a nunuwu' é Tontemboan

¹⁶ “Poo-poow! Sapa sé aipatic ang Kitap Le'nas in andumoro' i Yudas, musti mamuali. Indior, si Roh Le'nas maké si Daud eng kumua in andumoro' i Yudas, si makawali mai sé tou en tumangka' si Yesus.

Kisah Para Rasul 1:16 ပူးပေါင်းရင်းမြစ်များ

Matius 26:14

Awéan esaan asé sangapulu' rua murit i Yesus, makangaran i Yudas Iskariot mangé a sé kikiiten é imam.

Matius 26:47

An tutuw i Yesus maroma'pé', wo mai si Yudas si esaan asé sangapulu' rua murit-Na mewali-wali wo sé tou keli sé maali-ali in sa'bel wo im papangkur. Séra airu'du' é kikiiten é imam wo sé matu'a é tou Yahudi.

Matius 26:54

Taan sa émaan-Ku en itu, tumambisa sé aipatic ang Kitap Le'nas itu lekepen? Aicua ang Kitap Le'nas sapaoka en anio' musti mamuali.”

Matius 26:56

Taan pakasa en anio' musti mamuali, wosama' en aipatic é nabi ang Kitap Le'nas musti lekepen.” Wo pakasa sé murit-Na tumela'u Sia wo tumincas.

Markus 12:36

Ampa'paan si Daud an tutuw kinawasa i Roh Le'nas kumua: Si Amang Kasuruan cumuao a si Tuangku tana'i, ‘Lumukuto mai asi tampa pasiri-siriin ang kakan-Ku, akar sé kaséké'-Mu iweta'-Ku an darem im palara ing kécéi-Mu.’

Markus 14:43

An tutuw i Yesus maroma'pé', wo mai si Yudas si esaan asé sangapulu' rua murit-Na mewali-wali wo sé tou keli sé maali- ali in sa'bel wo im papangkur. Séra airu'du' é kikiiten é imam, sé makailek wutul in Torat wo sé matu'a.

Lukas 22:47

An tutuw i Yesus maroma'pé' wo rumumpakai sé sangareru' tou. Séra aipakawali mai i Yudas si esaan asé sangapulu' rua murit i Yesus. Si Yudas mawaya' an dior é tou itu wo sia sumusut angé a si Yesus wo cumiom Sia.

Yohanes 10:35

Kailekan iow eng Kitap Le'nas pengapakén akar ing kauré-uré. Anaé, sa sé tou tumerima in taar i Amang Kasuruan patuulen ‘sé kasuruan,’

Yohanes 13:18

Sapa sé aicua-Ku anio' ra'ica andumoro' icamu im baya. Kailekan-Ku si séi si sinisir-Kuo. Taan sapa sé aipatic ang Kitap Le'nas musti mamuali, aicua in tana'i: “Si tou icuman i roti mewali-wali wo Yaku, sia mamuali oka kaséké'-Ku.”

Yohanes 17:12

Ang kauré-Ku imewali-wali wo iséra, tinéiran-Ku mai séra ang karapi ing kawasa-Mu si aiwéé-Mu a Yaku, wosama' ra'ica wana esaan tou ai séra e maté, aluar si esa si aitantuo imaté. Wo in taniitu sapa si aipatico ang Kitap Le'nas imalekepo.

Yohanes 19:36

En itu mamuali wosama' malekepo sapa sé aipatic ang Kitap Le'nas, “Ra'ica wana en du'i-Na sé lentuun oka.”

Kisah Para Rasul 1:20

Wo icua ka'i Petrus, “Aipatic ka'i ang kitap Mazmur, tana'i, ‘Mandéo en tampa pengaento'anna mamuali lulu in tou, wo ra'ica wana tou maento' am bitu.’ Wo aipatic ka'i tana'i, ‘Mandéo indon é tou walina en tawoienna.’

Kisah Para Rasul 13:15

Kekawus i maca in ukum Torat wo ing kitap é nabi, sé kikiiten am balé paapo'an itu rumu'du' tou eng kumua a si Paulus wo si Barnabas tana'i, “Poo-poow, sa awéan ai camu e méé sina'u eng kumeter im paémanen é tou anio', icuao mai!”

Kisah Para Rasul 13:38

Anaé é poo-poow, icua ami ai camu sapaoka eng kamesé-meséaan iow ro'na makéré kaampungan ampa'paan si Yesus anio'. Taan sa kita asaloke' kumiit in ukum Torat, kita ra'ica nianggap wutul.

Kisah Para Rasul 15:13

Kekawus i Paulus wo si Barnabas mepaar, wo icua ka'i i Yakobus, “Éi poo-poow, linganai aku!

Kisah Para Rasul 15:7

Uré-uréan keli séra mepaar andumoro' im perkara itu wo si Petrus tumulung, icuana ai séra, “Éi poo-poow, kailekan iow sapaoka si Amang Kasuruan indior isumisiro yaku an uner iow eng kumua in Abar Kaaruien andumoro' si Yesus Kristus a sé tou ra'ica Yahudi wosama' lingan éra en abar itu wo maéman.

Kisah Para Rasul 2:23

Si Yesus anio' aisarakano i Amang Kasuruan ai camu kiit im basa-Na. Wo Sia aisalip wo pinatéo miow ang karapi in sumarakan Sia a sé tou sé ra'ica makiit in ukum.

Kisah Para Rasul 2:37

An tutuw éra luminga waya in itu, en até éra mendam i manesel wo séra mamuéi a si Petrus wo sé ruru'du'an walina, “Poo-poow, sapa réén e musti émaan ami?”

Kisah Para Rasul 22:1

“Éi tuang-tuang wo sé poo-poow, lingan iow, awéan en icuaku ai camu e méla in owakku!”

Kisah Para Rasul 23:1

An tutuw i Paulus aisaru a sé anggota Mahkamah Agama, téintengenna séra wo kumua, “Éi poo-poow, akar asi endo anio' aku menonou ang karapi in até weresi an dior i Amang Kasuruan.”

Kisah Para Rasul 23:6

An tutuw kailekan i Paulus sapaoka sé anggota Mahkamah Agama itu awéan rua golongan, si esa Saduki wo si esa ka'i Farisi wo sia kumua in taangko', “Poo-poow, sé matu'aku tou Farisi wo aku ka'i tou Farisi. Yaku aisaru a Mahkamah anio' ampa'paan percayanku sa sé tou imatéo touen sumawel i Amang Kasuruan.”

Kisah Para Rasul 28:17

Teluo ngando kami am bitu wo enoten i Paulus sé tou Yahudi sé pasiri-siriin e meta'up wo sia. Wo an tutuw éra imali'uso, icuana ai séra, “Poo-poow! Yaku am bia'i ampa'paan tinangka' é tou Yahudi an Yerusalem wo isarakan éra aku a sé pemerénta Romawi. Taan aku ra'ica iméma' kaséaan sapa-sapa en sumundur sé taranakta wo ka'i ra'ica kumélong ing kanaramen é apo-apo'ta.

Kisah Para Rasul 28:25

Anaé, pakasa séra ra'ica esa wewerot andumoro' in itu wo séra mentalicuran asi tampa itu. Taan, ra'ipé' mentalicuran séra, icua ka'i sumawel i Paulus ai séra, “Wutulo en aicua i Roh Le'nas a sé apo-apo'ta si aipatic ang kitap i nabi Yesaya.

Kisah Para Rasul 7:2

Wo isowat i Stefanus, “Éi poo-poow wo tuang-tuang, linganai en icuaku. Indior, si apo'ta Abraham an tutuw sia ra'ipé' maento' an Haran, sia maento' a Mesopotamia. Am bitu, si Amang Kasuruan si parayo-rayo wo pasiri-siriin mapaturu' in owak-Na ai sia,

1 Petrus 1:11

Wo pati'tiren éra ka'i, kawisa wo tumambisa en itu mamuali, siituo em paangé-angén i Roh i Kristus si an untep in owak éra. An tutuw itu e Roh i Amang Kasuruan méé kasairian andumoro' ing kawenduan-kawenduan sé sangkumen oka i Kristus wo andumoro' i rarayo wo in sisiri' si kumiitai kekawus ing kawenduan itu.

2 Petrus 1:21

Ampa'paan e nunuwu' asi Amang Kasuruan owo itu ra'ica isumangkum ako ipakua-kua kumiit ing kasalé'an in tou, taan ampa'paano in tawoien i Roh Le'nas si cumawasa a sé tou, akar séra ro'na kumua i nunuwu' i Amang Kasuruan itu.

2 Petrus 2:21

Aweso taré séra itu ra'ica sumangkum ako makailek in sususuien wutul i Amang Kasuruan, wo taré sumangkumo makailek taan ra'ica kiim makiit im perénta-perénta le'nas si aiwéé i Amang Kasuruan ai séra.