Kisah Para Rasul 1:14 - En Taar Weru a nunuwu' é Tontemboan

¹⁴ Séra im baya le'tek mengali'us wo meesa en até mengasombayang. Séra mengasombayang mewali-wali wo sé piraan wéwéné ang karapi i Maria inang i Yesus wo sé poo-poow i Yesus.

Kisah Para Rasul 1:14 ပူးပေါင်းရင်းမြစ်များ

Matius 12:46

An tutuw i Yesus mapaaré' wo sé tou keli itu, si inang-Na wo sé mepoow wo i Sia mai am bitu. Séra makatulung ang kesot rumaméji meta'up wo Sia.

Matius 21:22

Anaé, sapake' em pangileken iow an sombayang wo uli-ulit percayan iow, tantu sapa em pinangilek iow teriman iow oka.”

Matius 27:55

Wo am bitu ka'i kelian wéwéné sé makaséré an tayang, sérao sé wéwéné makii-kiit si Yesus tumo'tolke' mai ang Galilea owo e sumelewir Sia.

Markus 15:40

Asi témpo itu ka'i awéan piraan wéwéné sé makaséré an tayang an tutuw i Yesus aisalip. Séra itu si Maria tou Magdala, si Maria inang i Yakobus wo'bas wo si Yoses, wo ka'i si Salome.

Markus 16:1

Kelangkoi angé in endo Sabat, si Maria tou Magdala, si Maria inang i Yakobus, wo si Salome, mangé tumeles nanamur émaan solo eng kisu a mayat i Yesus.

Lukas 11:13

Anaé, sa kamu sé léwo' makailek mawéé sé loor a sé toyaang iow, wopé'taré si Amang iow an sorga! Iwéé-Na oka mai e Roh Le'nas a sé tou sé imangilek ai Sia.”

Lukas 18:1

Icua i Yesus esa andéan a sé murit-Na en sumusui séra wosama' ra'ica mengasuut mengasombayang a si Amang Kasuruan.

Lukas 23:49

Wo pakasa in tou sé wutu-wutul makatuus si Yesus cauntep ka'i sé wéwéné makii-kiit Sia tumo'tolke' mai ang Galilea, séra makatulung an tayang wo makaséré waya ing kinamamualian itu.

Lukas 23:55

Wo sé wéwéné sé imai ang Galilea owo sé mewali-wali wo si Yesus an tutuw Sia menonoué', séra kumiit ka'i ang karapi i Yusuf wo suméré ing kubur itu. Séra ka'i suméré tambisa e mayat i Yesus aitekel.

Lukas 24:10

Sé wéwéné itu si Maria tou Magdala, si Yohana, si Maria inang i Yakobus wo ka'i sé wéwéné walina sé mewali-wali wo iséra. Séra im bayao eng kumua ing kinamamualian itu a sé murit i Yesus sé patuulen ruru'du'an.

Lukas 24:33

Asi témpo ituke' séra in dua makala'us tumulung wo maréng angé sumawel an Yerusalem. A mangé mbitu séra in dua meta'up wo sé sangapulu' esa murit i Yesus sé ang karoro'an i mali'u-li'us wo sé tou maémano walina.

Lukas 24:53

Susur in endo séra mengaangé am Balé Le'nas e rumayo wo sumiri' si Amang Kasuruan.

Lukas 8:20

Wo awéan esa tou mangé kumua ai Sia, “Tuang, si inang wo sé mepoow wo si Tuang ang kesot. Séra masalé' meta'up wo si Tuang.”

Kisah Para Rasul 2:1

An tutuw imayo an endo wangko' Pentakosta, pakasa sé tou maéman mali'us an esa walé an Yerusalem.

Kisah Para Rasul 2:42

Séra mengali'us mewali-wali wo le'tek mengalinga sé ruru'du'an mengasusui in andumoro' i Yesus. Wo séra tatap mengaéma' im perjamuan wo mengasombayang.

Kisah Para Rasul 2:46

Wo susur in endo séra le'tek mewali-wali wo meesa en até mengali'us ang am Balé Le'nas. Séra mengaéma' im perjamuan mewali-wali ang karapi in arui wo lekep en até si pagilir am balé-walé.

Kisah Para Rasul 6:4

Wo in taniitu, kami asaloka mengasombayang wo mengakua in Taar i Amang Kasuruan.”

Roma 12:12

Maaru-aruio mangé kamu ang karoro'an i maarap a si Amang Kasuruan. Wo malese-leseno mangé mengasangkum ing kawenduan, wo ka'i le'tek mengasombayang.

1 Korintus 14:13

Ampa'paan in ituo, si tou maroma' mapaké i nunuwu' i Roh, sia musti sumombayang a si Amang Kasuruan wosama' sia ro'na tambéranai ing kamang makua ing kaangéan i nunuwu' i Roh itu.

Efesus 6:18

Émaano mangé waya en itu ang karapi i masombayang susur in oras wo mangileko mangé a si Amang Kasuruan ang karapi im pakaakinen i Roh Le'nas. Menomba-nombayango mangé, wo tatapke' matéi-téir am pakasa in témpo wo tioo mento' taan tatapke' masombayang. Susur iow in sumombayang, ipengasombayang angé waya sé tou le'nas.

Kolose 4:2

Masombayango mangé in re'dem kamu ang karapi im bewerot weresi wo ka'i makua mangé i makapulu'sama' a si Amang Kasuruan.