Kisah Para Rasul 1:13 - En Taar Weru a nunuwu' é Tontemboan

¹³ An tutuw éra icateka' mangé an Yerusalem, séra mangé an tampa linoséran éra wo sumosor angé an esa kamar an dangka'. Séra itu: Si Petrus wo si Yohanes, si Yakobus wo si Andreas, Si Pilipus wo si Tomas, si Bartolomeus wo si Matius, si Yakobus toyaang i Alfeus, si Simon tou Zelot, wo si Yudas toyaang i Yakobus.

Kisah Para Rasul 1:13 ပူးပေါင်းရင်းမြစ်များ

Matius 9:9

Kekawus in itu si Yesus tumela'u in tampa itu, sérén-Na si esa tou makangaran Matius makalukut an tampa é tou mawér im pajak, wo icua i Yesus ai sia, “Kumiito mai Yaku.” Si Matius ka'i tumulung wo kumiit si Yesus.

Markus 14:15

Wo ituru' oka i makawalé itu ai camu esa tampa wangker an dangka' wo em pakénta am bituo waya wo tinu'tulo. An tampa ituo e musti tu'tulan iow ing kakanen Paska eng kanenta!”

Markus 14:33

Wo towan i Yesus si Petrus, si Yakobus wo si Yohanes kumiit angé ang karapi-Na. Asi témpo itu, en até-Na tumo'tolo makapendam im bendu, wo ra'io makaaté in sama'.

Markus 2:14

An tutuw Sia lumangkoi am bitu sérén-Na si Lewi, toyaang i Alfius makalukut an tampa é tou mawér im pajak. Wo icua i Yesus ai sia, “Kumiito mai Yaku.” Kelinga in itu, si Lewi tumulung wo kumiit si Yesus.

Markus 5:37

Wo ra'ica kiim i Yesus keli en tou eng kumiit Sia, Sia asalo imakawali si Petrus, si Yakobus, wo si Yohanes si tuari i Yakobus.

Markus 9:2

Lumangkoio enem ngando, iwali i Yesus si Petrus, si Yakobus wo si Yohanes sumosor asi esa kuntung rangka'. Am bitu wayaoka iséra wo an dior im beren éra si Yesus mawalinao,

Lukas 22:12

Wo ituru' oka i makawalé itu ai camu esa tampa wangker an dangka' wo em pakénta am bituo waya. An tampa ituo e musti tu'tulan iow.”

Yohanes 11:16

Wo si Tomas si pengatowan ka'i Didimus, kumua a sé kara-karapina murit i Yesus walina, “Mayoo kita mangé ka'i an Yudea, mandé ka'i kita maté mewali-wali wo Sia.”

Yohanes 14:22

Wo si Yudas si ra'ica si Yudas Iskariot mamuéi a si Yesus, “Tuang, kéitu réén wayake' icami en tinuru'an-Mu in andumoro' si séi si Tuang en ulitna, ra'ica a sé pakasa sé tou ang kayo'baan?”

Yohanes 18:17

Icua i ata wéwéné si mengatéir im papalen itu a si Petrus, “Ra'ica réén ico ka'i esaan asé murit i Tou itu?” Wo isowat i Petrus ai sia, “Ra'ica yaku!”

Yohanes 21:2

Asi sangando, si Simon Petrus, Tomas si pengatuulen Didimus, si Natanael tou Kana ang Galilea, sé rua toyaang i Zebedeus, wo sé rua murit walina, séra im baya imali'us an tembir in lour itu.

Kisah Para Rasul 12:17

Taan séinan i Petrus ing kama wosama' séra menes. Kumawus in itu isisilna ai séra tambisa si Casuruan makawali sia kumesot am bui. Wo icuana ai séra, “Icuao mangé pakasa en anio' a si Yakobus wo a sé poo-poowta walina sé maémano.” Wo sia kumesot am bitu wo mangé an tampa walina.

Kisah Para Rasul 15:13

Kekawus i Paulus wo si Barnabas mepaar, wo icua ka'i i Yakobus, “Éi poo-poow, linganai aku!

Kisah Para Rasul 2:14

Wo si Petrus tumulung mewali-wali wo sé sangapulu' esa ruru'du'an walina. Icuana ang karapi in taangko' a sé tou keli itu, “Éi tou Yahudi wo pakasa in tou sé maento' an Yerusalem! Wéannio' rékén sumama-sama' en icuaku ai camu sapa e mamuali am bia'i.

Kisah Para Rasul 2:38

Isowat i Petrus ai séra, “Mape'diso wo terimano em baptisan a ngaran i Yesus Kristus wosama' eng kamesé-meséaan iow ampungan oka. Wo in taniitu teriman oka miow en tatambér-Na, siituo si Roh Le'nas.

Kisah Para Rasul 20:8

Asi témpo itu, kami mali'us an esa tampa an dangka'. Am bitu kelian sosoloan sé niéngkétan.

Kisah Para Rasul 4:13

Wo sé tou isumidang im perkara itu mangaya'ka' an tutuw suméré si Petrus wo si Yohanes brani keli, ampa'paan kailekan éra sapaoka sé rua tou itu tou biasa wo ra'ica sumicola, wo kailekan éra sé rua tou itu makiit si Yesus.

Kisah Para Rasul 4:19

Taan isowat i Petrus wo si Yohanes ai séra, “Icamuo en tumantu si wisa si wutul an dior i Amang Kasuruan, le'tek am perénta é tuang kuma'pa le'tek am perénta i Amang Kasuruan.

1 Korintus 15:7

Kumawus in itu ka'i, Sia mangé mapaturu' a si Yakobus wo mangé ka'i mapaturu' a sé im pakasa é ruru'du'an.

Galatia 1:19

Taan ra'ica ipeta'upku sé ruru'du'an walina, yaku asalo meta'up wo si Yakobus, poow i Apo' Yesus.

Galatia 2:9

Si Yakobus, si Kefas, si Yohanes sé nianggap kikiiten kumataré-taré an jamaat an Yerusalem, an tutuw éra isuméré in upus aitambér i Amang Kasuruan a yaku, séra membéan ing kama a yaku wo si Barnabas tanu tuus séra imeesao wo icami. Wo séra wo icami mengkakiitano sapaoka kami melala'us tumawoi torona é tou ra'- ica Yahudi wo séra in telu kasake' tumawoi torona é tou Yahudi.

Yakobus 1:1

Siri' a yaku owo Yakobus, ata i Amang Kasuruan wo i Apo' Yesus Kristus. Aipaticku en surat anio' a sé sangapulu' rua suku Israel am panangkéian sé maémano a si Yesus Kristus.

2 Yohanes 1:1

En surat anio' a yaku owo si penatua an jamaat. Ipaticku en surat anio' a si inang si sinisir i Amang Kasuruan, wo ka'i a sé toyaang i inang sé icaupusku kumiit in sususuien wutul i Amang Kasuruan. Wo ra'ica yakuke' e mengaupus icamu, taan pakasa in tou sé makailek in sususuien wutul mengaupus camu.

Yudas 1:1

Siri' a yaku owo, Yudas. Yaku anio' ata i Yesus Kristus si mepoow wo si Yakobus. En surat anio' aicirim a sé tou sé tinowa i Amang Kasuruan sé icaupus-Na keli wo ka'i sé pakatéiran-Na e mamuali tou i Yesus Kristus.