Kisah Para Rasul 1:11 - En Taar Weru a nunuwu' é Tontemboan

¹¹ Wo icua é rua tou itu ai séra, “Éi tou Galilea, kéitu réén kamu makatulung wo makakanaté' mangé an langit? Si Yesus anio' icaangkaio mangé an sorga tumela'uo icamu. Sia maai oka ka'i sumawel, meputé kamu suméré tumambisa Sia icaangkai angé an sorga.”

Kisah Para Rasul 1:11 ပူးပေါင်းရင်းမြစ်များ

Matius 16:27

Ampa'paan si Toyaang i Tou maai oka mewali-wali wo sé malaékat-Na ang kawasa wangko' i Amang-Na. An tutuw itu suliin-Na oka sé tou kiit im pinengaéma' éra.

Matius 16:28

En ulitna icua-Ku mangé ai camu, an unér é tou sé lumili am bia'i, awéan sé ra'ipé' maté sa ra'ipé' isuméré si Toyaang i Tou maai tanu Kolano ang Kakolanoan-Na.”

Matius 24:30

An tutuw itu, an langit kaséréan oka awéan tuus i Toyaang i Tou, wo pakasa sé bangsa ang kayo'baan maamé' oka. Séra suméré oka si Toyaang i Tou itu mai an dangka' ing kambung-kambung ang karapi waya ing kawasa wo ing kawangko'-Na.

Matius 25:31

“Sa si Toyaang i Tou maai ang karapi i rarayo wo in sisiri'-Na mewali-wali wo sé malaékat-Na, Sia lumukut oka am palukutan pasiri-siriin.

Markus 13:26

Asi témpo itu, sérén oka é tou si Toyaang i Tou mai ang kayo'baan pakasaputen ing kambung-kambung. Sia mai ang karapi pakasa ing kawasa wo ing kawangko'-Na.

Markus 14:70

Taan si Petrus isumangkalke' ka'i. Ra'ica mento' uré, sé tou am bitu kumua a si Petrus, “Ra'io suméa' icoo si esaan ai séra, ampa'paan ko tou Galilea!”

Markus 16:19

Makanuwu' mako si Apo' Yesus a sé murit-Na, Sia icaangkai angé an sorga wo lumukut ang kakan i Amang Kasuruan.

Lukas 21:27

Asi témpo itu sérén oka é tou si Toyaang i Tou mai ang kayo'baan pakasaputen ing kambung. Sia mai ang karapi pakasa ing kawasa wo ing kawangko'-Na.

Lukas 24:5

Séra maindé' keli wo séra kumundu wo en amo éra akar an tana'. Wo icua é rua tou itu ai séra, “Kéitu réén kamu maéré-éré si Tou tumou an uner é tou imaté?

Yohanes 14:3

Sa Aku mangém am bitu wo en tampa miow tinu'tul-Kuo, Yaku maai oka sumawel wo makawali icamu maangé an tampa-Ku, wosama' am bisa Aku am bitu ka'i kamu.

Kisah Para Rasul 1:2

akar asi endo Sia icaangkai angé an sorga. Ra'ipé' icaangkai angé si Yesus an sorga, Sia si pakakawasan i Roh Le'nas si mééo perénta sapa e musti émaan é ruru'du'an sé sinisir-Na.

Kisah Para Rasul 1:22

tumo'tolai an tutuw i Yesus nibaptis i Yohanes akar Sia icaangkai angé an sorga tumela'u icita. Si tou itu musti mengasairi mewali-wali wo icita sapaoka si Yesus itumou sumawel asi papaté.”

Kisah Para Rasul 1:9

Kumawusai si Yesus kumua in taniitu, Sia icaangkaio mangé an sorga pakasérén éra wo Sia saputen ing kambung akar ra'io kaséréan éra.

Kisah Para Rasul 13:31

Piraan ngando eng kauréna si Yesus mapaturu' in owak-Na a sé murit-Na, sé sumangkumo kumiit Sia ang Galilea owo wo mangé an Yerusalem. Sérao intarépé' sé mamuali sairi-sairi-Na a sé tou Israel.

Kisah Para Rasul 2:7

Séra im baya wo menguré-ngurésé in do'kos wo mangaya-ngaya'ka' malinga sé tou maéman itu, wo icua éra, “Kailekan ami, sapaoka sé tou maroma' itu tou Galilea.

Kisah Para Rasul 3:12

Keséré i Petrus sé tou keli itu wo icuana ai séra, “É tou Israel, kéitu réén kamu mangaya-ngaya'ka' andumoro' ing kamamualian itu? Wo kéitu réén kamu menéinte-néinteng in taniitu ai cami? Paweroten iow réén si tou anio' ro'na maya' ampa'paan ing kawasa ami in esa kuma'pa ampa'paan ing kale'tekkan ami a si Amang Kasuruan?

Kisah Para Rasul 3:21

Sia itu musti mento' an sorga akar mai en témpona si Amang Kasuruan méma' im pakasa mamuali weru. Pakasa en itu aicua-Nao indioré' owo, imaké sé nabi sé sinisir-Na.

1 Tesalonika 1:10

Pengasisil éra ka'i en andumoro' tambisa kamu mengento-ngento' si Toyaang i Amang Kasuruan maai a mangé en sorga owo. Siao si Yesus, si tinou-Na sumawel am papaté. Si Yesus itu ka'i en lumowir icita sé maéman ai Sia an ukuman i Amang Kasuruan sa.

1 Tesalonika 4:16

Sa Sia maayo, awéan oka esa perénta an sorga kumua in taangko', si Kikiiten é malaékat mangko' repet wo en terompét i Amang Kasuruan tuméngé. Asi témpo ituo si Apo' Yesus tumumpa mai a mangé en sorga owo, wo sé tou maéman ai Sia sé matéo, séra en dior touen sumawel.

Ibrani 9:28

Taniituo ka'i si Kristus, si makaesake' imaté mamuali iparagés en tumu'bus ing kamesé-meséaan é tou. Kekawus in itu Sia maai karua, ra'io en tumu'bus ing kamesé-meséaan é tou keli, taan e méé ing kalowiran a sé tou sé maento-ento' Sia.

Wahyu 1:7

Sérénno, Sia maai pakali'ciren ing kambung-kambung. Wo pakasa é tou suméré oka Sia, icauntep sé tou imengkow Sia. Wo Sia paamé'an oka waya é bangsa asi cayo'baan anio'. Tanu siituo e mamuali sa. Ulit.