Ibrani 9:8 - En Taar Weru a nunuwu' é Tontemboan

⁸ Ang karapi in atoran itu, aituru'o i Roh Le'nas sapaoka ang kauré ing kamar kataré am bitupé', en lalan pauntepan asi Kamar Lume'na-le'nas ra'ipé' imawuka'.

Ibrani 9:8 ပူးပေါင်းရင်းမြစ်များ

Lukas 1:80

Makauré si Yohanes makawangkoo wo makaketero ka'i em paémanenna a si Amang Kasuruan wo em perina makalooro. An tutuwna imawangkoo, sia mangé mento' an tana' kapayasan, akar sia tumo'tolo maéma' in tawoienna an uner é tou Israel.

Yohanes 10:7

Ampa'paan in itu icua ka'i i Yesus, “En ulitna icua-Ku mangé ai camu, Yakuo em papalen é domba itu.

Yohanes 10:9

Yakuo em papalen itu. Si séike' e muntep lumangkoi a Yaku, sia lowiren oka. Sia muntep oka wo kumesot, wo meta'up oka in tana' rerukutan.

Yohanes 14:6

Wo icua i Yesus, “Yakuo en lalan maangé a si Amang Kasuruan, Yaku ka'i si mengakua in sususuien wutul andumoro' i Amang Kasuruan, wo Yaku ka'i si mengawéé mai ing katouan akar ing kauré-uré. Ra'ica wana esake' tou e maai a si Amang sa ra'ica ipakawali-Ku.

Kisah Para Rasul 28:25

Anaé, pakasa séra ra'ica esa wewerot andumoro' in itu wo séra mentalicuran asi tampa itu. Taan, ra'ipé' mentalicuran séra, icua ka'i sumawel i Paulus ai séra, “Wutulo en aicua i Roh Le'nas a sé apo-apo'ta si aipatic ang kitap i nabi Yesaya.

Galatia 3:8

Ang Kitap Le'nas, ro'na kakailekanta sapaoka tumo'tolke' mai indior aitantuo i Amang Kasuruan sé tou ra'ica Yahudi anggapen-Na oka wutul an dior-Na sa séra maéman a si Kristus. En Abar Kaaruien itu aicuao i Amang Kasuruan indior a si Abraham an janji anio', “Pakasa im bangsa ang kayo'baan kamangen oka, ampa'paan ico.”

Efesus 2:18

Ampa'paano i Yesus Kristus, kita im baya tou Yahudi kuma'pa tou ra'ica Yahudi ro'na rumuru a si Amang Kasuruan, Amangta ang karapi in tatawang i Roh Le'nas si esa-esa.

Ibrani 10:15

Wo e Roh Le'nas ka'i mengasairi andumoro' in itu ai cita. Ang Kitap Le'nas aipatic in tana'i,

Ibrani 3:7

Ampa'paano in itu, ta'néieno mangé sapa sé aicua i Roh Le'nas ang kitap Le'nas, “Asi endo anio', sa lingan iow en suara i Amang Kasuruan,

Ibrani 9:3

Asi kamar kataré itu awéan kaéng pengakawu' aiwérén em pauntepan asi kamar karua. Eng kamar karua itu pengatuulen Kamar Lume'na-le'nas.

2 Petrus 1:21

Ampa'paan e nunuwu' asi Amang Kasuruan owo itu ra'ica isumangkum ako ipakua-kua kumiit ing kasalé'an in tou, taan ampa'paano in tawoien i Roh Le'nas si cumawasa a sé tou, akar séra ro'na kumua i nunuwu' i Amang Kasuruan itu.