Ibrani 9:19 - En Taar Weru a nunuwu' é Tontemboan

¹⁹ Ampa'paan indior ipakakua mako i Musa pakasa sé perénta an ukum Torat a sé tou Israel, wo sia mindo in enda' i ana' i sapi wo enda' i mémbé' tuama wo pekemunna in dano. Sia mindo wuuk i domba réindang matu'a, iwa'kesna an hisop wo ito'to'na an enda' itu. Wo ipesicna ang kitap Torat wo a sé im pakasa é tou Israel.

Ibrani 9:19 ပူးပေါင်းရင်းမြစ်များ

Matius 27:28

Wukaan éra eng karai-Na wo Sia karaian éra in juba pares.

Markus 15:17

Wukaan éra eng karai-Na wo karaian éra in juba pares. Wo émaan éra esa mahkota am panga-pangana rintek tutunéan wo ipaké éra an do'kos-Na.

Yohanes 19:2

Wo émaan éra em panga-pangana rintek tutunéan mamuali esa mahkota wo ipaké éra an do'kos i Yesus. Wo pakéan éra ka'i Sia in juba pares.

Yohanes 19:5

Wo si Yesus kumesot an untep in istana, wo Sia pakapakéané' i mahkota tutunéan wo in juba pares. Wo icua i Pilatus ai séra, “Séréno si Tou anio'!”

Ibrani 1:1

Indior, penguri-ngurin i Amang Kasuruan maroma' a sé apo-apo'ta mengapaké sé nabi ang karapi i membam-balinaan en carana.

Ibrani 10:22

Ampa'paan in itu mayoo kita rumuru mangé a si Amang Kasuruan ang karapi in lekep en até wo uli-ulit maéman ai Sia. Ampa'paan en atéta wineresio in enda' i Kristus akar male'nas asi kaléwo'anta, wo en owakta tanuoka winu'asano in dano weresi.

Ibrani 10:4

Ampa'paan en enda' i sapi tuama wo en enda' i mémbé' tuama uli-ulit ra'ica ro'na misi ing kamesé-meséaan é tou.

Ibrani 12:24

Wo kamu mai meta'up ka'i wo si Yesus, si maali mai im perjanjian weru i Amang Kasuruan a sé tou. Wo mai ka'i asi enda' im perjanjian weru si makatiti-titis e méé ing kaampungan ing kamesé-meséaan a sé tou. Sa taniitu en enda' i Yesus en lébé awéan wééna wo in enda' i Habel, ampa'paan en enda' i Habel si makatiti-titis asaloke' in sumuli' im pinanganat i Kain.

Ibrani 9:12

Si Kristus muntep asi Kamar Lume'na-le'nas an ténda pengaapo'an makasake' torona ing kauré-uré. An tutuw itu Sia ra'ica maali in enda' i mémbé' tuama kuma'pa in enda' i ana' i sapi, taan em pinaali-Na enda'-Na in esa en tumu'bus ing kamesé-meséaanta akar ing kauré-uré.

Ibrani 9:13

Iciit in atoran indior, en enda' i mémbé' tuama wo si sapi tuama wo ka'i awu tinunuan i ana' i sapi pengapesic a sé tou najis wosama' en owak éra maweresi.

Ibrani 9:18

Tanu siituo ka'i em perjanjian kataré si niéma' i Amang Kasuruan wo sé tou Israel. Si perjanjian kataré itu ka'i ra'ica toro pakén sa ra'ica wana enda'.

1 Petrus 1:2

Icamu sinisir i Amang Kasuruan, Amangta, tumo'tolke' mai indior kumiit im pawasa-wasan-Na. Wo kamu niéma' i Roh Le'nas mamuali le'nas wosama' kamu le'tek maéma' ing kasalé'an i Yesus Kristus wo eng kamesé-meséaan iow ka'i weresin-Na ang karapi in enda'-Na. Pekiupusenku a si Amang Kasuruan wosama' émaan-Na mai eng katouan iow elu-elur wo méé mai ing kamang si kumeli-keli ai camu.