Ibrani 9:14 - En Taar Weru a nunuwu' é Tontemboan

¹⁴ Anaé, sa en enda' wo en awu é binatang itu ro'na meresi in tou, lébé-lébépé' ka'i en enda' i Kristus! En enda'-Na ro'na lume'nas in até weresita asi mengéma-ngéma' sé ra'ica wana en torona, wosama' kita ro'na maapo' a si Amang Kasuruan si menonou. Ampa'paan si Kristus imééo in owak-Na in esa a si Amang Kasuruan tanu raragés si makaleke-lekep, ampa'paano ing kawasa i Roh i Amang Kasuruan si menonou akar ing kauré-uré.

Ibrani 9:14 ပူးပေါင်းရင်းမြစ်များ

Matius 12:28

Taan sa Aku musér si sétang maké ing kawasa i Roh i Amang Kasuruan, en ulitna si Amang Kasuruan Kumawasao tanu Kolano an uner iow.

Matius 16:16

Isowat i Simon Petrus, “Si Guruo si Mesias itu, si Toyaang i Amang Kasuruan si menonou!”

Matius 20:28

En itu meputé wo si niéma' i Toyaang i Tou. Sia maai ang kayo'baan anio' ra'ica maai selewiran é tou taan en sumelewir sé tou wo méé in owak-Na in esa en tumu'bus ing kamesé-meséaan é tou keli.”

Matius 7:11

Anaé, sa kamu sé léwo' makailek mawéé sé loor a sé toyaang iow, wopé'taré si Amang iow an sorga! Iwéé-Na oka mai sé loor a sé tou sé imangilek ai Sia.

Lukas 1:74

sapaoka iwekar-Na oka kita ang kakawasaan é kaséké'ta, wosama' kita ra'ica wana eng kaindé'an en sumelewir ai Sia.

Lukas 12:24

Sérén iow sé kokoak! Séra itu ra'ica mausew wo ra'ica maupu' wo ka'i ra'ica wana paumungan ing kakanen taan séra pengawéanai kanen i Amang Kasuruan. Icamu en lumébémai em bééna wo sé kokoak itu.

Lukas 12:28

Sa en dukut am pangumaan asi endo anio' awéan taan woondona mai tiya' an api, taan piniara wo niéma' i Amang Kasuruan pasung. Wopé'ka'i kamu, tantu émaan-Na lébé pasung éi kamu sé ra'ipé talos maéman!

Lukas 4:18

“E Roh i Amang Kasuruan a Yakuo ampa'paan Aku sinisir-Nao eng kumua in Abar Kaaruien a sé tou lengéi, wo Yaku ka'i ayutuso i Amang Kasuruan eng kumua a sé tou tana'i: sé tou ayuntep am bui iwekar-Na oka, sé tou wola émaan-Na oka ro'na maséré, sé tou paoko-okoien émaan-Na oka icawekar,

Yohanes 3:34

Ampa'paan si Yesus ayutus i Amang Kasuruan kumua in Taar-Na, ampa'paan winéan-Nao Roh ang karapi in da'- io icakua.

Kisah Para Rasul 1:2

akar asi endo Sia icaangkai angé an sorga. Ra'ipé' icaangkai angé si Yesus an sorga, Sia si pakakawasan i Roh Le'nas si mééo perénta sapa e musti émaan é ruru'du'an sé sinisir-Na.

Kisah Para Rasul 10:38

Kailekan iow ka'i sapaoka si Amang Kasuruan imééo i Roh Le'nas wo eng kawasa-Na a si Yesus tou Nazaret, Sia mangé am bisa-wisa wo méma' sé loor wo sumama' pakasa in tou sé kinawasao i kikiiten é sétang ampa'paan si Amang Kasuruan mewali-wali wo Sia.

Kisah Para Rasul 14:15

“Éi camu im baya, kéitu réén kamu méma' in tana'i? Kami anio' tou kaputé miow. Kami am bia'i eng kumua in Abar Kaaruien andumoro' i Yesus Kristus ai camu, wosama' kamu ro'na tumela'u sé opo-opo' sé ra'ica wana torona wo kamu maémano mangé a si Amang Kasuruan si menonou. Siao si méma' in langit wo ing kayo'baan, ta'sic wo im pakasa sé an untepna.

Kisah Para Rasul 15:9

Si Amang Kasuruan ka'i ra'ica masisir in tou, tou Yahudi kuma'pa tou ra'ica Yahudi. Line'nas-Nao en até éra ampa'paan maémano a si Yesus.

Roma 1:20

Mandé si Amang Kasuruan ra'ica kaséréan taan Sia ro'na kailekan é tou asé niéma'-Nao, tanu mai eng kaketeran-Na akar ing kauré-uré wo eng kale'nasan ing kakawasaan-Na tumo'tolke' mai eng kayo'baan anio' niéma'. Anaé, mandé esake' tou ra'ica wana e ro'na kumua sapaoka sia ra'ica makatuus si Amang Kasuruan.

Roma 1:4

taan sa sérén eng kale'nasan ing katouan-Na, Sia itu Toyaang i Amang Kasuruan. En tuusna an tutuw si Amang Kasuruan maké ing kawasa-Na itumou sumawel Sia an uner é tou imaté. Siao si Yesus Kristus Apo'ta.

Roma 11:12

Anaé, ampa'paano ing kameséaan é tou Israel, eng kasiwakana sé bangsa walina makéré ing kamang asi Amang Kasuruan owo. Lébé-lébépé' ka'i sa sé bangsa Israel itu meelurano sumawel wo Sia, sé bangsa walina tantu makéré oka ing kamang ilumébé-lébé mai ai Sia.

Roma 11:24

Kamu sé ra'ica tou Israel, kamu tanu im pangana sé pinokol a si tuura in zaitun sé ra'ica aseli. Anaé, sa kamu ro'na itampéng a si tuura in zaitun aseli sé ra'ica mensomaan wo im peri miow, lébé-lébépé' ka'i sé tou Israel, sé ayandé im panga-pangana asi tuura in zaitun aseli itu! Tantu séra taporak keli itampéng i Amang Kasuruan an tuura in zaitun éra in esa.

Roma 6:13

Wo tioo isarakan iow sé an owak iow mamuali pakakas eng kawasan ing kamesé-meséaan e méma' ing kaléwo-léwo'an. Taan isarakano mio' en owak iow a si Amang Kasuruan ampa'paan kamu ra'io pakakawasaan im papaté wo menonou ang katouan weru. Wo isarakano mio' pakasa sé an owak iow a si Amang Kasuruan em pakén torona méma' in sususuien wutul-Na.

Roma 6:22

Taan intarépé' kamu aicawekaro ang kamesé-meséaan wo imamualio ata i Amang Kasuruan. Akar kamu makéré im buéna i menonou le'nas torona i Amang Kasuruan wo eng kasiwakana kamu makéré oka ing katouan akar ing kauré-uré.

1 Korintus 15:45

Ang Kitap Le'nas cumua in tana'i, “Si tou kataré-taré si Adam mamuali mahluk i menonou,” taan si Adam en sosomoi mamuali Roh si mawéé ing katouan.

2 Korintus 5:21

Si Kristus ra'ica wana kamesé-meséaan, taan niéma' i Amang Kasuruan si Kristus e muléng ing kamesé-meséaanta, wosama' icita mamuali tou wutul an dior i Amang Kasuruan ampa'paan i Kristus.

2 Korintus 6:16

Awéan réén em puténa walé i Amang Kasuruan wo im paapo'an é opo-opo'? Kita anio' walé paento'an i Amang Kasuruan si menonou. Si Amang Kasuruan in esa icumua: “Mento' oka Aku an uner éra wo menonou mewali-wali wo iséra. Yaku mamuali oka Amang Kasuruan éra, wo séra mamuali oka tou-Ku.”

Galatia 2:19

Ampa'paan aku tanu si tou imatéo asi ukum Torat wosama' aku menonou torona i Amang Kasuruan. Yaku aisalipo mewali-wali wo si Kristus.

Efesus 2:5

akar kita touen-Na sumawel mewali-wali wo si Kristus, mandé ka'i an tutuw itu kita ayandé tanuoka matéo ampa'paan ing kamesé-meséaanta. Siituo en upus aitambér i Amang Kasuruan en lumowir icamu.

Efesus 5:2

Menonouo mangé ang karapi i meupu-upusan, kaputé i Kristus mengaupuso icamu. Sia sumarakano in owak-Na torona icita tanu raragésan si mawou manam torona i Amang Kasuruan.

1 Tesalonika 1:9

Am bisa-wisa sé tou mengasisil tambisa kamu tumerima cami an tutuw ami mangé ai camu. Ipasisil éra ka'i andumoro' tumambisa kamu tumela'u sé opo-opo' wo mape'dis wo mai maapo' a si Amang Kasuruan si menonou wo si ulit.

1 Timotius 1:17

Irayoo si Amang Kasuruan! Siao si Colanota akar ing kauré-uré. Sia awéan akar ing kauré-uré, Sia ra'ica kaséréan wo Sia wayake' in esa. Sia itu parayo-rayo wo pasiri-siriin akar ing kauré-uré. Ulit.

1 Timotius 3:15

sa aku icasomoi maai, en suratku anio' icateka' owo mangé ai co. Wo asi suratku anio', ro'nao kakailekanmu musti tumambisa eng katouan é tou maéman sé imuntepo am pamalé i Amang Kasuruan. Séra itu mamuali tuura wo totombol an esa walé. Tanu siituo sé jamaat-Na musti menonou, tanu tuura wo totombol in sususuien wutul itu.

Titus 2:14

Aiwéé-Nao en owak-Na mamuali raragés en tumu'bus waya ing kaléwo-léwo'anta wo émaan-Na kita mamuali tou-Na le'nas wo re'dem mengaéma' in loor.

Ibrani 1:3

Asi Toyaang-Na ituo ro'na kaséréanta e rarayo wo in sisiri' i Amang Kasuruan, Siao em paséréan im peri wo ing kawasa i Amang Kasuruan in esa, Siao ka'i e makatéir im pakasa sé ang kayo'baan ang karapi in Taar-Na si wuta ing kawasa. Wo Siao ka'i e meresi ing kamesé-meséaan é tou, kekawus in itu Sia mangé an sorga wo lumukut ang kakan i Amang Kasuruan si Makakawasa, asi tampa irumangka-rangka'.

Ibrani 10:10

Ampa'paan ing kasalé'an i Amang Kasuruan tanu siitu, kita line'naso torona ing kauré-uré an tutuw i Yesus Kristus rumagés in owak-Na wayake' i makasa.

Ibrani 10:12

Taan si Kristus si Imam Wangko'ta méé in owak-Na pinaté makasake' torona ing kaampungan ing kamesé-meséaan akar ing kauré-uré. Kumawus in itu Sia lumukut ang kakan i Amang Kasuruan.

Ibrani 10:2

Sa woo sé tou maapo' a si Amang Kasuruan uli-ulit wineresio ang kamesé-meséaan torona ing kauré-uré, séra ra'io ka'i mendam ing kamesé-meséaan. Wo in taniitu séra ra'io sangali ka'i rumagés binatang pinokol.

Ibrani 10:22

Ampa'paan in itu mayoo kita rumuru mangé a si Amang Kasuruan ang karapi in lekep en até wo uli-ulit maéman ai Sia. Ampa'paan en atéta wineresio in enda' i Kristus akar male'nas asi kaléwo'anta, wo en owakta tanuoka winu'asano in dano weresi.

Ibrani 11:21

Ampa'paan si Yakub awéan paémanen, an tutuw sia matawio imaté, kamangenna sé rua toyaang tuama i Yusuf esa wo si esa. Wo sia kumundu maapo' a si Amang Kasuruan makawangén an tempok im beka'.

Ibrani 13:12

Siituo imangémai si Yesus mawendu wo imaté ang kesot im papalen wangker ing kota Yerusalem e meresi ing kamesé-meséaan é tou ang karapi in enda'-Na in esa.

Ibrani 3:12

Anaé, é poo-poow, mareti-retio mangé oréoka awéan esaan ai camu makaaté in léwo' wo ra'io ka'i maéman, akar sia sumali'si' wo tumayang asi Amang Kasuruan si menonou.

Ibrani 6:1

Ampa'paan in ituo, mayoo tela'uta em patuuran in sususuien en andumoro' i Kristus wo melala'uso in sususuien si rumangka'mai wosama' em paémanenta makaketer. Tioo penguri-ngurin em patuuran in sususuien itu, tanumai sususuien in andumoro' i mape'dis mengéma-ngéma' in léwo', wo sususuien in andumoro' tumambisa maéman a si Amang Kasuruan,

Ibrani 7:16

Si Imam walina itu mamualio Imam ra'ica mengatuur asé atoran in tou, taan Sia mamuali Imam ampa'paan makaanu ing kawasa ing katouan si ra'ica ro'na maka'pu.

Ibrani 7:27

Si Yesus ra'ica meputé wo sé imam wangko' walina, si susur in endo musti meméé-méé i raragés binatang pinokol torona ing kamesé-meséaan éra in esa wo ka'i torona ing kamesé-meséaan é tou éra. Sia iméé i raragés makasake' torona ing kauré-uré, an tutuw-Na irumagés in owak-Na in esa.

Ibrani 9:12

Si Kristus muntep asi Kamar Lume'na-le'nas an ténda pengaapo'an makasake' torona ing kauré-uré. An tutuw itu Sia ra'ica maali in enda' i mémbé' tuama kuma'pa in enda' i ana' i sapi, taan em pinaali-Na enda'-Na in esa en tumu'bus ing kamesé-meséaanta akar ing kauré-uré.

Ibrani 9:26

Ampa'paan sa si Kristus menguri-nguri maragés in owak, tantu tumo'tolke' mai eng kayo'baan niéma' Sia musti menguri-ngurio masangkum ing kawenduan. Taan asi endo-endo ka'kapuan ing kayo'baan anio' Sia mai wayake' i makasa e rumagés in owak-Na in esa en tumu'bus ing kamesé-meséaan é tou.

Ibrani 9:7

Taan asi kamar karua si pengatuulen Kamar Lume'na-lenas wayake' si imam wangko' e ro'na muntep am bitu wo makasake' ka'i an sangata'un. An tutuw muntep am bitu, sia musti maali in enda' é binatang em pesic asi kekelew im piti perjanjian itu ampa'paan ing kamesé-meséaanna in esa wo ka'i ing kamesé-meséaan é tou Israel si niéma' éra ra'ica aipetutu'.

Ibrani 9:9

En itu tanu andéan ai cita sé menonou asi oras anio': raragés binatang pinokol wo raragés walina si aiwéé a si Amang Kasuruan, ra'ica ro'na méma' in até weresi é tou mamuali lekep ampa'paan e méé im paragés itu.

1 Petrus 1:19

taan kamu tinu'buso in enda' i Kristus si sosor keli em bééna. Sia ayandé tanu si ana' i domba makaowak lumoo-loor si pinaté mamuali raragés a si Amang Kasuruan.

1 Petrus 2:22

Sia ra'ica mengaéma' ing kamesé-meséaan wo ra'ica tampenguwaken.

1 Petrus 2:24

Sia in esa imuléngo ing kamesé-meséaanta an owak-Na, an tutuw-Na imaté ang kayu salip. Wo in taniitu kita icawekar asi kawasa ing kamesé-meséaan, wo menonou e méma' ing kasalé'an i Amang Kasuruan. Sé péla-péla'-Na ituo e iméma' icita masama'.

1 Petrus 3:18

Ampa'paan si Kristus imatéo wayake' imakasa en tumu'bus ing kamesé-meséaanta. Sia ra'ica wana kaséaan, taan Sia imaté torona icita sé mengéma-ngéma' ing kamesé-meséaan, wosama' kita ro'na ipakawali-Na mangé a si Amang Kasuruan. Sia pinaté an tutuw-Na imamuali Tou, taan Sia tinou sumawel i Roh Le'nas.

1 Petrus 4:2

Anaé, eng kauré kamu menonou ang kayo'baan anio', pakéno en témpo si matela'u itu e méma' ing kasalé'an i Amang Kasuruan, ra'ica méma' ing kasalé'an é tou.

1 Yohanes 1:7

Taan sa kita menonou an sendot meputé ka'i wo Sia an sendot, tantu kita menonou imeesa wo sé tou walina. Wo pakasa eng kamesé-meséaanta wu'asan oka in enda' i Yesus Toyaang-Na.

1 Yohanes 3:5

Kailekan iow sapaoka si Yesus imayo en tumu'bus ing kamesé-meséan, wo ai Sia ra'ica wana kamesé-meséaan.

Wahyu 1:5

Wo en upus aitambér wo eng kaeluran itu ka'i mai asi Yesus Kristus owo. Siao en sairi le'tek, wo eng kataré-taré itumou sumawel an uner é tou imaté, wo ka'i e makakawasa a sé kolano asi cayo'baan anio'. Sia mengaupus icita, wo mekar ing kamesé-meséaanta ang karapi in enda'-Na.