Ibrani 9:11 - En Taar Weru a nunuwu' é Tontemboan

¹¹ Taan intarépé' si Kristus imayo tanu Imam Wangko si maali mai ai cita andumoro' sé loor sé awéano. Sia imuntepo asi ténda pengaapo'an si lébé loor wo en lébé lekep, ampa'paan en ténda itu ra'ica tanu in ténda si niéma' é tou ang kayo'baan.

Ibrani 9:11 ပူးပေါင်းရင်းမြစ်များ

Matius 11:3

wo iru'du'na sé muritna mangé mamuéi a si Yesus, “Amang, si Amang réén si tou aijanjio i Amang Kasuruan si maai itu? Kuma'pa tou walina e musti entoon ami maai?”

Matius 2:6

‘Ico Betlehem an tana' Yehuda, ico ra'io ka'i kota si tumeki-tekic an uner é kota an Yehuda, ampa'paan ai coo maai oka si esa Tou e merénta sé tou-Ku Israel.’ ”

Markus 14:58

“Pinalinga ami si tou anio' kumua in tana'i, ‘Tongkaren-Ku oka em Balé Le'nas si niéma' é tou, wo asi endo katelu émaan-Ku oka Walé Le'nas walina, si ra'ica niéma' é tou.’ ”

Yohanes 1:14

Wo en Taar itu mamualio tou wo Sia mento' an unerta. Wo sinérétao eng kawangko'-Na itu, si tinerima-Nao asi Amang owo ampa'paan Sia Toyaang-Na in Esa-esa. Ampa'paan en Taar si mamualio tou itu, kinailekantao andumoro' in upus aitambér i Amang Kasuruan wo in sususuien wutul-Na.

Yohanes 4:25

Icua i wéwéné itu a si Yesus, “Kailekanku sapaoka si Mesias si patuulen ka'i Kristus maai oka. An tutuw Sia maai, icua-Na oka waya ai cami sé icasalé' i Amang Kasuruan.”

Kisah Para Rasul 7:48

Taan si Amang Kasuruan Si Rumangka-rangka' ra'ica maento' am balé-walé sé niéma' é tou, tanu si aicua i esa nabi:

2 Korintus 4:18

Anaé, ra'ica iwéé ami an dékén sé ro'na kaséréan, taan sé ipawéé ami an dékén sé ra'ica kaséréan. Sé kaséréan itu itumang asalo in ang karoro'anke', taan sé ra'ica kaséréan itu tatap akar ing kauré-uré.

2 Korintus 5:1

Kailekan ami sa en ténda paento'anta, siituo en owakta, ang kayo'baan anio' tongkaren wo icita sinadiaano i Amang Kasuruan esa walé an sorga. Em balé itu ra'ica niéma' ing kama in tou, wo tumang akar ing kauré-uré.

Kolose 2:11

Wo kamu sé meesao wo si Kristus, kamu itu tanu sinunato. Wo en sunat itu ra'ica sunat e niéma' é tou, taan en sunat si niéma' i Kristus, ampa'paan em peri ing kamesé-meséaan an owak iow pinokolo i Kristus.

Ibrani 10:1

En atoran-atoran ang kitap Torat itu, asaloke' im bayangan andumoro' sé loor si maai sa, ra'ica modél aseli asé loor itu. Sa kumiit sé atoran itu, sé tou sé mai maapo' a si Amang Kasuruan, séra musti meméé-méé raragés meputé susur in ta'un. Taan e raragés binatang pinokol sé airagés éra itu, ra'ica kawisa méma' iséra makaleke-lekep an dior i Amang Kasuruan.

Ibrani 12:27

Si nunuwu' “makasapé'” eng kaangéanna pakasa sé niéma'-Na asi cayo'baan anio' ipangéro' oka wo materi, wosama' sapa sé ra'ica toro ipaéro' siituo sé matela'u.

Ibrani 13:14

Ampa'paan ang kayo'baan anio' ra'ica wana kota ento'anta akar ing kauré-uré, kita maento-ento' ing kota ento'anta si maai oka sa.

Ibrani 2:17

Ampa'paano in itu am baya-waya si Yesus musti mamuali kaputé é poo-poow-Na. Wo in taniitu, Sia ro'na mamuali Imam Wangko' si mengaturu' ing kaupusan a sé tou wo Sia le'tek mengaselewir a si Amang Kasuruan. Ang karapi im pakaselewir-Na tanu Imam Wangko', eng kamesé-meséaan é tou ro'na kaampungan.

Ibrani 3:1

Poo-poow, sé tinowa i Amang Kasuruan i menonou an sorga. Mayoo kita lébé makatuus si Yesus, si pengaakunta tanu Ruru'du'an i Amang Kasuruan wo Imam Wangko'.

Ibrani 4:15

Ampa'paan si Imam Wangko'ta itu ra'ica imam wangko' sé ra'ica ro'na kumiit mendam ing kalembianta. Ampa'paan sinangkum-Nao mai waya em pangepé'an an tutuw Sia ang kayo'baan, meputé sé pasangkumenta intarépé'. Taan Sia ra'ica kawisa mako méma' ing kamesé-meséaan.

Ibrani 7:1

Si Melkisedek anio' kolano ang kota Salem wo imam i Amang Kasuruan Si Rumangka-rangka'. An tutuw i Abraham maréngo mai am paperangan icumala sé kolano, si Melkisedek en sumungkul wo ing kumamang isia.

1 Yohanes 5:20

Kailekanta ka'i sa si Toyaang i Amang Kasuruan imayo wo mééo ing kakailekan ai cita wosama' katuusanta si Amang Kasuruan si Wutul. Wo kita menonou meesao wo si Amang Kasuruan si Wutul itu, ampa'paan kita esa wo si Toyaang-Na Yesus Kristus. Si Yesus itu Kasuruan si Wutul wo Siake' e méma' sé tou ro'na menonou akar ing kauré-uré.

2 Yohanes 1:7

Kelio tou sé mengasélé'kow imapaturu'o wo isumeraro ang kayo'baan anio'. Séra itu ra'ica kiim mangaku sapaoka si Yesus Kristus imayo ang kayo'baan tanu in tou. Sérao sé mengauwak wo kaséké' i Kristus.