Ibrani 8:11 - En Taar Weru a nunuwu' é Tontemboan

¹¹ Wo séra ra'io sangali mensusuian wo sé kara-karapi kuma'pa sé poo-poow éra, wosama' makatuus si Casuruan. Ampa'paan séra im baya tumo'tol asé tou ra'ica penting akar a sé tou penting makatuus oka Yaku.

Ibrani 8:11 ပူးပေါင်းရင်းမြစ်များ

Yohanes 6:45

En itu aipatico ang kitap-kitap é nabi tana'i: ‘Séra im baya susuian oka i Amang Kasuruan.’ Anaé, si esa wo si esa tou sé lumingao wo tumerimao in sususuien i Amang, maai oka a Yaku.

Kisah Para Rasul 8:10

Pakasa in tou, wangkoo kuma'pa' teké'pé' sé mengakiit si Simon masihir itu, séra makua, “Si tou anio' awéan kawasa asi Amang Kasuruan si kawasa pengatuulen ing Kawasa Wangko'.”

1 Yohanes 2:27

Wo andumoro' icamu in esa, si Casuruan imééo mai i Roh Le'nas eng kumawasa icamu wo akar intarépé' e Roh Le'nas itu awéané' ai camu. Anaé kamu ra'io sangali susuian é tou walina, ampa'paan kamu penusu-nusuian i Roh Le'nas andumoro' im pakasa in itu. Wo sapa en aisusui-Na itu wutul wo ra'ica towo. Tinerimao miow en sususuien itu ai Sia, ampa'paan in itu kamu musti menonou angé meesa wo si Kristus.

1 Yohanes 5:20

Kailekanta ka'i sa si Toyaang i Amang Kasuruan imayo wo mééo ing kakailekan ai cita wosama' katuusanta si Amang Kasuruan si Wutul. Wo kita menonou meesao wo si Amang Kasuruan si Wutul itu, ampa'paan kita esa wo si Toyaang-Na Yesus Kristus. Si Yesus itu Kasuruan si Wutul wo Siake' e méma' sé tou ro'na menonou akar ing kauré-uré.