Ibrani 7:25 - En Taar Weru a nunuwu' é Tontemboan

²⁵ Ampa'paano in itu si Yesus makawoo lumowir ang karapi in lekep sé pakasa in tou sé aiwali-Na mangé a si Amang Kasuruan, ampa'paan si Yesus menonou akar ing kauré-uré si mekiupus a si Amang Kasuruan torona éra.

Ibrani 7:25 ပူးပေါင်းရင်းမြစ်များ

Yohanes 14:13

Wo sapake' em pangileken iow a ngaran-Ku, émaan-Ku oka en itu wo si Amang-Ku ro'na iparayo-rayo wo pasiri-siriin ampa'paan Aku Toyaang-Na.

Yohanes 14:16

Pangileken-Ku oka a si Amang-Ku, iwéé-Na oka mai ai camu si Matawang walina si ro'na mewali-wali wo icamu akar ing kauré-uré.

Yohanes 14:6

Wo icua i Yesus, “Yakuo en lalan maangé a si Amang Kasuruan, Yaku ka'i si mengakua in sususuien wutul andumoro' i Amang Kasuruan, wo Yaku ka'i si mengawéé mai ing katouan akar ing kauré-uré. Ra'ica wana esake' tou e maai a si Amang sa ra'ica ipakawali-Ku.

Roma 5:10

An tutuw kita masunduré' a si Amang Kasuruan, kita niéma'-Nao meeluran wo Sia ampa'paan im papaté i Toyaang-Na. Lébé-lébépé' ka'i intarépé' an tutuw kita meelurano sumawel wo Sia, tantu kita lowiren oka asi endo kaka'puan ing kayo'baan ampa'paan si Kristus itumou sumawel.

Roma 5:2

Wo ampa'paan kita maéman a si Yesus, kita imakéré in upus aitambér i Amang Kasuruan. Wo ampa'paan in upus aitambér ituo kita menonou intarépé'. Wo kita maaru-arui ampa'paan makaanu im paarapen sapaoka kita makéré oka bagéan a rarayo wo in sisiri' asi Amang Kasuruan owo.

Roma 8:34

Ra'ica wana tou e ro'na méé séa', ampa'paan bélan oka i Kristus Yesus an dior i Amang Kasuruan. Sia imatéo torona icita wo tinou sumawel, wo makalukut ang kakan i Amang Kasuruan wo mekiupus torona icita.

1 Korintus 1:21

Ampa'paan mandé tambisa eng kapinteran é tou ang kayo'baan, ra'ica makawoo makatuus si Amang Kasuruan sa asalo maké ing kapinteran in esa. Taan ampa'paan ing kapinteran i Amang Kasuruan, pinusé'-Nao en lumowir sé tou maéman ai Sia kumiit in abar ipakua-kua ami. En abar itu, paanggapen é tou ra'ica maéman a si Yesus, abar ra'ica wana torona.

Efesus 2:18

Ampa'paano i Yesus Kristus, kita im baya tou Yahudi kuma'pa tou ra'ica Yahudi ro'na rumuru a si Amang Kasuruan, Amangta ang karapi in tatawang i Roh Le'nas si esa-esa.

Efesus 3:12

Intarépé' kita ra'io ka'i maindé-indé' rumuru a si Amang Kasuruan, ampa'paan icita maémano a si Kristus Yesus wo meesao wo Sia.

Efesus 3:20

Si Amang Kasuruan makawoo iméma' lébé kelimai asé sapa sé ipasombayangta kuma'pa sapa sé pawerotenta, kumiit ing kawasa-Na si matawoi ai cita.

Filipi 3:21

An tutuw Sia maai, roban-Na oka en owakta si ra'ica keter wo si ro'na materi anio', mamuali tanu in owak-Na si parayo-rayo wo pasiri-siriin. Sia ro'na méma' in itu ampa'paan Sia makaanu ing kawasa si makawoo méma' im baya-waya kumuru ai Sia.

1 Timotius 2:5

Si Amang Kasuruan wayake' in esa, wo ka'i wayake' in esa e makawali sé tou a si Amang Kasuruan, Siao si Kristus Yesus.

2 Timotius 1:12

Ampa'paan aku makua in Abar Kaaruien itu, akar sangkumku eng kawenduan am bui anio'. Taan aku ra'ica malawi', ampa'paan kailekanku si Apo' Yesus si paémanenku. Émanenku Sia awéan kawasa en tuméir in tawoien si aitoké-Na a yaku akar asi endo kaka'puan ing kayo'baan.

Ibrani 11:6

Si tou ra'ica maéman a si Amang Kasuruan, sia ra'ica kawisa mako maarui in até-Na. Si tou mai a si Amang Kasuruan sia musti maéman sapaoka si Amang Kasuruan itu awéan, wo sia musti maéman ka'i sapaoka si Amang Kasuruan méé mai in laasa a sé tou sé uli-ulit mengaéré Sia.

Ibrani 13:15

Anaé, ampa'paano si Yesus Kristuso, mayoo kita mengua-ngua i rarayo wo in sisiri' a si Amang Kasuruan ang karapi im ba'ba'ta e méé makapulu'sama'. En itu tanu cita méé raragés binatang pinokol ai Sia.

Ibrani 2:18

Wo ampa'paano Sia in esa isumangkumo imawendu wo pinangepé'an, anaé Sia makawoo tumawang sé tou an tutuw éra am pinangepé'an.

Ibrani 2:9

Taan kailekanta sapaoka en itu linekepo i Yesus. Ampa'paan Sia niéma'o wawa' toyo' asé malaékat asi témpo ra'ica talos uré, tutuw Sia imamuali tou. Ampa'paan in upus aitambér i Amang Kasuruan, si Yesus mamuali taniitu torona pakasa in tou. Taan intarépé' niéma'o i Amang Kasuruan Sia Kolano iparayo-rayo wo pasiri-siriin an dangka' im baya-waya ampa'paan Sia isumangkumo mai ing kawenduan akar imaté.

Ibrani 5:7

An tutuw i Yesus menonou tanu tou ang kayo'baan, Sia masombayang wo mapekiupus ang karapi imaangko' maamé' a si Amang Kasuruan si makawoo lumowir Sia am papaté. Ampa'paan Sia le'tek wo wuta in siri' a si Amang Kasuruan, akar en sombayang-Na lininga.

Ibrani 7:16

Si Imam walina itu mamualio Imam ra'ica mengatuur asé atoran in tou, taan Sia mamuali Imam ampa'paan makaanu ing kawasa ing katouan si ra'ica ro'na maka'pu.

Ibrani 7:19

Ampa'paan en ukum Torat ra'ica ro'na méma' si séike' e mamuali lekep an dior i Amang Kasuruan. Taan intarépé' kita winéano mai i Amang Kasuruan arapan lébé loor, si méma' icita rumuru mangé ai Sia.

Ibrani 7:24

Taan si Yesus menonou akar ing kauré-uré, akar en tawoien-Na tanu Imam ra'ica kasawelan é tou walina.

Ibrani 7:8

Imam-imam sé mengaterima in sangapepulu', séra itu tou sé ro'na maté. Taan si Melkisedek si tumerima in sangapepulu', kasake' menonou tanu ing kasairian ang Kitap Le'nas.

Ibrani 9:24

Si Kristus ra'ica imuntep ang Kamar Lume'na-le'nas ang kayo'baan si niéma' ing kama in tou si asalo bayangan a si patron aseli si an sorga. Taan Sia muntep an sorga, wo intarépé' Sia a mangé em bitu makasaru si Amang Kasuruan torona icita.

Yudas 1:24

Si Amang Kasuruanke' si makakawasa en tuméir icamu wosama' kamu ra'ica icasu'su'. Siao e makawoo maali icamu sé ra'ica wana kaséaan a si tampa-Na si parayo-rayo wo pasiri-siriin, wo am bitu oka kamu masalé-salé'.