Ibrani 7:21 - En Taar Weru a nunuwu' é Tontemboan

²¹ Taan si Yesus niangkai i Amang Kasuruan mamuali Imam maké in sumpa. Si Amang Kasuruan icumua a si Yesus tanu si aipatic i Daud tana'i, “Si Casuruan isumumpa wo em pinusé'-Na ra'ica kawisa maroba, ‘Icoo Imam akar ing kauré-uré.’ ”

Ibrani 7:21 ပူးပေါင်းရင်းမြစ်များ

Roma 11:29

Ampa'paan sa si Amang Kasuruan itumowa tou e mamuali tou-Na wo tambéran-Na in upus, ra'ica kawisa wo roban-Na sé pinusé'-Nao itu.

Ibrani 5:6

Wo awéan ka'i sé aicua i Amang Kasuruan a nats walina ang Kitap Le'nas tana'i, “Icoo si Imam akar ing kauré-uré kaputé i Melkisedek.”

Ibrani 7:17

Ampa'paan ang Kitap Le'nas awéan kasairian andumoro' Sia in tana'i, “Icoo si Imam akar ing kauré-uré, kaputé i Melkisedek.”

Ibrani 7:20

An tutuw i Yesus mamuali Imam, Sia niangkai ang karapi in sumpa. Ra'ica wana sumpa tanu siitu an tutuw é taranak i Lewi niangkai mamuali imam.

Ibrani 7:23

Indior sé imam kelian. Taan ampa'paan séra imaté akar ra'ica toro lumala'us in tawoien éra, anaé musti sawelan é imam walina.

Ibrani 7:28

Iciit in ukum Torat, si imam wangko' pengaangkaien asé tou biasa sé ra'ipé' lekep. Taan kekawus in ukum Torat, si Amang Kasuruan mangkai si Toyaang-Na maké in sumpa, wo si Toyaang-Na niéma'o mamuali Imam Wangko' si lekep akar ing kauré-uré.