Ibrani 7:14 - En Taar Weru a nunuwu' é Tontemboan

¹⁴ Pakasa en tou makaileko sapaoka si Apo' Yesus itu taranak in suku Yehuda, wo si Musa ra'ica isumangkum ako tumuul i ngaran in suku itu tutuwna maroma' in andumoro' sé imam.

Ibrani 7:14 ပူးပေါင်းရင်းမြစ်များ

Matius 2:6

‘Ico Betlehem an tana' Yehuda, ico ra'io ka'i kota si tumeki-tekic an uner é kota an Yehuda, ampa'paan ai coo maai oka si esa Tou e merénta sé tou-Ku Israel.’ ”

Lukas 1:43

Si séi réén aku anio' akar si inang i Tuangku mai meta'up wo yaku?

Lukas 3:33

toyaang i Aminadab, toyaang i Admin, toyaang i Arni, toyaang i Hezron, toyaang i Peres, toyaang i Yehuda,

Yohanes 20:13

Wo wuéien é malaékat itu ai sia, “Inang, kéitu réén ko maamé'?” Isowat i Maria, “Si Tuangku niindoo é tou, wo ra'ica kailekanku am bisa em binetaan éra Sia.”

Yohanes 20:28

Wo icua i Tomas, “Icoo si Tuangku wo ka'i Amang Kasuruanku!”

Roma 1:3

En Abar Kaaruien itu andumoro' i Toyaang-Na, si Apo'ta Yesus Kristus. Sa sérén eng katouan tanu in tou, Sia itu taranak i colano Daud,

Roma 2:3

Wo kamu é poo-poow, ipatudu miow sé tou walina sapaoka séra patus in ukumen, tioo mawerot kamu ro'na icawekar an ukuman i Amang Kasuruan ampa'paan kamu in esa mengaéma' sé andumoro im pengaémaan éra.

Efesus 1:3

Irayoo mangé si Amang Kasuruan, Amang i Apo'ta Yesus Kristus! Si Amang Kasuruan itumambéro mai ai cita pakasa ing kamang sé an sorga owo, ampa'paan kita meesao wo si Kristus.

Filipi 3:8

Ra'ica siituke', am baya-waya ra'ica wana torona, sa ipeputé wo yaku intarépé' si makatuuso si Kristus Yesus, Apo'ku. Wo ampa'paano i Kristus Yesus, iwekarku waya en itu wo anggapenku tanu noo, wosama' aku lébépé' ka'i makatuus si Kristus Yesus,

Ibrani 7:13

Si imam si pepaaren am bia'i, siao si Apo' Yesus. Sia icauntep an suku walina wo ra'ipé' sumangkum ako awéan esa tou ka'i asé suku itu maselewir am pawetaan i raragés tanu imam.

Ibrani 7:15

Wo en itu kaséréano wutul an tutuw mapaturu'o si esa tou imam walina kaputé i Melkisedek.

Wahyu 22:16

Icua ka'i i Yesus, “Yaku, si Yesus imutuso si malaékat-Ku e méé ing kasairian andumoro' pakasa im perkara anio' ai camu torona é jamaat. Yakuo en sééna, si taranak i Daud, si lolouren si sumendo-sendot.”

Wahyu 5:5

Wo esaan asé rua ngapulu' epat matu'a kumua a yaku, “Tioo ko maamé'! Séréno! Awéan Singa asé suku i Yehuda owo, Siao si taranak i Daud. Sia muntungo akar Sia ro'na muka' sé pitu ségélna wo ing gulungan kitap itu.”