Ibrani 7:11 - En Taar Weru a nunuwu' é Tontemboan

¹¹ An tutuw é suku Lewi mamuali imam, si Amang Kasuruan méé mai in ukum Torat a sé tou Israel. Mandé ka'i sé imam taranak i Lewi mengaéma' in tawoien éra mengatuur an ukum Torat, taan em pakaselewir éra ra'ica ro'na méma' sé tou mamuali lekep an dior i Amang Kasuruan. Anaé, musti awéan imam walina kaputé i Melkisedek, wo ra'ica imam asé taranak i Lewi kaputé imam Harun.

Ibrani 7:11 ပူးပေါင်းရင်းမြစ်များ

Galatia 2:21

Ra'ica icélongku en upus aitambér i Amang Kasuruan. Ampa'paan sa awéan tou sé nianggap wutul an dior-Na ampa'paan makiit in ukum Torat, tantu em papaté i Kristus ra'ica wana en torona.

Galatia 4:3

Taniitu ka'i mai wo icita: An tutuw kita ra'ipé' makatuus si Kristus, kita pakaatané' é roh sé makakawasa ing kayo'baan anio'.

Galatia 4:9

Taan intarépé' Sia kinatuusano miow, kuma'pa lébé loor kamu patuulen katuusano i Amang Kasuruan. Kéitu réén kamu masalé'ke' maréng sumawel sumelewir a sé roh ing kayo'baan sé ra'ica keter wo lengéi? Kéitu réén kamu masalé'pé' mengaata in owak a sé roh itu?

Ibrani 5:10

Wo Sia niangkai i Amang Kasuruan mamuali Imam Wangko' kaputé i Melkisedek.

Ibrani 5:6

Wo awéan ka'i sé aicua i Amang Kasuruan a nats walina ang Kitap Le'nas tana'i, “Icoo si Imam akar ing kauré-uré kaputé i Melkisedek.”

Ibrani 6:20

Wo si Yesus imuntepo am bitu rumior angé ai cita, an tutuw-Na mamuali Imam Wangko' akar ing kauré-uré kaputé i Melkisedek indior.

Ibrani 7:10

Mandé ka'i si Lewi ra'ipé' tumou asi témpo itu, taan ro'nao icuata sapaoka si Lewi an untepo in owak i Abraham apo'na an tutuw si Abraham sinungkul i Melkisedek.

Ibrani 7:12

Sa en atoran mengaangkai imam roban, tantu pakasa en ukum Torat ka'i musti maroba.

Ibrani 7:13

Si imam si pepaaren am bia'i, siao si Apo' Yesus. Sia icauntep an suku walina wo ra'ipé' sumangkum ako awéan esa tou ka'i asé suku itu maselewir am pawetaan i raragés tanu imam.

Ibrani 7:15

Wo en itu kaséréano wutul an tutuw mapaturu'o si esa tou imam walina kaputé i Melkisedek.

Ibrani 7:21

Taan si Yesus niangkai i Amang Kasuruan mamuali Imam maké in sumpa. Si Amang Kasuruan icumua a si Yesus tanu si aipatic i Daud tana'i, “Si Casuruan isumumpa wo em pinusé'-Na ra'ica kawisa maroba, ‘Icoo Imam akar ing kauré-uré.’ ”

Ibrani 8:7

Sa woo em perjanjian kataré itu makaleke-lekep, tantu ra'io sangali ka'i émaan i Amang Kasuruan em perjanjian karua.

Ibrani 9:6

Tanu siituo en ténda paapo'an itu nielur. Susur in endo sé imam muntep asi Kamar kataré an ténda paapo'an mengaéma' in tawoien éra.