Ibrani 6:8 - En Taar Weru a nunuwu' é Tontemboan

⁸ Taan, sa en tana' itu asalo pengatowan ing kuung wo rukut tutunéan, en tana' itu ra'ica wana torona. Wo en tana' itu matawio icutuk i Amang Kasuruan, ang kasomoianna pakatunu-tunun.

Ibrani 6:8 ပူးပေါင်းရင်းမြစ်များ

Matius 25:41

Wo icua-Na oka ka'i a sé tou ang ka'biri-Na, ‘Kamu itu sé tou kinutuko. Tumayango mangé kamu an dior-Ku wo mangé muntep an api ra'ica mape'de-pe'del akar ing kauré-uré an tampa si aitu'tulo torona i kikiiten é sétang wo sé makiit sia.

Matius 3:10

Em pati tinu'tulo an a'mut in tuura en tumongkéi in tuura sé ra'ica mengawéé wua'na loor wo tiya' an api.

Matius 7:19

En tuura sé ra'ica mawua' loor, tantu tongkéien wo tiya' an api.

Markus 11:14

Wo icua-Na a si tuura in ara itu, “Mandé esake' tou ra'io wana eng kuman im bua'namu akar ing kauré-uré!” Sé murit-Na ka'i luminga in aicua-Na itu.

Markus 11:21

Wo kata'néiano i Petrus en aicua i Yesus kaawii wo icuana ai Sia, “Guru, sérén angé! Si tuura in ara si kinutuk-Mu imaperao.”

Yohanes 15:6

Si séike' mangé si ra'ica menonou meesa wo Yaku, sia tanuoka im pangana si ra'ica mawua', itiya' oka wo mapera, wo li'usen oka é tou wo iténdél an untep in api wo tunun.

Ibrani 10:27

taan asalo oka maento-ento' in ukuman si kaindéén oka mai ang karapi in api mengembu-ngembung si ra'io icakua en tumunu oka pakasa in tou sé masundur si Amang Kasuruan.

Ibrani 12:17

Wo kakailekano iow, si Esau masalé' tumerima sumawel ing kamang asi amangna tanu toyaang luluna, taan sia aicélongke'. Ampa'paan sia ra'io wana témpo ka'i e mutul ing kaséaanna itu, mandé pangérénna ang karapi imaamé'.

Wahyu 20:15

Wo pakasa sé tou e ngaran éra ra'ica aipatic an untep ing kitap katouan itu, iténdél an untep in ta'sic api itu.