Ibrani 6:5 - En Taar Weru a nunuwu' é Tontemboan

⁵ wo sumangkumo makailek sapaoka en Taar i Amang Kasuruan itu loor wo sumangkumo mepé' mai ing kawasa i Amang Kasuruan si kawasa ang kayo'baan weru sa,

Ibrani 6:5 ပူးပေါင်းရင်းမြစ်များ

Matius 12:32

Sa awéan tou manuwu' en sumundur si Toyaang i Tou, si tou itu ampungan oka. Taan sa sé ipanuwu'na maojat si Roh Le'nas, sia ra'ica kawisa kaampungan, intarépé' wo ka'i akar ing kauré-uré.”

Markus 6:20

Ampa'paan si Yohanes pengasiriin i Herodes wo kailekanna si Yohanes itu tou wutul wo le'nas. Anaé, sia linoindong i Herodes, taan susurna in luminga si Yohanes manuwu' sia ra'io makaaté in sama' mandé ka'i sia mendam in arui mengalinga si Yohanes manuwu'.

Lukas 8:13

En lulumbo irumongkor an tana' wawatuan ayandé sé tou ilumingao in Taar i Amang Kasuruan ang karapi in arui en até. Taan en Taar itu ra'ica imaa'mut sama' an untep in até éra. Sé tou tanu siitu tumarépé'anke' maéman wo an tutuw imeta'- up im pangepé'an, séra ra'io ka'i maéman a si Amang Kasuruan.

Efesus 6:17

Kamu linowiro i Amang Kasuruan, pakénno mangé eng kalowiran iow itu tanu pengaloindong an do'kos iow. Wo ka'i terimano mangé en Taar i Amang Kasuruan tanu sa'bel si aiwéé i Roh Le'nas en sumundur sé kaséké'.

Ibrani 11:3

Ampa'paan awéan paémanen akar ro'na kaangéanta sapaoka en tana' wo en langit wo pakasa sé an untepna niéma' i nunuwu' i Amang Kasuruan. Anaé, pakasa sé ro'na kaséréanta, niéma' asé sapa sé ra'ica kaséréanta.

Ibrani 2:5

Ra'ica sé malaékat em binéan i Amang Kasuruan kawasa e merénta ing kayo'baan weru sa, si ang karoro'an im papaarenta anio'.

Ibrani 4:12

En Taar i Amang Kasuruan itu menonou wo makakawasa. Wo en Taar itu ilumébé mai ing katelew in sa'bel rua telewa, ro'na tumopok rarem keli akar tumané i mu'kur wo e roh, wunak wo wuku-wuku in du'i, wo ro'na kailekan-Na waya sé an untep im bewerot wo im paaté-atén é tou.

1 Petrus 1:25

Taan en Taar i Amang Kasuruan awéan melala'us akar ing kauré-uré.” Si Taar ituo, en Abar Kaaruien andumoro' i Yesus Kristus si aicuao ai camu im baya.

1 Petrus 2:3

sa wutu-wutul kamu in esa sumangkumo tambisa eng kalooran i Casuruan.

2 Petrus 2:20

Sé tou itu isumangkumo makatuus si Yesus Kristus, Apo' wo Lumolowirta, séra icawekaro ang kasalé'an léwo' ing kayo'baan. Taan sa séra maréng sumawel iméma' sé kaléwo'-léwo'an itu, eng kasiwakanna em peri ing katouan éra itu ilumébé léwo' mai asi cataré.