Ibrani 6:2 - En Taar Weru a nunuwu' é Tontemboan

² kuma'pa sususuien in andumoro' im baptisan, sususuien in andumoro' i maro ing kama am bawo in do'kos, sususuien in andumoro' sé tou imaté tumou sumawel, wo sususuien in andumoro' in ukuman akar ing kauré-uré.

Ibrani 6:2 ပူးပေါင်းရင်းမြစ်များ

Matius 28:19

Ampa'paano in itu, mangém am pakasa im bangsa, wo émaano mangé séra mamuali murit-Ku. Baptiseno mangé séra ang karapi ngaran i Amang, i Toyaang wo i Roh Le'nas.

Matius 3:14

Wo icua i Yohanes a si Yesus. “Yaku em patus baptisen i Tuang, ra'ica yaku e maptis si Tuang.”

Markus 16:16

Si séi e maéman a Yaku wo baptisen, sia malowir oka. Taan si séi si ra'- ica maéman a Yaku, makéré oka in ukuman.

Markus 7:4

Wo ka'i sa séra maréngai am pasar, séra ra'ipé' toro kuman sa ra'ipé' imeresi in owak. Keliané' ka'i eng kanaramen walina sé pengatimboien éra in sama', tanu mai mu'as ing gelas, tampayang wo sé pakakas tambaga wo ka'i em patekelan.

Markus 7:8

Em perénta i Amang Kasuruan ra'ica pengakiiten iow, taan em perénta sé niéma' é tou pengakiitan iow.”

Lukas 11:38

Si tou Farisi itu mangaya'ka' isuméré si Yesus makano ra'ica imu'as ing kama kumiit in atoran agama éra.

Lukas 12:50

Sangkumen-Ku oka eng kawenduan uter akar Aku maté wo Aku ra'- ica makaaté in sama' sa en itu ra'ipé' mamuali.

Lukas 14:14

Pakakamangen oka ko, ampa'paan séra ra'ica wana sapa-sapa en suli' ing kalooranmu. Suliin oka i Amang Kasuruan eng kalooranmu itu an tutuw touen-Na sumawel sé tou wutu-wutul maéman wo le'tek ai Sia.”

Lukas 3:16

Wo icua i Yohanes ai séra, “Baptisenku kamu in dano, taan kekawus yaku maai oka si Tou eng kawasa-Na lumébé mai wo yaku, muka' in tali in sapatu-Na, yaku ra'ica patus. Baptisen-Na oka kamu i Roh Le'nas wo in api.

Yohanes 1:33

An tutuw itu ra'ipé' katuusanku Sia, taan si Amang Kasuruan si mutus yaku e mengabaptis sé tou ang karapi in dano, icumuao a yaku: ‘Sa sérénmu e Roh itu tumumpa mai an dangka' i esa Tou wo tumeka' am bawo-Na, Sia oka e mengabaptis sé tou ang karapi i Roh Le'nas’.

Yohanes 5:29

wo tumou sumawel. Sé tou iméma'o ing kalooran touen oka sumawel en tumerima ing katouan akar ing kauré-uré. Taan sé tou iméma'o ing kaléwo-léwo'an touen sumawel in ukumen.”

Kisah Para Rasul 10:47

“Sinéréo miow in esa! Sé tou itu tumerimao i Roh Le'nas tanu cita tou Yahudi. Anaé, intarépé', ra'ica wana tou e ro'na méro iséra im baptisen maké in dano.”

Kisah Para Rasul 13:3

Kekawus éra i mapuasa wo masombayang, séra maro ing kama an dangka' in do'kos i Barnabas wo si Saulus wo séra in dua yutus angé e méma' in airu'du' i Amang Kasuruan.

Kisah Para Rasul 16:15

Kekawus i Lidia wo sé am pamaléna nibaptis, icuana in tana'i ai cami, “Sa percayan iow aku anio' wutu-wutul maémano a si Casuruan, mayo lumosér am baléku.” Pelepé-lepéienna, akar kiniitan ami eng kasalé'anna en lumosér am baléna.

Kisah Para Rasul 16:33

Asi katoora im bengi ituke', iwali i capala im bui séra e mangé meresi im péla' éra. Asi témpo itu ka'i, si capala im bui wo pakasa sé am baléna méé in owak éra im baptisen.

Kisah Para Rasul 17:18

Ang kota Atena awéan golongan Epikuros wo golongan Stoa. Sé tou pinter asé reru itu meindo-indoan roma' wo si Paulus, awéan e makua, “Sapa réén eng kailekan i tou anio'? Eng kailekanna waya im pira taan keli nuwu'.” Wo sé walina ka'i makua, “Si tou anio' makua wona' andumoro' é opo-opo' é bangsa walina.” Icua éra in taniitu ampa'paan si Paulus mengakua andumoro' i Yesus wo andumoro' Sia si tinou sumawel am papaté.

Kisah Para Rasul 2:38

Isowat i Petrus ai séra, “Mape'diso wo terimano em baptisan a ngaran i Yesus Kristus wosama' eng kamesé-meséaan iow ampungan oka. Wo in taniitu teriman oka miow en tatambér-Na, siituo si Roh Le'nas.

Kisah Para Rasul 2:41

Kumawus in itu, sé tou itumerima i nunuwuun i Petrus, séra méé in owak em baptisen. Asi témpo ituke', sé tou maéman a si Yesus makaawes eng kakeli mamuali telu ngariwu tou.

Kisah Para Rasul 23:6

An tutuw kailekan i Paulus sapaoka sé anggota Mahkamah Agama itu awéan rua golongan, si esa Saduki wo si esa ka'i Farisi wo sia kumua in taangko', “Poo-poow, sé matu'aku tou Farisi wo aku ka'i tou Farisi. Yaku aisaru a Mahkamah anio' ampa'paan percayanku sa sé tou imatéo touen sumawel i Amang Kasuruan.”

Kisah Para Rasul 24:15

Yaku ka'i maarap a si Amang Kasuruan meputé wo iséra, sapaoka kawisa mangé pakasa in tou sé matéo touen oka sumawel, sama' sé tou wutul kuma'pa tou ra'ica wutul.

Kisah Para Rasul 24:21

Kuma'pa wona' an tutuwku makatulung an dior éra wo icuaku in taangko' sapaoka, ‘Sé tou imatéo touen oka sumawel i Amang Kasuruan,’ akar aku aisaru éra a si tuang.”

Kisah Para Rasul 24:25

Wo icua i Paulus tumambisa sé tou menonou wutul an dior i Amang Kasuruan, tumambisa eng kumawasa in owak wosama' ra'ica méma' ing kamesé-meséaan wo ka'i andumoro' in endo sé tou akimen i Amang Kasuruan. Kelingana in itu, sia makala'us maindé' wo icuana, “Taniitupé'owo, wo mangéo ko. Kawisa mangé sa awéano témpo loor towanku oka sumawel ko.”

Kisah Para Rasul 26:8

Wo intarépé' wuéienku ai camu é tou Yahudi, kéitu réén ra'ica percayan iow sapaoka si Amang Kasuruan ro'na tumou sumawel sé tou imatéo?

Kisah Para Rasul 4:2

Sé tou itu mae'bow keli ampa'paan si Petrus wo si Yohanes masusui wo makua a sé tou keli sapaoka sé tou maéman touen oka sumawel an uner é tou imaté.

Kisah Para Rasul 6:6

Sé pitu tou itu iwali éra a sé sangapulu' rua ruru'du'an wo séra maro ing kama an dangka' é pitu tou itu wo sumombayang.

Roma 2:16

Tanu siituo e imamuali asi endo kaka'puan ing kayo'baan sa. Asi endo itu si Amang Kasuruan méé kawasa a si Kristus Yesus e makim waya sé icaenep an até é tou wo sé pawero-weroten é tou. Siituo sé ipakuaku iciit in Abar Kaaruien andumoro' i Yesus Kristus.

1 Korintus 10:2

Séra im baya nibaptis an untep ing kambung wo an untep in ta'sic, akar séra mamuali makiit si Musa.

1 Korintus 12:13

Taniitu ka'i kita im baya, mandé ka'i kita tou Yahudi kuma'pa tou ra'ica Yahudi, ata kuma'pa tou ra'ica pakakawasan é tou walina, kita im baya nibaptis i Roh Le'nas si meputé, wosama' kita émaan esa owak. Wo kita im baya ka'i sumangkumo mai ing kamang a si Roh Le'nas si makaleke-lekep itu.

2 Korintus 5:10

Ampa'paano icita im baya uli-ulit sumaru oka an dior i Kristus in akimen wo iesa wo esa tou makéré oka in susuli' kumiit sapa sé pinengaéma'na ang kauré menonou asi kayo'baan anio', loor kuma'pa léwo'.

Filipi 3:21

An tutuw Sia maai, roban-Na oka en owakta si ra'ica keter wo si ro'na materi anio', mamuali tanu in owak-Na si parayo-rayo wo pasiri-siriin. Sia ro'na méma' in itu ampa'paan Sia makaanu ing kawasa si makawoo méma' im baya-waya kumuru ai Sia.

Kolose 2:12

Ampa'paan an tutuw iow nibaptis, kamu tanu aicuburo mewali-wali wo si Kristus. Wo ang karapi im baptisan itu, kamu ka'i tinou sumawel mewali-wali wo Sia, ampa'paan kamu maéman asi kawasa i Amang Kasuruan si tumou sumawel si Kristus an uner é tou imaté.

2 Timotius 2:18

Séra in dua itu isumélé'kowo a si sususuien wutul. Pengasusui éra sapaoka sé tou imatéo, tinouo sumawel i Amang Kasuruan, anaé ra'io wana tou en touené' sumawel. Wo em pengasusui éra itu, lumicokoo piraan tou sé maémano a si Yesus.

Ibrani 11:35

Ampa'paan sé wéwéné awéan paémanen, akar kinéréan éra sumawel sé tou am pamalé éra sé imatéo ampa'paan tinouo sumawel. Awéan ka'i sé tou tumerima im paokoien akar imaté, taan ra'ica kiim éra iwekar am paokoien wo ra'ica tumela'u im paémanen éra. Ampa'paan émanen éra sapaoka séra touen oka sumawel wo makéré ing katouan si lébé loorai.

Ibrani 9:10

Ampa'paan sé atoran asi ipakaapo' uré itu asalo andumoro' in owak in tou, tanumai atoran andumoro' ing kakanen, in elepen wo mengaweresi in owak, taan sé atoran itu ra'ica andumoro' in até in tou. Sé atoran itu pengapakén akarke' asi oras em perjanjian weru itu awéano.

2 Petrus 3:7

Taan en langit wo eng kayo'baan intarépé' pakatéirané' i nunuwu'-Na itu, en tunun in api sa. Intarépé' en langit wo eng kayo'baan pakatéirané' akar asi endo sé tou léwo' akimen wo patén-Na.