Ibrani 5:2 - En Taar Weru a nunuwu' é Tontemboan

² Si imam wangko' itu asaloke' tou wo keli eng kalembian, ampa'paan in ituo ro'na kailekanna ka'i eng kalembian é kakéléna tou sé ra'ipé' makailek sapa-sapa wo sé sélé'kow.

Ibrani 5:2 ပူးပေါင်းရင်းမြစ်များ

Lukas 22:32

Taan aisombayang-Kuo ko é Simon, wosama' ko tatap maéman a Yaku. Kekawus im pangepé'an anio' wo sa ko mape'diso wo maémano sumawel a Yaku, ico musti méé ing kaincayaan a sé poo-poowmu akar em paémanen éra makaketer.”

2 Korintus 11:30

Sa aku musti tumirayo in owakku in esa, yaku asalo mengatirayo sé andumoro' sé ra'ica keter an owakku.

2 Korintus 12:5

Wo si patirayoku andumoro' i tou itu, ra'ica ipatirayoku en owakku. Taan sa aku tumirayo andumoro' in owakku in esa, en tirayoku wayake' andumoro' sé ra'ica keter an owakku.

Galatia 4:13

Tantu kata'néiané' miow an tutuwku kataré-taré mai ai camu. An tutuw itu aku sumakit, anaé aku mangéke' an sangkum ing Galatia e mena' in owak, wo tutuw itu aku sumangkumo kumua in Abar Kaaruien andumoro' i Yesus Kristus ai camu.

Efesus 4:18

Em bewerot éra imariréimbengo, wo séra menonou tayang wo si Amang Kasuruan, ampa'paan séra bodok wo en até éra keté.

1 Timotius 1:13

Indior aku maojat si Apo' Yesus. Paokoienku wo paséro'ku ka'i sé tou maéman ai Sia. Mandé in taniitu, aituru'-Na eng kaupusan-Na a yaku ampa'paan aku ra'ipé' maéman ai Sia si Toyaang i Amang Kasuruan wo ra'ica kailekanku sapa e niéma'ku.

Ibrani 12:13

Wo maya'o mangé an lalan rondor wosama' sé kénto' ra'ica ka'i cawiles taan ro'na masama'.

Ibrani 2:17

Ampa'paano in itu am baya-waya si Yesus musti mamuali kaputé é poo-poow-Na. Wo in taniitu, Sia ro'na mamuali Imam Wangko' si mengaturu' ing kaupusan a sé tou wo Sia le'tek mengaselewir a si Amang Kasuruan. Ang karapi im pakaselewir-Na tanu Imam Wangko', eng kamesé-meséaan é tou ro'na kaampungan.

Ibrani 2:18

Wo ampa'paano Sia in esa isumangkumo imawendu wo pinangepé'an, anaé Sia makawoo tumawang sé tou an tutuw éra am pinangepé'an.

Ibrani 4:15

Ampa'paan si Imam Wangko'ta itu ra'ica imam wangko' sé ra'ica ro'na kumiit mendam ing kalembianta. Ampa'paan sinangkum-Nao mai waya em pangepé'an an tutuw Sia ang kayo'baan, meputé sé pasangkumenta intarépé'. Taan Sia ra'ica kawisa mako méma' ing kamesé-meséaan.

Ibrani 7:28

Iciit in ukum Torat, si imam wangko' pengaangkaien asé tou biasa sé ra'ipé' lekep. Taan kekawus in ukum Torat, si Amang Kasuruan mangkai si Toyaang-Na maké in sumpa, wo si Toyaang-Na niéma'o mamuali Imam Wangko' si lekep akar ing kauré-uré.

Ibrani 9:7

Taan asi kamar karua si pengatuulen Kamar Lume'na-lenas wayake' si imam wangko' e ro'na muntep am bitu wo makasake' ka'i an sangata'un. An tutuw muntep am bitu, sia musti maali in enda' é binatang em pesic asi kekelew im piti perjanjian itu ampa'paan ing kamesé-meséaanna in esa wo ka'i ing kamesé-meséaan é tou Israel si niéma' éra ra'ica aipetutu'.

Yakobus 5:19

Poo-poowku, sa awéan esaan angé ai camu, indior makiit in sususuien wutul i Casuruan taan intarépé' isumélé'kowo asi sususuien wutul itu, uli-ulit loor woo sa awéan tou en tumawang isia e maréng sumawel a si sususuien wutul i Casuruan itu.

1 Petrus 2:25

Ampa'paan kamu indior tanuoka sé domba icasélé'kowo, taan intarépé' kamu imaréngo mai asi gembala si matéir i mu'kur iow.