Ibrani 4:7 - En Taar Weru a nunuwu' é Tontemboan

⁷ Ampa'paan in ituo si Amang Kasuruan itumantuo ka'i esa endo walina e méé témpo a sé tou muntep asi tampa pengaenaan itu. Si endo ituo “si endo anio'.” Kekawus i maatus ngata'un si Daud imatic i nunuwu' i Amang Kasuruan andumoro' si endo anio', “Asi endo anio', sa kamu luminga in suara i Amang Kasuruan, tioo ipaketé-keté en até.”

Ibrani 4:7 ပူးပေါင်းရင်းမြစ်များ

Matius 22:43

Wo wuéien ka'i i Yesus ai séra, “Sa réén taniitu, tumambisa si Daud an tutuw sia kinawasa i Roh Le'nas wo patuulenna si Kristus itu Tuangna? An tutuw itu aicua i Daud in tana'i,

Markus 12:36

Ampa'paan si Daud an tutuw kinawasa i Roh Le'nas kumua: Si Amang Kasuruan cumuao a si Tuangku tana'i, ‘Lumukuto mai asi tampa pasiri-siriin ang kakan-Ku, akar sé kaséké'-Mu iweta'-Ku an darem im palara ing kécéi-Mu.’

Lukas 20:42

Ampa'paan sia in esa imatico ang kitap Mazmur andumoro' i Kristus tana'i, ‘Si Amang Kasuruan icumuao a si Tuangku tana'i: Lumukuto mai asi tampa pasiri-siriin ang kakan-Ku

Kisah Para Rasul 2:29

Poo-poow, icuaku ai camu ang karapi im butul andumoro' si Daud, si apo'ta. Si aicuana itu, ra'ica andumoro' in owakna in esa ampa'paan sia in esa imatéo wo aicuburo, wo eng kuburna awéané' akar intarépé' asi kota anio'.

Kisah Para Rasul 2:31

Ampa'paano in itu airiornao icumua sapa e mamuali oka sa. An tutuw itu aicuanao andumoro' si Mesias touen oka sumawel. Sia ra'ica iwaya i Amang Kasuruan kawasan im papaté wo en owak-Na ra'ica mawuruk.

Kisah Para Rasul 28:25

Anaé, pakasa séra ra'ica esa wewerot andumoro' in itu wo séra mentalicuran asi tampa itu. Taan, ra'ipé' mentalicuran séra, icua ka'i sumawel i Paulus ai séra, “Wutulo en aicua i Roh Le'nas a sé apo-apo'ta si aipatic ang kitap i nabi Yesaya.

Ibrani 3:15

En anio' tanu si aipatic ang Kitap Le'nas tana'i, “Asi endo anio', sa lingan iow en suara i Amang Kasuruan, tioo ipengaketé en até kaputé sé apo-apo' miow an tutuw éra masundur si Amang Kasuruan.”