Ibrani 4:6 - En Taar Weru a nunuwu' é Tontemboan

⁶ Anaé, en tampa pengaenaan itu makawuka'pé' torona é tou wo séra awéané' témpo mangé muntep am bitu. Taan sé apo-apo'ta tou Israel sé kinuanano in Abar Kaaruien itu, séra ra'ica toro muntep asi tampa pengaenaan itu ampa'paan séra ra'ica le'tek a si Amang Kasuruan.

Ibrani 4:6 ပူးပေါင်းရင်းမြစ်များ

Matius 21:43

Ta'néien sumama-sama' en anio'! Indon oka sumawel i Amang Kasuruan en hak iow mamuali tou ang Kakolanoan-Na, wo iwéé-Na oka en hak iow itu a sé bangsa walina sé masalé' le'tek maéma' ing kasalé'an-Na. [

Kisah Para Rasul 28:28

Wo icua ka'i i Paulus, “Musti kailekan iow sa en abar andumoro' ing kalowiran itu aicuao a sé tou ra'ica Yahudi wo tantu teriman éra oka, anaé séra tantu lowiren oka.” [

1 Korintus 7:29

Poo-poow sé maéman, em paangé-angénku tana'i: Kita ra'io kelian en témpo! Anaé, tumo'tol intarépé' sé tuama makapenanaano, musti méma' tanuoka kéndo' ra'ica wana penanaan.

Galatia 3:8

Ang Kitap Le'nas, ro'na kakailekanta sapaoka tumo'tolke' mai indior aitantuo i Amang Kasuruan sé tou ra'ica Yahudi anggapen-Na oka wutul an dior-Na sa séra maéman a si Kristus. En Abar Kaaruien itu aicuao i Amang Kasuruan indior a si Abraham an janji anio', “Pakasa im bangsa ang kayo'baan kamangen oka, ampa'paan ico.”

Ibrani 4:11

Ampa'paan in ituo mayoo kita rumaméji muntep an tampa pengaenaan-Na itu wosama' ra'ica wana mandé esake' ai cita si ra'ica icauntep kaputé é apo-apo'ta sé ra'ica le'tek.

Ibrani 4:2

Ampa'paan en Abar Kaaruien itu ipakua-kuao ai cita, meputé sé aicuao a sé apo-apo'ta indior. En abar sé lininga é apo-apo'ta itu ra'ica wana torona ai séra, ampa'paan ra'ica percayan éra.

Ibrani 4:9

Anaé, sé tou i Amang Kasuruan, séra awéané' esa endo ipaena' mewali-wali wo si Amang Kasuruan, tanu mento' matawoi asi endo Sabat.