Ibrani 4:15 - En Taar Weru a nunuwu' é Tontemboan

¹⁵ Ampa'paan si Imam Wangko'ta itu ra'ica imam wangko' sé ra'ica ro'na kumiit mendam ing kalembianta. Ampa'paan sinangkum-Nao mai waya em pangepé'an an tutuw Sia ang kayo'baan, meputé sé pasangkumenta intarépé'. Taan Sia ra'ica kawisa mako méma' ing kamesé-meséaan.

Ibrani 4:15 ပူးပေါင်းရင်းမြစ်များ

Matius 12:20

En saraw imeku' ra'ica lala'usen-Na in lumentu', wo en embung in sosoloan si mape'delo ra'ica lala'usen-Na i me'del, akar Sia muntung wo méé tuus sapaoka Sia ra'ica marapit.

Matius 4:1

Kekawus in itu si Yesus iwali i Roh Le'nas an tana' kapayasan em pangepé'an i kikiiten é sétang.

Lukas 22:28

An tutuw eng kawenduan sinangkum-Kuo, kamu kasake' mewali-wali wo Yaku.

Lukas 4:2

Sia imento' a mangé mbitu epat ngapulu' ngando eng kauréna wo ra'- ica icuman sapa-sapa. Wo an tutuw-Na imaaremo, Sia pangepé'an i kikiiten é sétang.

Yohanes 8:46

Ra'ica wana an uner iow e ro'na méé tuus sapaoka Yaku iméma'o ing kamesé-meséaan. Anaé, sa Aku makua in sususuien wutul, kéitu réén Aku ra'ica percayan iow?

Roma 8:3

En ukum Torat ra'ica kawisa lumowir icita, ampa'paan kita makiit in ukum Torat si ra'ica kaémaanta. Taan niéma'o i Amang Kasuruan si ra'ica kaémaan in ukum Torat. Sia mutuso mai si Toyaang-Na in esa ang kayo'baan anio' mamuali tou tanu iméma'o ing kamesé-meséaan wo imaté e mekar sé tou iméma' ing kamesé-meséaan. Wo ampa'paan im papaté i Toyaang-Na itu, kinala-Nao eng kawasa ing kamesé-meséaanta in tou.

2 Korintus 5:21

Si Kristus ra'ica wana kamesé-meséaan, taan niéma' i Amang Kasuruan si Kristus e muléng ing kamesé-meséaanta, wosama' icita mamuali tou wutul an dior i Amang Kasuruan ampa'paan i Kristus.

Ibrani 4:14

Kita intarépé' makaanuo Imam si Mangko-wangko' si mangéo muntep an sorga wo an dioro i Amang Kasuruan en tumawang icita. Sia ituo si Yesus, Toyaang i Amang Kasuruan. Ampa'paan in ituo mayoo kita mauli-ulit tumimboi im paémanenta a si Yesus meputé im paémanen si pengaakunta.

Ibrani 5:2

Si imam wangko' itu asaloke' tou wo keli eng kalembian, ampa'paan in ituo ro'na kailekanna ka'i eng kalembian é kakéléna tou sé ra'ipé' makailek sapa-sapa wo sé sélé'kow.

Ibrani 7:26

Anaé, si Yesus ituo si Imam Wangko' si paperlunta. Sia itu le'nas, Sia ra'ica wana kaséaan wo ra'ica wana e ro'na méé kaséaan. Sia aitané asé tou sé iméma' ing kamesé-meséaan, wo niangkai angé asi tampa pasiri-siriin an sorga.

Ibrani 9:28

Taniituo ka'i si Kristus, si makaesake' imaté mamuali iparagés en tumu'bus ing kamesé-meséaan é tou. Kekawus in itu Sia maai karua, ra'io en tumu'bus ing kamesé-meséaan é tou keli, taan e méé ing kalowiran a sé tou sé maento-ento' Sia.

1 Petrus 2:22

Sia ra'ica mengaéma' ing kamesé-meséaan wo ra'ica tampenguwaken.

1 Yohanes 3:5

Kailekan iow sapaoka si Yesus imayo en tumu'bus ing kamesé-meséan, wo ai Sia ra'ica wana kamesé-meséaan.