Ibrani 4:11 - En Taar Weru a nunuwu' é Tontemboan

¹¹ Ampa'paan in ituo mayoo kita rumaméji muntep an tampa pengaenaan-Na itu wosama' ra'ica wana mandé esake' ai cita si ra'ica icauntep kaputé é apo-apo'ta sé ra'ica le'tek.

Ibrani 4:11 ပူးပေါင်းရင်းမြစ်များ

Matius 11:12

Tumo'tol i Yohanes Mabaptis imai akar intarépé', keli en tou wutu-wutul rumaméji kumua in andumoro' ing Kakolanoan in Sorga wo sé tou wutu-wutul rumaméji muntep ang Kakolanoan in Sorga.

Matius 7:13

“Muntepo mangé kumiit im papalen pesut. Em papalen welar wo en lalan wangko' maangé am papaté, wo kelian en tou muntep kumiit im papalen itu.

Lukas 13:24

Isowat i Yesus a sé tou am bitu, “Rumaméjio kumiit im papalen pesut. Ampa'paan, icua-Ku ai camu, keli en tou sé rumaméji kumiit am papalen itu taan séra ra'ica icauntep.

Lukas 16:16

Eng kitap-kitap sé aipatic i Musa wo eng kitap-kitap sé aipatic é nabi walina, tatap pengapakéné' akar an jaman i Yohanes Mabaptis menonoué'. Wo tumo'tolai an jaman itu en Abar Kaaruien andumoro' ing Kakolanoan i Amang Kasuruan tumo'tolo ipakua-kua wo sé tou uli-ulit rumaméji mamuali tou-Na ang Kakolanoan-Na.

Yohanes 6:27

Tioo matawoi e makéré ing kakanen si ro'na maka'pu wo mawuruk, taan tumawoio mangé e makéré ing kakanen si ra'ica kawisa mawuruk wo si mawéé ing katouan akar ing kauré-uré. Si méé ing kakanen itu ai camu Yakuo si Toyaang i Tou, ampa'paan Aku aitantuo i Amang Kasuruan e méé ing kakanen itu.”

Kisah Para Rasul 26:19

Kolano Agripa si pasiri-sirinku, an tutuw-Na imapaturu' in owak-Na a yaku, yaku tatap le'tek mengaéma' im perénta si aiwéé i Apo' Yesus.

Efesus 2:2

An tutuw itu kamu mengakiité' ing kanaramen ing kayo'baan anio', wo mengakiit si kikiiten é sétang si cumawasa an langit. Siao e roh si matawoi intarépé' an untep in até é tou sé ra'ica le'tek a si Amang Kasuruan.

Efesus 5:6

Tioo kamu isélé'kow é tou i nunuwu' sé ra'ica wana torona, ampa'paan en itu iméma' ing kae'bowan i Amang Kasuruan a sé tou sé ra'ica le'tek ai Sia.

Filipi 2:12

Poo-poow sé icaupusku! Kailekanku an tutuwku ang karapi miow, kamu tatap le'tek a yaku. Taniitu ka'i intarépé' an tutuwku mentayangan wo icamu, pangilekenku tatap tawoien angé ang karapi mauli-ulit eng kalowiran iow wo ang karapi wuta ing kaindé'an a si Amang Kasuruan, wo menonou angé kiit in sapa si patus émaan é tou sé linowir-Nao.

Kolose 3:6

Pakasa en itu mengaéma' ing kae'bowan i Amang Kasuruan [a sé tou ra'ica le'tek ai Sia.]

Titus 1:16

Séra ka'i mangaku makatuus si Amang Kasuruan taan sa sérén em paémaan éra, séra meputé wo sé tou makélong Sia. Séra karican oka mai wo ra'ica le'tek ampa'paan masundur im perénta i Amang Kasuruan wo ra'ica makawoo mengaéma' in sapake' mangé sé loor.

Titus 3:3

Kailekanmu é Titus, indior kita ra'ipé' makailek sapa-sapa. Ampa'paan in itu kita ra'ica le'tek a si Amang Kasuruan, icasélé'kow wo kinatawéranke' mengaéma' in léwo', kita mamuali ata ing kasalé'an ing kayo'baan si asalo maarui in owak in esa, kita menonou mengéma-ngéma'ke' in léwo', kokanat a sé tou walina, bengis, mengkasuutan asi esa wo sé walina.

Ibrani 3:12

Anaé, é poo-poow, mareti-retio mangé oréoka awéan esaan ai camu makaaté in léwo' wo ra'io ka'i maéman, akar sia sumali'si' wo tumayang asi Amang Kasuruan si menonou.

Ibrani 3:18

Wo si séi séra sé aisumpa i Amang Kasuruan ra'ica toro muntep asi tampa pengaenaan e mena' mewali-wali wo Sia? Séra ituo sé tou sé ra'ica le'tek a si Casuruan.

Ibrani 4:6

Anaé, en tampa pengaenaan itu makawuka'pé' torona é tou wo séra awéané' témpo mangé muntep am bitu. Taan sé apo-apo'ta tou Israel sé kinuanano in Abar Kaaruien itu, séra ra'ica toro muntep asi tampa pengaenaan itu ampa'paan séra ra'ica le'tek a si Amang Kasuruan.

Ibrani 6:11

Icasalé' ami keli sa kamu esa wo si esa mainca-incaya' akar ing kaka'puan ing katouan wosama' kéréan iow sapa em paara-arapen iow itu.

2 Petrus 2:6

Tanu siitu ka'i si Amang Kasuruan imukum sé tou sé ra'ica makiit ing kasalé'an-Na ang kota Sodom wo Gomora. Eng kota éra niukum-Na in api, akar séra im baya makatunu-tunu. Niéma'-Na taniitu wosama' séra mamuali tata'néi a sé tou sa, sé ra'ica makiit ing kasalé'an-Na.