Ibrani 3:8 - En Taar Weru a nunuwu' é Tontemboan

⁸ tioo ipengaketé en até kaputé é apo-apo' miow, séra mengasundur wo mauji ing katalesenan-Ku ang karoro'an imawaya' an tana' kapayasan.”

Ibrani 3:8 ပူးပေါင်းရင်းမြစ်များ

Matius 13:15

Ampa'paan en até i bangsa anio' kumetéo, en lunteng éra imawengelo, wo em beren aicili'o wutul wosama' em beren éra ra'ica suméré, wo en lunteng éra ra'ica luminga wo en até éra ra'ica makailek, wosama' séra ra'ica maréng sumawel en samaan-Ku.’

Kisah Para Rasul 19:9

Taan awéan piraan tou ra'ica kiim tumerima in sususuien i Paulus ampa'paan séra keté até. Wotaré ipemaa-maar éra in léwo' an dior é tou keli andumoro' im basa i Amang Kasuruan en lumowir sé tou iméma' ing kamesé-meséaan. Ampa'paano in itu itela'u i Paulus séra wo towanna sé tou maéman a si Yesus kumesot am balé paapo'an é agama Yahudi. Wo susur in endo sia maroma' ang karapi é tou am pakuliaan, si ningaranan Tiranus.

Kisah Para Rasul 7:36

Iwali i Musa sé tou Israel kumesot an tana' Mesir, wo méma' ing kakaya'kaan wo tuu-tuus sé ra'io icakua an tana' Mesir, an Ta'sic Réindang wo an tana' kapayasan epat ngapulu' ngata'un eng kauréna.

1 Korintus 10:9

Wo kita ka'i tioo mengangepé' a si Kristus, kaputé im pengaémaan é piraan ai séra, akar séra imaté kinarét i ula'.