Ibrani 3:13 - En Taar Weru a nunuwu' é Tontemboan

¹³ Taan aweso taré kamu mensin-sina'uan angé susur in endo, ang kauré ro'napé' patuulen ‘endo anio'’. Wo in taniitu ra'ica wana ai camu eng kumeté oka in até ampa'paan kinauwakan ing kamesé-meséaanna.

Ibrani 3:13 ပူးပေါင်းရင်းမြစ်များ

Kisah Para Rasul 11:23

An tutuw i Barnabas icateka' a mangé mbitu, sérénna sé tou maéman am bitu tinambéranai ing kamang i Amang Kasuruan, wo sia wutu-wutul arui. Wo sina'uenna séra im baya wosama' uli-ulit ang karapi in lekep en até, le'tek a si Apo' Yesus.

Roma 7:11

Ampa'paan en ukum Torat itu pinaké ing kamesé-meséaan e muwak yaku wo makawali yaku am papaté.

Efesus 4:22

Ampa'paan in ituo tela'uo mio' em peri ing katouan uré. Eng katouan uré tanu siitu ra'ica loor, ampa'paan makiitke' ing kasalé'an in owak sé ra'ica wutul si mengasélé'kow icamu wo luméwo' ing katouan iow.

1 Tesalonika 2:11

Kailekan iow sapaoka kamu im baya pasérén ami tanuoka si amang maséré sé toyaangna in esa. Pasina'uen ami kamu wo pawéan ami kaketeran en até miow.

1 Tesalonika 4:18

Ampa'paan in itu, musti isisil iow angé sumawel en sususuien anio' a sé tou walina wosama' kamu ro'na mengkeng-keteran in até.

1 Tesalonika 5:11

Ampa'paan in ituo, mensin-sina'uano mangé kamu wo sé tou walina wo mengkeng-keterano mangé in até an esa paémanen, kaputé im pengaémaan iow akar intarépé'.

2 Timotius 4:2

icuamuo mangé en Taar i Casuruan a sé tou, loor kuma'pa ra'ica loor en orasna, ko musti tu'tul e mengua-ngua in Taar itu. Sina'ueno mangé sé tou mengaéma' ing kameséaan, romaan angé séra ang karapi wuta ing katalesenan an tutuw ko mengasusui iséra.

Ibrani 13:22

Poo-poow, pekiupusenku ai camu wéanio' rékén sumama-sama' sé aisina'uku si aipatic an surat anio', ampa'paan ra'ica talos lambot.

Yakobus 1:14

Sa awéan tou katawéran maéma' in léwo', en itu ampa'paan sia kumiit ing kasalé'anna in esa mengaéma' in léwo'.