Ibrani 2:5 - En Taar Weru a nunuwu' é Tontemboan

⁵ Ra'ica sé malaékat em binéan i Amang Kasuruan kawasa e merénta ing kayo'baan weru sa, si ang karoro'an im papaarenta anio'.

Ibrani 2:5 ပူးပေါင်းရင်းမြစ်များ

Matius 24:14

Wo en Abar Kaaruien andumoro' ing Kakolanoan in Sorga ipakua-kua oka am bisa-wisa asi kayo'baan anio', e mamuali kasairian a sé pakasa é tou. Kumawus in itu maayo en endo kaka'puan ing kayo'baan.”

Ibrani 13:14

Ampa'paan ang kayo'baan anio' ra'ica wana kota ento'anta akar ing kauré-uré, kita maento-ento' ing kota ento'anta si maai oka sa.

Ibrani 6:5

wo sumangkumo makailek sapaoka en Taar i Amang Kasuruan itu loor wo sumangkumo mepé' mai ing kawasa i Amang Kasuruan si kawasa ang kayo'baan weru sa,

2 Petrus 3:13

Taan entoonta en langit weru wo eng kayo'baan weru si aijanji i Amang Kasuruan ai cita. A mangé mbitu, wayake' sé tou maéma' in sususuien wutul i Amang Kasuruan.

Wahyu 11:15

Wo si malaékat kapitu sumengo in terompét, wo awéan suara si maangko' an untep in sorga makua, “Eng kakolanoan ing kayo'baan mamualio Kakolanoan i Casuruanta wo Kakolanoan i Kristus. Sia merénta oka akar ing kauré-uré.”