Ibrani 2:4 - En Taar Weru a nunuwu' é Tontemboan

⁴ Wo eng kasairian é tou itu kineter i Amang Kasuruan, ampa'paan séra winéan-Na kawooan iméma' in tuu-tuus wo membam-balinaan kakaya'kaan wo kawasa-kawasa wangko' wo mengawéténg in tatambér si aiwéé i Roh Le'nas kumiit ing kasalé'an i Amang Kasuruan in esa.

Ibrani 2:4 ပူးပေါင်းရင်းမြစ်များ

Markus 16:20

Kumawus ako in itu, sé murit i Yesus mangé am bisa-wisa wo mangé kumua in Abar Kaaruien andumoro' i Yesus Kristus, wo si Casuruan tumawoi mewali-wali wo tumawang iséra akar ro'na méma' in tuu-tuus kakaya'kaan, en tumuru' sapaoka en taar aicua éra itu ulit.

Markus 6:14

Si colano Herodes luminga ka'i in abar andumoro' i Yesus, ampa'paan am bisa-wisa e ngaran-Na kinatuusano. Wo awéan tou mengakua, “Siao si Yohanes Mabaptis si tumouo sumawel an uner é tou imaté, ampa'paan in ituo Sia awéan kawasa maéma' sé kakaya'kaan itu.”

Yohanes 15:26

Taan yutus-Ku oka ai camu si Matawang asi Amang owo. Siao si Roh Le'nas si maali icamu asi sususuien wutul andumoro' i Amang Kasuruan. An tutuw-Na i maai, Sia méé oka ing kasairian andumoro' Yaku.

Yohanes 4:48

Icua i Yesus ai sia, “Sa ra'ipé' sinéré miow en tuu-tuus wo eng kakaya'kaan, ra'ipé' percayan iow.”

Kisah Para Rasul 14:3

Anaé, si Paulus wo si Barnabas mento' uré toyo' am bitu. Wo ang karapi in da'ica wana kaindé'an pengua-ngua éra en abar andumoro' in upus aitambér i Casuruan. Séra in dua winéan-Na kawasa e méma' in tuu-tuus sé ra'io icakua wo kakaya'kaan-kakaya'kaan.

Kisah Para Rasul 4:10

musti kailekan iow im baya wo sé tou Israel, sapaoka si tou anio' imasama' ampa'paan ing kawasa i Yesus Kristus si tou Nazaret si aisalip iow, taan tinou sumawel i Amang Kasuruan an uner é tou imaté. Wo ampa'paano si Yesus ituo, akar si tou anio' imasama' wo ro'na makatulung an dior iow.

Kisah Para Rasul 5:32

Wo icamio e mamuali sairi andumoro' waya in itu, wo ka'i e Roh Le'nas si aiwéé i Amang Kasuruan a sé pakasa en tou sé le'tek ai Sia.”

Efesus 1:5

Si Amang Kasuruan mengaupus icita, ampa'paan in ituo tumo'tolke' mai indior aitantu-Nao kita mamuali toya-toyaang-Na ampa'paan i Yesus Kristus. Wo siituo en aitantu-Na kumiit ing kasalé'an-Na.

Efesus 1:9

Intarépé' em pawasa-wasan itu aicua-Nao ai cita kumiit ing kasalé'an-Na, siituo si pawasan indior si pakaenepé' a sé tou. Wo em pawasa-wasan-Na itu pinusé'-Nao lekepen oka i Kristus.

Efesus 4:7

Mandé ka'i kita meesao, taan kita si esa wo si esa tinambérano mai membam-balinaan eng kamang kiit sapa si casalé' i Kristus.

Ibrani 6:4

Ampa'paan sé tou isumangkumo maéman a si Kristus wo sé menonouo an sendot i Amang Kasuruan, imepé'o mai ing kama-kamang-Na, wo sumangkumo kinawasa i Roh Le'nas,