Ibrani 2:17 - En Taar Weru a nunuwu' é Tontemboan

¹⁷ Ampa'paano in itu am baya-waya si Yesus musti mamuali kaputé é poo-poow-Na. Wo in taniitu, Sia ro'na mamuali Imam Wangko' si mengaturu' ing kaupusan a sé tou wo Sia le'tek mengaselewir a si Amang Kasuruan. Ang karapi im pakaselewir-Na tanu Imam Wangko', eng kamesé-meséaan é tou ro'na kaampungan.

Ibrani 2:17 ပူးပေါင်းရင်းမြစ်များ

Roma 15:17

Anaé, ro'na aku rumayo in owak andumoro' in tawoienku torona i Amang Kasuruan ampa'paan aku meesao wo si Kristus Yesus.

Roma 5:10

An tutuw kita masunduré' a si Amang Kasuruan, kita niéma'-Nao meeluran wo Sia ampa'paan im papaté i Toyaang-Na. Lébé-lébépé' ka'i intarépé' an tutuw kita meelurano sumawel wo Sia, tantu kita lowiren oka asi endo kaka'puan ing kayo'baan ampa'paan si Kristus itumou sumawel.

Efesus 2:16

Wo ampa'paano ing kepaté i Yesus Kristus ang kayu salip, sé tou Yahudi wo sé tou ra'ica Yahudi pineesa-Na mamuali esa owak wo niéma'-Na meeluran wo si Amang Kasuruan, ang karapi ing kuma'pu ing kaperéndéran éra.

Kolose 1:21

Indior, kamu ka'i menonou tayang asi Amang Kasuruan wo mamuali kaséké'-Na an untep in até wo e ngaas iow en tuusna em pengaémaan iow léwo'.

Ibrani 10:21

Wo kita intarépé' makaanuo Imam Wangko' si tinokéan en tumu'tul im Balé i Amang Kasuruan.

Ibrani 2:11

Si Yesus si lume'nas sé tou sé iméma' ing kamesé-meséaan éra wo sé tou sé line'nas-Nao makaanu esa Amang. Ampa'paan in itu si Yesus ra'ica malawi' mengatuul iséra poo-poow-Na.

Ibrani 2:14

Sé tou patuulen i Yesus toya-toyaang itu, séra asaloke' tou si ro'na maté. Anaé, si Yesus imamuali tou wo menonou meputé wo sé tou, wosama' em papaté ro'na sangkumen-Na kaputé in tou. Wo ampa'paano im papaté-Na itu, ro'na kalan-Na si kikiiten é sétang si makakawasa im papaté.

Ibrani 2:16

En ulitna ra'- ica sé malaékat en tawangen i Yesus, taan sé tou taranak i Abraham.

Ibrani 3:1

Poo-poow, sé tinowa i Amang Kasuruan i menonou an sorga. Mayoo kita lébé makatuus si Yesus, si pengaakunta tanu Ruru'du'an i Amang Kasuruan wo Imam Wangko'.

Ibrani 3:2

Sia le'tek mengaéma' in tawoien si aitantuo i Amang Kasuruan ai Sia, meputé ka'i wo si Musa indior le'tek mengaéma' in tawoienna tanu kikiiten é tou Israel.

Ibrani 3:5

Si Musa tanu tou si maselewir, sia le'tek maéma' in tawoienna tanu kikiiten é tou Israel. Em pakaselewir i Musa itu mamuali tuus sapa sé icua oka i Amang Kasuruan ai cita sa.

Ibrani 4:14

Kita intarépé' makaanuo Imam si Mangko-wangko' si mangéo muntep an sorga wo an dioro i Amang Kasuruan en tumawang icita. Sia ituo si Yesus, Toyaang i Amang Kasuruan. Ampa'paan in ituo mayoo kita mauli-ulit tumimboi im paémanenta a si Yesus meputé im paémanen si pengaakunta.

Ibrani 4:15

Ampa'paan si Imam Wangko'ta itu ra'ica imam wangko' sé ra'ica ro'na kumiit mendam ing kalembianta. Ampa'paan sinangkum-Nao mai waya em pangepé'an an tutuw Sia ang kayo'baan, meputé sé pasangkumenta intarépé'. Taan Sia ra'ica kawisa mako méma' ing kamesé-meséaan.

Ibrani 5:1

Susur i imam wangko' si sinisir an uner é tou, sia niangkai en sumelewir a si Amang Kasuruan mamuali kasawel é tou. En tawoienna mengawéé i raragés binatang pinokol wo raragés walina a si Amang Kasuruan ampa'paan ing kamesé-meséaan.

Ibrani 5:10

Wo Sia niangkai i Amang Kasuruan mamuali Imam Wangko' kaputé i Melkisedek.

Ibrani 5:2

Si imam wangko' itu asaloke' tou wo keli eng kalembian, ampa'paan in ituo ro'na kailekanna ka'i eng kalembian é kakéléna tou sé ra'ipé' makailek sapa-sapa wo sé sélé'kow.

Ibrani 5:5

Taniitu ka'i si Kristus. Sia ra'ica marayo in owak-Na in esa mamuali Imam Wangko', taan Sia niangkai i Amang Kasuruan in esa. Icua i Amang Kasuruan ai Sia, “Icoo si Toyaang-Ku. A si endo anio' Yaku imamualio Amang-Mu.”

Ibrani 6:20

Wo si Yesus imuntepo am bitu rumior angé ai cita, an tutuw-Na mamuali Imam Wangko' akar ing kauré-uré kaputé i Melkisedek indior.

Ibrani 7:26

Anaé, si Yesus ituo si Imam Wangko' si paperlunta. Sia itu le'nas, Sia ra'ica wana kaséaan wo ra'ica wana e ro'na méé kaséaan. Sia aitané asé tou sé iméma' ing kamesé-meséaan, wo niangkai angé asi tampa pasiri-siriin an sorga.

Ibrani 7:28

Iciit in ukum Torat, si imam wangko' pengaangkaien asé tou biasa sé ra'ipé' lekep. Taan kekawus in ukum Torat, si Amang Kasuruan mangkai si Toyaang-Na maké in sumpa, wo si Toyaang-Na niéma'o mamuali Imam Wangko' si lekep akar ing kauré-uré.

Ibrani 8:1

Si penting keli asé im pakasa sé pepaarenta anio', sapaoka kita makaanu Imam Wangko' si ra'io cakua si makalukut ang kakan im palukutan pasiri-siriin i Amang Kasuruan si Mangko-wangko' an sorga.

Ibrani 8:3

Susur imam wangko', aitantu e méé i raragés binatang pinokol wo raragés walina. Taniitu ka'i wo si Yesus Imam Wangko'ta, Sia musti makaanu sapa sé ro'na iragés.

Ibrani 9:11

Taan intarépé' si Kristus imayo tanu Imam Wangko si maali mai ai cita andumoro' sé loor sé awéano. Sia imuntepo asi ténda pengaapo'an si lébé loor wo en lébé lekep, ampa'paan en ténda itu ra'ica tanu in ténda si niéma' é tou ang kayo'baan.