Ibrani 13:3 - En Taar Weru a nunuwu' é Tontemboan

³ Ta'néieno mangé sé kakélé miow sé an untep im bui, tanuoka kamu ka'i pakabuin mewali-wali wo iséra. Wo ta'néien ka'i sé kakélé miow paokoien, tanuoka kamu ka'i paokoien mewali-wali wo iséra.

Ibrani 13:3 ပူးပေါင်းရင်းမြစ်များ

Matius 25:36

An tutuw-Ku ra'ica mekarai, winéan iow karai Aku, an tutuw-Ku sumakit, pakatéiran iow Aku. An tutuw-Ku an untep im bui, pengasérén iow Aku.’

Matius 25:43

An tutuw-Ku ka'i tanu sakéi an doong iow, ra'ica tinowa miow Aku tumuli am balé miow. An tutuw-Ku ra'ica mekarai, ra'ica winéan iow karai Aku. An tutuw-Ku sumakit kuma'pa an untep im bui, ra'ica mai sinéré miow Aku.’

Kisah Para Rasul 24:23

Wo iru'du' i gubernur Feliks si perwira é suraro itu itumang si Paulus, taan sia winéan toyo' kaloasan. Taniitu ka'i sé kara-karapina winéan kaloasan e ro'na mesuk isia wo méé ing kaperluanna.

Kisah Para Rasul 27:3

Mando mai, kami tumuli an Sidon. Si Yulius sama' keli a si Paulus, wéanna kaloasan sia mangé a sé kara-karapina wosama' séra ro'na tumu'tul ing kaperluanna.

Roma 12:15

Maaru-aruio mangé mewali-wali wo sé tou maaru-arui, wo maamé'o mangé mewali-wali wo sé tou maamé'!

1 Korintus 12:26

Anaé, sa esaan sé an owak mawendu, pakasa sé an owak itu ka'i kumiit mawendu. Sa esaan sé an owak makéré rarayoan, pakasa sé an owak ka'i maarui.

Efesus 4:1

Yaku Paulus si binui ampa'paan maselewir si Casuruan, sina'- uenku kamu sé tinowao i Amang Kasuruan wosama' kamu menonou kumiit in totowa itu.

Kolose 4:18

Yaku Paulus ka'i méé mai in siri' ai camu. En siri' anio' yaku in esa e matic. Ta'néien iow angé sapaoka aku an untepé' im bui! Isombayangku sa woo ro'na en upus aitambér i Amang Kasuruan mewali-wali wo icamu.

Ibrani 10:34

Mémang kamu kumiito mendam ing kawenduan é tou sé pakabuin. Wo an tutuw pakasa ing kasiyaan iow niandét, kamu maaru-aruike' ampa'paan kailekan iow sapaoka kamu in esa makaanu ing kasiyaan si lumoorai wo tumang akar ing kauré-uré.

Ibrani 11:37

Séra winangkil im batu, ginorit wo sina'bel akar i maté. Séra manangké-nangkéi asalo mekarai ing kulit i domba kuma'pa kulit i mémbé', wo séra lengéi, wendu wo paoko-okoien.

1 Petrus 3:8

Anaé, kumusi' i nunuwu'ku anio' pangilekenku ai camu, musti meesa en até wo esa em pamendamen, meupu-upusan tanuoka sé mepoow wo tumuru' ing kaupusan wo ko'kos en até.