Ibrani 13:21 - En Taar Weru a nunuwu' é Tontemboan

²¹ en tumu'tul im pakasa sé loor si paperlun iow e méma' sapa sé icasalé'-Na. Wo pekiupusenku ka'i wosama' si Amang Kasuruan matawoi an untep in atéta akar kita ro'na méma' sapa sé icasalé'-Na ampa'paano i Yesus Kristus. A si Yesus Kristuske' em pakasa i rarayo wo in sisiri' akar ing kauré-uré. Ulit.

Ibrani 13:21 ပူးပေါင်းရင်းမြစ်များ

Matius 12:50

Ampa'paan si séike' si mengaéma' ing kasalé'an i Amang-Ku an sorga, siao si poow-Ku tuama, poow-Ku wéwéné wo inang-Ku.”

Matius 21:31

Anaé, sa iciit icamu, si séi ai séra in dua e méma' ing kasalé'- an i amang éra?” Isowat éra, “Si toyaang luluna.” Wo icua i Yesus ai séra, “En ulitna icua-Ku mangé ai camu, sé matagi im pajak wo sé wéwéné sundal en dior muntep ang Kakolanoan i Amang Kasuruan wo icamu.

Matius 28:20

Wo susuiano mangé séra wosama' émaan éra waya sé aiperénta-Ku ai camu. Pena'né-na'néieno mangé, Yaku kasake' ang karapi miow akar ing kaka'puan ing kayo'baan.”

Matius 6:13

Wo tioo woo iwali kami muntep am pangepé'an, taan iwekaro mai kami ang kawasa i léwo'. [Ampa'paan si Amango e makaanu ing kakolanoan wo ing kawasa, wo iparangka-rangka' akar ing kauré-uré. Ulit.’]

Matius 7:21

Ra'ica pakasa sé tou sé matowa Yaku, ‘Kasuruan, Kasuruan’, muntep oka ang Kakolanoan in Sorga, taan wayake' in tou sé mengaéma' ing kasalé'an i Amang-Ku an sorga.

Yohanes 17:23

Yaku meesa wo iséra wo si Amang meesa wo Yaku, wosama' séra wutu-wutul meesa. Sa séra wutu-wutul meesa, kakailekan oka é tou ra'ica maéman ang kayo'baan sapaoka si Amango e mutusai Yaku wo ka'i si Amango si mengaupus iséra, kaputé si Amang mengaupus Yaku.

Yohanes 7:17

Sa si tou masalé' maéma' ing kasalé'an i Amang Kasuruan, kakailekanna oka en sususuien-Ku anio' asi Amang Kasuruan owo kuma'pa mai a Yaku owo in esa.

Roma 11:36

Ampa'paan si Amang Kasuruano e méma' im baya-waya, wo pakasa en itu Siake' en tumu'tul. Pakasa en itu niéma'-Na wosama' Sia irayo. Anaé, irayoo wo siriino mangé Sia akar ing kauré-uré! Ulit.

Roma 16:27

Siao si Amang Kasuruan si wuta ing kapinteran. Rayoo mangé wo siriino mangé Sia akar ing kauré-uré ampa'paano i Yesus Kristus. Ulit.

2 Korintus 9:8

Si Amang Kasuruan makawoo tumambérai ing kamang kumeli-keli ai camu, akar sé paperlun iow am baya-waya imaaweso. Wo in taniitu lébé kawooan iow méma' im pakasa sé loor.

Galatia 1:5

Si Amang Kasuruanke' si parayo-rayo wo si pasiri-siriin akar ing kauré-uré! Ulit.

Efesus 2:10

Ampa'paan si Amang Kasuruan in esa si iméma' icita mamuali tou weru an tutuwta maéman a si Kristus Yesus wo meesa wo Sia. Kita niéma'-Na tou weru wosama' émaanta sapa-sapake' sé loor sé aitantu-Nao tumo'tolke' mai indior wosama' émaanta waya sé loor.

Efesus 2:18

Ampa'paano i Yesus Kristus, kita im baya tou Yahudi kuma'pa tou ra'ica Yahudi ro'na rumuru a si Amang Kasuruan, Amangta ang karapi in tatawang i Roh Le'nas si esa-esa.

Filipi 1:11

Isombayangku ka'i wosama' pengéma-ngémaan iow sé nianggap wutul i Amang Kasuruan ampa'paan si Yesus Kristus imatawoi ang katouan iow. Wo in taniitu si Amang Kasuruan oka si parayo wo pasiriin.

Filipi 2:11

wo séra im baya mangaku sapaoka si Yesus Kristus itu Kasuruan. Wo in taniitu, si Amang Kasuruan Amangta em parayo wo pasiriin.

Filipi 2:13

Kamu ro'na menonou tanu siitu ampa'paan si Amang Kasuruan in esao si matawoi an até miow, akar kamu ro'na menonou kiit ing kasalé'an-Na wo ro'na imaéma' sé icasalé'-Na.

Filipi 4:13

Ang kaadaan in sapake' eng kinasangkumanku, susa kuma'pa arui, kawooanku i muléng ampa'paan i Kristus si cumeter yaku.

Filipi 4:18

Pakasa eng kaperluanku kinakiitano, wo sé awéan a yaku ilumébéo asi paperlunku. Ampa'paan yaku tumerimao im patawang iow itu asi Epafroditus owo. En doit aiwéé miow itu meputé im paragés mawou manam si icasalé' i Amang Kasuruan si patus ai Sia.

Kolose 3:17

Wo sapake' mangé en émaan iow kuma'pa icua miow, émaano mangé waya en itu kumiit ing kasalé'an i Apo' Yesus, ang karapi i makua makapulu'sama' a si Amang Kasuruan, Amangta, ampa'paano i Yesus Kristus.

Kolose 3:20

Éi toya-toyaang, pengakiiten angé em perénta é matu'a miow am baya-waya, ampa'paan siituo e mengaarui in até i Casuruan.

Kolose 4:12

Si Epafras méé ka'i mai in siri' ai camu. Sia esaan an jamaat iow wo ata i Yesus Kristus. Kamu penomba-nombayangna wosama' em paémanen iow a si Kristus Yesus makaenté-enté' tanu tou wangkoo wosama' kamu ka'i wutu-wutul makailek sapa waya sé icasalé' i Amang Kasuruan.

1 Tesalonika 3:13

Pangileken ami a si Casuruan eng kumeter in até miow wosama' en até miow ra'ica wana kaséaan wo le'nas an dior i Amang Kasuruan si Amangta, an tutuw i Yesus Apo'ta maai sumawel mewali-wali ang kerapi é tou le'nas-Na.

1 Tesalonika 4:3

Si anioo waya eng kasalé'an i Amang Kasuruan: menonouo mangé toronake' Sia, menonou le'nas wo ra'ica mengabersina.

1 Tesalonika 5:23

Pangileken ami a si Amang Kasuruan wosama' émaan-Na eng katouan iow male'nas. Siao ka'i méma' icita menonou ang kaeluran. Pangileken ami ka'i téiran-Na mai en owak, en até wo e mu'kur iow wosama' an tutuw si Apo'ta Yesus Kristus maai sumawel, kamu ra'ica wana kaséaan ampa'paan kamu ra'ica iméma' ing kameséaan sapa-sapa.

2 Tesalonika 2:17

Pekiupusen ami a si Amang Kasuruan wo a si Yesus Kristus, Apo'ta e méé mai ing kaketeran wo ing kaincayaan an até miow wosama' kawooan iow méma' im pakasa sé loor wo manuwu' in andumoro' sé loor.

1 Timotius 1:17

Irayoo si Amang Kasuruan! Siao si Colanota akar ing kauré-uré. Sia awéan akar ing kauré-uré, Sia ra'ica kaséréan wo Sia wayake' in esa. Sia itu parayo-rayo wo pasiri-siriin akar ing kauré-uré. Ulit.

1 Timotius 5:10

wo kailekan ka'i é tou sapaoka sia matawoi in loor tanumai: pengaurusenna in sama' sé toyaangna, pengasungkulenna in sama' sé tou mengaai am baléna, pengaselewiranna in sama' sé tou maéman wo pengatawangenna sé tou ang kasusaan wo mengéma-ngéma' in loor a sé pakasa in tou.

1 Timotius 6:16

Siao ka'i si ra'ica kakawasaan im papaté. Sia menonou ang kasendotan wo sé tou ra'ica toro sumusut asi sendot itu. Wo ra'ipé' wana tou si sumangkumo suméré Sia. Siake' si patus siriin. Pakasa eng kawasa ai Sia akar ing kauré-uré. Ulit.

2 Timotius 3:17

Wo in taniitu, eng Kitap Le'nas itu méma' sé tou i Amang Kasuruan makawoo méma' im pakasa sé loor.

2 Timotius 4:18

Iwekar-Na oka ka'i aku asé tou sé mawasa-wasa in léwo' e méma' yaku icawangkur. Lowiren-Na oka ka'i aku akar muntep an sorga, asi tampa Sia Makakawasa tanu Kolano. Siao em patus iparayo-rayo wo pasiri-siriin akar ing kauré-uré! Ulit.

Ibrani 10:36

Anaé, intarépé' kamu musti malese-lesen sa meta'up ing kawenduan, wosama' kaémaan iow eng kasalé'an i Amang Kasuruan. Wo in taniitu kamu ro'na tumerima sapa sé aijanji-Na.

Ibrani 12:23

Kamu imayo ka'i am paumungan é toyaang luluna i Amang Kasuruan, e ngaran éra aipatico an sorga. Wo kamu meta'up ka'i wo si Amang Kasuruan, si maakim waya sé tou, wo meta'up ka'i wo sé roh é tou sé nianggap wutul i Amang Kasuruan, sé niéma'o makaleke-lekep.

Ibrani 12:28

Anaé, kita mamualio tou ang kakolanoan si ra'ica toro yéro', ampa'paano in itu mayoo kita kumua makapulu'sama' a si Amang Kasuruan, wo maapo' mangé ai Sia ang karapi in siri' wo wuta ing kaindé'an iciit en casalé'-Na.

Ibrani 13:16

Tioo ilupa miow mengaéma' in loor wo mengatawang sé tou sé perlu tawangen. Siituo e raragés en icasalé' i Amang Kasuruan.

1 Petrus 2:5

Kamu ka'i tanu im batu menonou itu. Ampa'paan in ituo iwééo mio' en owak iow pakén i Amang Kasuruan e mamuali paento'an-Na. Wo in taniitu kamu imamualio imam-imam le'nas e rumagés ing katouan iow a si Amang Kasuruan. Wo e raragés aiwéé miow itu tinerima-Na ampa'paano sé niéma' i Yesus Kristus ai cita im baya.

1 Petrus 4:2

Anaé, eng kauré kamu menonou ang kayo'baan anio', pakéno en témpo si matela'u itu e méma' ing kasalé'an i Amang Kasuruan, ra'ica méma' ing kasalé'an é tou.

2 Petrus 3:18

Taan aweso taré kamu makaawes mendam ing kamang aitambér i Amang Kasuruan, wo makalébéo makatuus si Yesus Kristus, Apo' wo si Lumolowirta. Ai Siake' pakasa e rarayo wo en sisiri' intarépé' akar ing kauré-uré. Ulit.

1 Yohanes 2:17

Eng kayo'baan anio' wo pakasa eng kasalé'an in tou ang karoro'an icatala. Taan en tou sé mengaéma' ing kasalé'an i Amang Kasuruan, tatap menonou akar ing kauré-uré.

1 Yohanes 3:22

Wo sapake' em pangilekenta ai Sia, kéréanta oka, ampa'paan paémaanta waya em perénta-Na wo ka'i maéma' sapa si mengaarui in até-Na.

Yudas 1:25

Wayake' Sia in esa, si lumowir icita ampa'paano i Yesus Kristus Apo'ta. Sia em patus tumerima i rarayo wo in sisiri', ampa'paan ing kawangko'-Na wo ing kawasa-Na en tumu'tul wo merénta im baya-waya tumo'tolai indior, intarépé' wo akar ing kauré-uré. Ulit.

Wahyu 4:6

An dior im palukutan pasiri-siriin itu awéan ta'sic kaca eng kaweresina tanuoka ing kristal. Wo em palukutan pasiri-siriin itu pakali'ciren é epat mahluk, en owak éra wuta im beren an dior wo an somoi.

Wahyu 5:13

Wo kalingaanku pakasa sé mahluk an sorga, ang kayo'baan, an darem ing kayo'baan wo an ta'sic, séra mewali-wali kumua, “Toronake' Sia si makalukut am palukutan pasiri-siriin wo torona i Toyaang i Domba, e rarayo wo in sisiri' wo iparayo-rayo wo pasiri-siriin wo ing kawasa akar ing kauré-uré.”

Wahyu 5:9

Wo séra kumantar esa kakantaren weru tana'i: “Icoo em patus tumerima ing gulungan kitap itu, wo muka' in ségél-ségélna. Ampa'paan Ko sumangkumo pinaté, wo ang karapi in enda'-Mu, tinu'bus-Muo séra torona i Amang Kasuruan, séra itu mai am pakasa in suku, i nunuwu', i negara wo im bangsa.