Ibrani 13:16 - En Taar Weru a nunuwu' é Tontemboan

¹⁶ Tioo ilupa miow mengaéma' in loor wo mengatawang sé tou sé perlu tawangen. Siituo e raragés en icasalé' i Amang Kasuruan.

Ibrani 13:16 ပူးပေါင်းရင်းမြစ်များ

Lukas 18:22

Kelinga in itu wo icua i Yesus ai sia, “Awéané' esa e musti émaanmu: Iwangkéro waya eng kasiyaanmu wo iwété-wéténgo mio' en itu a sé tou lengéi wo in taniitu kéréanmu oka eng kasiyaan an sorga. Kumawus in itu mayoo wo kumiito mai Yaku.”

Kisah Para Rasul 10:38

Kailekan iow ka'i sapaoka si Amang Kasuruan imééo i Roh Le'nas wo eng kawasa-Na a si Yesus tou Nazaret, Sia mangé am bisa-wisa wo méma' sé loor wo sumama' pakasa in tou sé kinawasao i kikiiten é sétang ampa'paan si Amang Kasuruan mewali-wali wo Sia.

Kisah Para Rasul 9:36

An Yope, awéan si esa wéwéné makangaran Tabita, a nunuwu' é Yunani sia patuulen Dorkas. Sia mengéma-ngéma' andumoro' sé loor wo pengatawangenna sé tou lengéi.

Roma 12:13

Tawangeno mangé sé tou le'nas sa awéan em paperlun éra, wo tatapke' materima sé tou sé masalé' lumosér am balé miow.

Galatia 6:10

Ampa'paan in itu, ang karoro'anta winéané' témpo, mayoo émaanta sé loor a sé pakasa in tou, kataré-taré a sé poo-poowta an esa paémanen.

Galatia 6:6

Si tou tumerima in sususuien andumoro' in Taar i Amang Kasuruan, pakasa sé loor musti iwéténg a si tou si iméé in sususuien itu en tumawang ing kaperluan éra.

Efesus 4:28

Si tou si sumangkumo rumombit, yentoo mio' marombit. Aweso taré sia rumaméji tumawoi sapake' sé loor ang karapi ing kamana in esa, wosama' sia makaanu in sapa-sapake' si ro'na iwéténg a sé tou lengéi.

Filipi 4:14

Mandé ka'i in taniitu, yaku tinawa- ngo miow an tutuwku ang kawenduan intarépé'. Wo sapa sé niéma' miow itu loor.

Filipi 4:18

Pakasa eng kaperluanku kinakiitano, wo sé awéan a yaku ilumébéo asi paperlunku. Ampa'paan yaku tumerimao im patawang iow itu asi Epafroditus owo. En doit aiwéé miow itu meputé im paragés mawou manam si icasalé' i Amang Kasuruan si patus ai Sia.

1 Tesalonika 5:15

Wéanio' rékén, oréoka awéan si tou mengasuli' in léwo' a sé tou mengaéma' in léwo'. Taan musti rumaméji mangé kamu mengaéma' in loor a sé kara-karapi miow in esa wo ka'i a sé tou walina.

2 Tesalonika 3:13

Wo kamu é poo-poow, tioo mengasuut mengéma-ngéma' sapa sé loor.

1 Timotius 6:18

Ipokéi angé a sé tou siya' wosama' séra maéma' sé loor. Séra musti masalé' mengatambér, masalé' mengawéténg ing kasiyaan éra a sé tou walina.

Filemon 1:6

Yaku masombayang wosama' em pepoowanta tanu tou maéman ro'na méma' icita makaawes eng kailekan am pakasa sé loor sé ai citao ampa'paan kita meesao wo si Kristus.

Ibrani 6:10

Ampa'paan si Amang Kasuruan itu ra'ica marapit, ra'ica ilupa-Na sapa sé tinawoio miow torona Sia. Wo ra'ica ilupa-Na ka'i eng kaupusan ipaturu' miow ai Sia an tutuw iow matawang sé tou le'nas indior akar intarépé'.

3 Yohanes 1:11

Poowku Gayus si icaupusku. Tioo ko mengaandé andumoro' sapa si léwo', taan mengaandé mangé sapa si loor. Si séi e mengaéma' in loor, sia itu asi Amang Kasuruan owo. Taan si séi e mengaéma' in léwo', sia ra'ipé' makatuus si Amang Kasuruan.