Ibrani 13:1 - En Taar Weru a nunuwu' é Tontemboan

¹ Poo-poow, meupu-upusano mangé tanu mepoow an esa paémanen.

Ibrani 13:1 ပူးပေါင်းရင်းမြစ်များ

Yohanes 15:17

Si anioo em perénta-Ku ai camu: Meupu-upusano mangé kamu si esa wo sé walina.”

Kisah Para Rasul 2:1

An tutuw imayo an endo wangko' Pentakosta, pakasa sé tou maéman mali'us an esa walé an Yerusalem.

Kisah Para Rasul 4:32

Pakasa sé tou maéman meesa en até wo esa wewerot, ra'ica wana mandé esake' tou eng kumua sapaoka en anuna, anunake' in esa. Anaé, eng kasiyaan éra anu éra im baya.

Galatia 5:13

Poo-poow, kamu tinowao i Amang Kasuruan mamuali tou sé ra'io ka'i pakakawasan in ukum Torat. Taan tioo pakén iow eng kaloasan itu imamuali alasan i menonou ang kamesé-meséaan. Taan aweso taré kamu si esa wo sé walina mensen-selewirano mangé ang karapi in upus.

Galatia 5:22

Taan sé tou pakaakinen i Roh Le'nas, wuéna ing katouanna tanu sé anio': awéan upus, kaaruian, kaeluran, katalesenan, kasamaan in até, kalooran, kale'tekkan,

Galatia 5:6

Ampa'paan torona é tou sé meesao wo si Kristus Yesus, sia sinunat kuma'pa ra'ica sinunat en itu ra'ica penting. Em penting am bia'i em paémanen si aituru' ang karapi in upus a sé tou walina.

Efesus 4:3

Rumaméjio mangé ang karapi i mauli-ulit menonou meesa wo meeluran ang karapi é tou walina, ampa'paan kamu niéma' i Roh Le'nas i meesa wo iséra.

Efesus 5:2

Menonouo mangé ang karapi i meupu-upusan, kaputé i Kristus mengaupuso icamu. Sia sumarakano in owak-Na torona icita tanu raragésan si mawou manam torona i Amang Kasuruan.

2 Tesalonika 1:3

Poo-poow, kami patus mengua-ngua i makapulu'sama' a si Amang Kasuruan ampa'paan icamu. Wo kami patus méma' in taniitu, ampa'paan em paémanen iow a si Yesus makaketero wo ka'i makaaweso eng kaupusan iow a sé tou walina.

Ibrani 10:24

Wo mayoo kita mensén-séréan esa wo sé walina wosama' kita ro'na méé kaincayaan e mengaupus sé kakélé tou wo mengaéma' andumoro' sé loor.

1 Petrus 1:22

Kamu lume'naso in owak iow ang karapi in le'tek mengaéma' in sususuien wutul i Amang Kasuruan, akar kamu makawoo mengaupus sé poo-poow an esa paémanen ang karapi i mauli-ulit. Anaé sina'uenku kamu wosama' kamu meupu-upusan ang karapi in lekep en até.

1 Petrus 2:17

Pengasiriin angé sé pakasa in tou wo mengaupuso mangé sé poo-poow iow an esa paémanen. Maindé'o mangé a si Amang Kasuruan wo pengasiriin angé si colano miow.

1 Petrus 3:8

Anaé, kumusi' i nunuwu'ku anio' pangilekenku ai camu, musti meesa en até wo esa em pamendamen, meupu-upusan tanuoka sé mepoow wo tumuru' ing kaupusan wo ko'kos en até.

1 Petrus 4:8

Wo si kumataré-taré, kamu musti meupu-upusan. Ampa'paan sa kita meupu-upusan, ra'io ka'i kata'néianta eng kakeli ing kameséaan sé niéma' é tou walina ai cita.

2 Petrus 1:7

Wo menonou le'tek a si Amang Kasuruan musti awesan iow ka'i ang karapi i mengaupus a sé poo-poow esa paémanen. Wo asi mengaupus a sé poo-poow esa paémanen musti awesan iow ka'i ang karapi i mengaupus sé kakélé in tou.

1 Yohanes 3:23

Wo si anio' em perénta-Na: Kita musti maéman a si Toyaang-Na Yesus Kristus wo kita ka'i musti meupu-upusan tanu en aiperénta i Yesus Kristus ai cita.

1 Yohanes 4:20

Sa awéan tou kumua, “Yaku mengaupus si Amang Kasuruan,” taan icasuutna si poowna, sia itu tumowoo. Ampa'paan si séike' si ra'ica mengaupus si poow pakasérénna, tantu ra'ica kawisa sia mengaupus si Amang Kasuruan si ra'ica kaséréanna.

Wahyu 2:4

Mandé ka'i in taniitu iséro'-Ku kamu, ampa'paan eng kaupusan iow a Yaku ra'io meputé wo ing kaupusan iow an tutuw iow werupé' maéman a Yaku.