Ibrani 12:29 - En Taar Weru a nunuwu' é Tontemboan

²⁹ Ampa'paan si Amang Kasuruan si paapo'anta itu, Sia tanuoka in api mengatunu im baya-waya.

Ibrani 12:29 ပူးပေါင်းရင်းမြစ်များ

2 Korintus 5:11

Kailekan ami sapa eng kaangéan i maindé' a si Amang Kasuruan, ampa'paan in iituo raméjin ami méé ing kapercayaan a sé tou andumoro' in owak ami. Kailekan wutul i Amang Kasuruan sé an untep in até ami. Wo paarapenku kakailekan iow en até ami.

2 Tesalonika 1:7

Émaan-Na oka ka'i kamu wo icami cawekar an okoi wo ang kawenduan an tutuw si Apo' Yesus tumumpa mai a mangé en sorga owo. En itu mamuali an tutuw i Apo' Yesus mapaturu' in owak-Na mewali-wali wo sé malaékat-Na si wuta ing kawasa.

2 Tesalonika 1:8

Wo ukumen-Na oka sé tou sé ra'ica kiim mengkatuusan wo si Amang Kasuruan wo ra'ica kiim kumiit in Abar Kaaruien andumoro' i Yesus Kristus Apo'ta.

Ibrani 10:27

taan asalo oka maento-ento' in ukuman si kaindéén oka mai ang karapi in api mengembu-ngembung si ra'io icakua en tumunu oka pakasa in tou sé masundur si Amang Kasuruan.

Ibrani 10:31

Kaindéén keli sa kita makéré ukuman asi Amang Kasuruan si menonou.

2 Petrus 3:7

Taan en langit wo eng kayo'baan intarépé' pakatéirané' i nunuwu'-Na itu, en tunun in api sa. Intarépé' en langit wo eng kayo'baan pakatéirané' akar asi endo sé tou léwo' akimen wo patén-Na.