Ibrani 12:27 - En Taar Weru a nunuwu' é Tontemboan

²⁷ Si nunuwu' “makasapé'” eng kaangéanna pakasa sé niéma'-Na asi cayo'baan anio' ipangéro' oka wo materi, wosama' sapa sé ra'ica toro ipaéro' siituo sé matela'u.

Ibrani 12:27 ပူးပေါင်းရင်းမြစ်များ

Matius 24:35

En langit wo eng kayo'baan maka'pu oka taan e nunuwu'-Ku ra'ica maka'pu akar ing kauré-uré.”

Roma 8:19

Wo ra'ica icitake' in tou, taan pakasa sé niéma' i Amang Kasuruan ang kayo'baan anio' lumeloo keli mengento-ngento' in oras i Amang Kasuruan tumuru' mai in darayo wo in sisiri' a sé toyaang-Na.

Roma 8:21

sapaoka an témpona sa, pakasa sé niéma' i Amang Kasuruan ang kayo'baan anio' iwekar-Na oka ang kakawasaan si mengapaté, wo kumiit makéré ing kabébasan wo iparayo-rayo wo pasiri-siriin mewali-wali wo sé toyaang-Na.

1 Korintus 7:31

Sé tou asalo menguru-ngurus ing katouan éra asi cayo'baan anio', séra ra'ica toro kuma'pu in témpo e memero-merotke' andumoro' sé itu. Ampa'paan eng kayo'baan pakaento'anta anio' ra'io uré ka'i imaka'pu.

Ibrani 1:10

Aicua ka'i i Amang Kasuruan a si Toyaang-Na tana'i, “Ico itu Kasuruan, eng kataré-taré Icoo si itumulir im pandasi ing kayo'baan, wo kama-Mu in esa ka'i e méma' in langit.

Ibrani 13:14

Ampa'paan ang kayo'baan anio' ra'ica wana kota ento'anta akar ing kauré-uré, kita maento-ento' ing kota ento'anta si maai oka sa.

Ibrani 9:11

Taan intarépé' si Kristus imayo tanu Imam Wangko si maali mai ai cita andumoro' sé loor sé awéano. Sia imuntepo asi ténda pengaapo'an si lébé loor wo en lébé lekep, ampa'paan en ténda itu ra'ica tanu in ténda si niéma' é tou ang kayo'baan.

Wahyu 11:15

Wo si malaékat kapitu sumengo in terompét, wo awéan suara si maangko' an untep in sorga makua, “Eng kakolanoan ing kayo'baan mamualio Kakolanoan i Casuruanta wo Kakolanoan i Kristus. Sia merénta oka akar ing kauré-uré.”

Wahyu 21:1

Wo kaséréanku en langit wo eng kayo'baan weru, ampa'paan en langit wo eng kayo'baan kataré aicatalao wo en ta'sic ra'io wana ka'i.

Wahyu 21:4

Wo pisin-Na oka waya en dano im beren éra, wo ra'io wana ka'i em papaté. Ra'io wana ka'i e mala'lu kuma'pa e maamé' kuma'pa eng kawenduan, ampa'paan am baya-waya sé uré itu lumangkoio.”

Wahyu 21:5

Wo Sia si makalukut am palukutan pasiri-siriin itu kumua, “Séréno, Yaku ang karoro'an imaéma' im baya-waya maweru!” Wo icua-Na ka'i, “Ipatico mio' waya en itu, ampa'paan sé nunuwuun anio' ro'na percayan wo wutul.”