Ibrani 12:18 - En Taar Weru a nunuwu' é Tontemboan18 Intarépé' kamu sé tumerima im perjanjian weru ra'ica puté wo sé tou Israel sé tumerima im perjanjian uré. Indior sé tou Israel imangé asi esa kuntung si ro'na isuun, siituo eng kuntung Sinai. Séra maindé' keli ampa'paan tumarépé'anke'mai awéan kambung en lumémpeno in sendot i yéndo, wo mariréimbengo, wo awéan séléndu', wo awéan api mengembu-ngembung. အခန်းကိုကြည့်ပါ။ |
Ampa'paan e Roh aiwéé i Amang Kasuruan ai camu itu, ra'ica méma' icamu mamuali ata akar kamu menonou ang kaindé'an. Taan e Roh aiwéé i Amang Kasuruan itu, méma' icamu mamuali toya-toyaang i Amang Kasuruan. Wo e Roh i Amang Kasuruan itu maakin icita akar patowanta si Amang Kasuruan, “Amang, o Amangku!”
An tutuw em perjanjian uré si makawali am papaté itu aipatic am batu maké im pupulat, en sendot i Amang Kasuruan menéla-nélang an amo i Musa. En télangna itu masendot keli wo kala'meren oka mai akar sé tou Israel ra'ica makawoo suméré in amo i Musa, mandé ka'i en sendot an amona itu meka'pu-ka'puo en télangna. Anaé, sa en perjanjian uré si makawali am papaté itu nisahkan ang karapi in sendot tuméla-télang an amo i Musa,