Ibrani 11:7 - En Taar Weru a nunuwu' é Tontemboan

⁷ Ampa'paan si Nuh awéan paémanen, sia kinuanan i Amang Kasuruan sapa sé mamuali oka sa, sé ra'ipé' sumangkum ako sinéréna, wo ang karapi ing katale'tekanna émaanna esa kapal wangker en lumowir sé pamaléna asi sonop wangko'. Wo in taniitu ituru'na sapaoka sé tou ang kayo'baan patus ukumen, wo sia in esa tinerima i Amang Kasuruan tanu tou nianggap wutul ampa'paan im paémanenna.

Ibrani 11:7 ပူးပေါင်းရင်းမြစ်များ

Matius 2:12

Kekawus in itu, ampa'paan séra linupuan am pinangipi wosama' ra'ica toro maréng angé a si Herodes, anaé séra maréng an doong éra kumiit an lalan walina.

Matius 24:15

“Anaé, sa sérén iow si esa tou luméwo-léwo' makatulung asi tampa le'nas, tanu in aipatico i nabi Daniel. [Si séi e maca in anio' wéanio' rékén sumama-sama'! ]

Matius 24:25

Ta'néien sumama-sama', pakasa en itu ra'ipé' imamuali taan airior-Kuo icua ai camu.

Matius 24:38

An jaman i Nuh itu an tutuw ra'ipé' imai en sonop wangko', eng katouan é tou asalo si mengangan wo si mengele-ngelep wo mamualio kanaramen éra sé tuama wo sé wéwéné mengkang-kawéngan akar asi endo i Nuh sumaké ang kapal wangker.

Matius 3:7

An tutuw itu ka'i kelian tou Farisi wo Saduki mai a si Yohanes e mekibaptis. Taan aicuanake' ai séra, “Éi kamu tou léwo' kamu meputé wo si ula' rumacu-racung! Paweroten iow réén kamu ro'na icawekar an ukuman si maai sa?

Lukas 17:26

Wo ka'i asi endo si Toyaang i Tou maai sumawel, eng katouan é tou meputé oka ing katouan é tou indior an jaman i Nuh.

Roma 1:17

Ampa'paan asi Abar Kaaruien itu, si Amang Kasuruan tumuru'o tumambisa sé tou nianggap-Na wutul. En lalanna musti maéman a si Kristus, ra'ica wana walina. En itu tanu in aipatic ang Kitap Le'nas in tana'i, “Si tou nianggap wutul i Amang Kasuruan ampa'paano im paémanenna, sia menonou oka!”

Roma 10:6

Taan awéan ka'i en aipatic andumoro' sé tou nianggap wutul i Amang Kasuruan ampa'paano im paémanen. Tana'i en aipatic, “Tioo kamu makua an até miow, ‘Si séi en sumosor angé an sorga?’ ” (Eng kaangéanna, e makawali mai si Kristus tumumpa ang kayo'baan eng kumua tumambisa wosama' malowir).

Roma 3:22

sapaoka sé tou ro'na nianggap wutul i Amang Kasuruan, ampa'paan maéman a si Yesus Kristus. Niéma' i Amang Kasuruan in taniitu torona im pakasa é tou maéman a si Yesus Kristus. Ampa'paan pakasa en tou puté waya an dior i Amang Kasuruan.

Roma 4:11

Anaé, an tutuw i Abraham ra'ipé' sinunat, sia maémano a si Amang Kasuruan. En sunat itu asalo tuus sapaoka si Abraham tinerima i Amang Kasuruan wo nianggap-Na wutul ampa'paan maéman ai Sia. Anaé, si Abraham tinerima i Amang Kasuruan an tutuw sia ra'ipé' sinunat. Ampa'paan in ituo sia mamuali amang im pakasa é tou maéman mandé ka'i sé tou maéman itu ra'ica sinunat. Wo ampa'paano im paémanen éra, séra nianggap wutul i Amang Kasuruan.

Roma 4:13

Si Amang Kasuruan jumanjio a si Abraham wo a sé tara-taranakna, sapaoka iwéé-Na oka eng kayo'baan anio' mamuali anu éra. Si Amang Kasuruan jumanji tanu siitu ra'ica ampa'paan si Abraham le'tek mengaéma' in ukum Torat, taan ampa'paan sia maéman a si Amang Kasuruan akar sia nianggap-Na wutul.

Roma 9:30

Anaé, ro'na icuata in tana'i: Sé tou walina sé ra'ica Yahudi ra'ica rumaméji nianggap wutul i Amang Kasuruan, taan séra nianggap-Na wutul ampa'paan séra maéman a si Yesus.

Galatia 5:5

Taan kita maarap nianggap-Na wutul ampa'paan ing kawasa i Roh Le'nas wo ampa'paan im paémanenta a si Kristus.

Filipi 3:9

wo meesa ang karapi-Na. Anaé, aku ra'ica nianggap wutul i Amang Kasuruan ampa'paan i rumaméji makiit in ukum Torat, taan aku nianggap wutul ampa'paan maéman a si Kristus. Ampa'paan sé tou nianggap wutul i Amang Kasuruan kiit im paémanen éra.

Ibrani 11:1

Sa kita awéan em paémanen a si Amang Kasuruan, émanenta sapaoka kéréanta oka sapa sé paarapenta. Ampa'paan im paémanen itu kailekanta sapaoka kéréanta oka sapa sé ra'ica ro'na kaséréanta.

Ibrani 12:25

Ampa'paan in ituo, sa si Amang Kasuruan maroma' ai camu tioo ipakélong. Indior sé tou Israel ra'ica mengalinga in taar i Amang Kasuruan sé ipakua i Musa ai séra ang kayo'baan, akar séra makéré in ukuman. Wopé'taré icita anio', sa kita ra'ica mengalinga in taar-Na si an sorga owo, tantu kita ra'ica icaséip an ukuman.

Ibrani 5:7

An tutuw i Yesus menonou tanu tou ang kayo'baan, Sia masombayang wo mapekiupus ang karapi imaangko' maamé' a si Amang Kasuruan si makawoo lumowir Sia am papaté. Ampa'paan Sia le'tek wo wuta in siri' a si Amang Kasuruan, akar en sombayang-Na lininga.

Ibrani 8:5

Séra mengaselewir tanu imam an ténda paapo'an en ulitna asalo mamuali patron wo bayangan asé sapa sé an sorga. Ampa'paan an tutuw i Musa masalé' mangun in ténda paapo'an, sia kinuanan i Amang Kasuruan in tana'i, “Musti émaanmu em pakasa iciit im patron si aituru'-Kuo ai co am bawo ing kuntung itu.”

1 Petrus 3:20

Sé roh itu, roh é tou ra'ica le'tek asi Amang Kasuruan an jaman i Nuh. Ang karoro'an i Nuh maéma' ing kapal wangker, si Amang Kasuruan talesen maento-ento' sé tou e mape'dis mengéma-ngéma' ing kaléwo-léwo'an. An tutuw en sonop wangko' itu imayo, wayake' i walu tou sé malowir asi sonop wangko' itu. Sérao sé an untep ing kapal wangker itu.

2 Petrus 1:1

En surat anio' a yaku owo, Simon Petrus. Yaku anio' ata wo ruru'du'an i Yesus Kristus. Ipaticku en surat anio' ai camu sé maémano a si Yesus Kristus kaputé ami. Si Yesus Kristus itu Amang Kasuruan wo Lumolowirta. Sia iméma' icamu maéman ampa'paan si pengaémaan-Na wutul wo ra'ica marapit.

2 Petrus 2:5

Taniitu ka'i sé tou indior an jaman i Nuh, sé ra'- ica makiit ing kasalé'an i Amang Kasuruan, séra niukum-Na ang karapi in sonop wangko'. Wo sé tou linowir-Na wayake' si Nuh ang karapi é pitu tou, ampa'paan sia makua in sususuien wutul i Amang Kasuruan wosama' sé tou musti menonou kumiit ing kasalé'an i Amang Kasuruan.

2 Petrus 3:6

Wo si rano ituo ka'i em pinaké-Na en tumeri ing kayo'baan ang karapi in sonop wangko'.