Ibrani 11:4 - En Taar Weru a nunuwu' é Tontemboan

⁴ Ampa'paan si Habel awéan paémanen, sia méé raragés binatang pinokol asi Amang Kasuruan sé lumoorai wo i raragés aiwéé i Kain. Ampa'paan si Habel awéan paémanen, akar sia tinerima i Amang Kasuruan tanu tou si nianggap wutul wo e raragés aiwééna tinerima i Amang Kasuruan. Mandé si Habel uréo imaté, taan ampa'paan im paémanenna, sia tanu maroma'pé' ai cita akar intarépé'.

Ibrani 11:4 ပူးပေါင်းရင်းမြစ်များ

Matius 23:35

Anaé ukumen oka i Amang Kasuruan kamu ampa'paan kamu wo sé apo-apo' miow indior imaté sé tou sé ra'ica wana kameséaan, tumo'tolai asi Habel tou nianggap wutul itu akar a si Zakharia toyaang i Berekhya. Si Zakharia itu pinaté am Balé Le'nas am paawuun ing Kamar Le'nas wo em pawetaan i raragés.

Lukas 11:51

tumo'tolke' mai ing kepaté i Habel, akar ing kepaté i nabi Zakharia, si pinaté ang kintal im Balé Le'nas am paawuun im pawetaan i raragés wo ing Kamar Le'nas. Icua-Ku ai camu, pakasa en tou menonou intarépé', ukumen oka i Amang Kasuruan ampa'paano sé niéma' é apo-apo' miow itu.

Titus 1:16

Séra ka'i mangaku makatuus si Amang Kasuruan taan sa sérén em paémaan éra, séra meputé wo sé tou makélong Sia. Séra karican oka mai wo ra'ica le'tek ampa'paan masundur im perénta i Amang Kasuruan wo ra'ica makawoo mengaéma' in sapake' mangé sé loor.

Ibrani 11:2

Ampa'paan awéan em paémanen, sé tou indior icasalé' i Amang Kasuruan.

Ibrani 12:1

Tumo'tolke' mai indior, keli en tou sé imamuali sairi im paémanen éra torona icita. Kita pakali'ciren é tou keli itu tanuoka ing kambung makali'cir icita. Ampa'paan in ituo mayoo tiya'ta waya em pamuléngen wo ing kamesé-meséaan si makaléngkété' ai cita, wo kasake' talesen am pekowaan si pakasarunta.

Ibrani 12:24

Wo kamu mai meta'up ka'i wo si Yesus, si maali mai im perjanjian weru i Amang Kasuruan a sé tou. Wo mai ka'i asi enda' im perjanjian weru si makatiti-titis e méé ing kaampungan ing kamesé-meséaan a sé tou. Sa taniitu en enda' i Yesus en lébé awéan wééna wo in enda' i Habel, ampa'paan en enda' i Habel si makatiti-titis asaloke' in sumuli' im pinanganat i Kain.

Ibrani 5:1

Susur i imam wangko' si sinisir an uner é tou, sia niangkai en sumelewir a si Amang Kasuruan mamuali kasawel é tou. En tawoienna mengawéé i raragés binatang pinokol wo raragés walina a si Amang Kasuruan ampa'paan ing kamesé-meséaan.

Ibrani 9:22

Iciit in ukum Torat, misio pakasa im pakakas le'nasen in enda'. Wo sa ra'ica wana enda' e makatiti-titis, ra'ica wana kaampungan ing kamesé-meséaan é tou.

2 Petrus 2:8

Si Lot tou maéma' im butul itu makaento' an uner éra wo susur in endo penéré-nérénna wo em pelinga-linganna asaloke' sé léwo', siituo en aténa uli-ulit mawendu.

Yudas 1:11

Icawangkuro mio' séra! Ampa'paan séra kumiito in lalan si suméa' meputé wo in lalan si kiniit i Kain. Séra ka'i mengaéma' ing kamesé-meséaan tanu si Bileam imengaéma' ing kamesé-meséaan si masalé-salé'ke' makéré roit. Wo séra patén ampa'paan masundur si Casuruan kaputé i Korah.