Ibrani 11:37 - En Taar Weru a nunuwu' é Tontemboan

³⁷ Séra winangkil im batu, ginorit wo sina'bel akar i maté. Séra manangké-nangkéi asalo mekarai ing kulit i domba kuma'pa kulit i mémbé', wo séra lengéi, wendu wo paoko-okoien.

Ibrani 11:37 ပူးပေါင်းရင်းမြစ်များ

Matius 21:35

Taan sé ata itu tinangka'ke' é tou matawoi in uma. Si esa pinangkur wo sé walina pinaté wo sé walina ka'i winangkil éra im batu.

Matius 3:4

Si Yohanes mapaké in juba niéma' am buuk i onta owo, em bengkalna niéma' ang kulit i binatang owo. Eng kakanenna komong wo wiluk é lampéran in talun.

Matius 8:20

Icua i Yesus ai sia, “Si serigala awéan wileng paento'an, taniitu ka'i sé burung awéan em parumunan. Taan si Toyaang i Tou ra'ica wana paento'an.”

Lukas 13:34

Éi tou Yerusalem, éi tou Yerusalem! Pinaté miow sé nabi wo ka'i winangkil iow im batu sé tou ayutusai i Amang Kasuruan. Makapirao Aku masalé' lumi'us icamu im baya mai anduru-Ku, meputé si inang é ko'ko' lumi'us sé sisina an darem in tétéléwna. Taan ra'ica kiim iow.

Kisah Para Rasul 14:19

Wo asi témpo itu mayo sé tou Yahudi a mangé en Antiokhia wo an Ikonium owo. Séra memaso-maso' in léwo' a sé tou keli itu akar si Paulus wangkilen éra im batu wo wésoon éra icesot ang kota, ampa'paan paweroten éra sia imatéo.

Kisah Para Rasul 7:52

Icuao mai, si séi sé nabi ra'ica niokoi é apo-apo' miow? Taan taré pinaté érake' sé nabi sé riorai mengakua andumoro' si Tou Wutul mai, wo intarépé' Sia kinianato wo pinatéo miow.

2 Korintus 12:10

Ampa'paan in ituo en atéku arui an tutuw aku ra'ica keter. Yaku ka'i arui mandé ipaséro', mawendu, pinaokoi, ang kasusaan ampa'paan makiit asi Kristus. Ampa'paan an tutuw aku ra'ica keter, yaku maketer ampa'paan i Kristus.

Ibrani 11:25

ampa'paan ra'ica kiimna menonou maaru-arui ang kamesé-meséaan si ang karoro'anke', taan icasalé'na mawendu mewali-wali wo sé tou i Amang Kasuruan.

Ibrani 13:3

Ta'néieno mangé sé kakélé miow sé an untep im bui, tanuoka kamu ka'i pakabuin mewali-wali wo iséra. Wo ta'néien ka'i sé kakélé miow paokoien, tanuoka kamu ka'i paokoien mewali-wali wo iséra.

Wahyu 11:3

Wéan-Ku oka kawasa a sé rua sairi-Ku e mangé kumua i nunuwuun-Ku ang karapi ing kumarai ing karai mala'lu eng kauréna sangariwu rua ngaatus enem ngapulu' ngando.”