Ibrani 11:35 - En Taar Weru a nunuwu' é Tontemboan

³⁵ Ampa'paan sé wéwéné awéan paémanen, akar kinéréan éra sumawel sé tou am pamalé éra sé imatéo ampa'paan tinouo sumawel. Awéan ka'i sé tou tumerima im paokoien akar imaté, taan ra'ica kiim éra iwekar am paokoien wo ra'ica tumela'u im paémanen éra. Ampa'paan émanen éra sapaoka séra touen oka sumawel wo makéré ing katouan si lébé loorai.

Ibrani 11:35 ပူးပေါင်းရင်းမြစ်များ

Matius 22:30

Ampa'paan asi endo sé tou imatéo touen sumawel, séra ra'io kumawéng wo kawéngen. Taan séra menonou oka meputé wo sé malaékat an sorga.

Markus 12:25

Sé tou imatéo wo tumou sumawel, séra ra'io kumawéng wo kawéngen, taan séra menonou oka meputé wo sé malaékat an sorga.

Lukas 14:14

Pakakamangen oka ko, ampa'paan séra ra'ica wana sapa-sapa en suli' ing kalooranmu. Suliin oka i Amang Kasuruan eng kalooranmu itu an tutuw touen-Na sumawel sé tou wutu-wutul maéman wo le'tek ai Sia.”

Lukas 20:36

Ampa'paan séra ra'io kawisa maté kaputé é malaékat sé ra'ica maté. Wo sé tou itu toya-toyaang i Amang Kasuruan ampa'paan séra tinou-Nao sumawel am papaté.

Yohanes 5:29

wo tumou sumawel. Sé tou iméma'o ing kalooran touen oka sumawel en tumerima ing katouan akar ing kauré-uré. Taan sé tou iméma'o ing kaléwo-léwo'an touen sumawel in ukumen.”

Kisah Para Rasul 22:29

Kelinga in aicua i Paulus sapaoka sia tou Romawi, anaé sé tou mesambo-sambok woo si Paulus makala'us sumoro' ai sia. Wo si kikiiten é suraro itu ka'i maindé' ampa'paan kinailekannao si Paulus si airu'du'na wa'kesen itu tou Roma.

Kisah Para Rasul 23:6

An tutuw kailekan i Paulus sapaoka sé anggota Mahkamah Agama itu awéan rua golongan, si esa Saduki wo si esa ka'i Farisi wo sia kumua in taangko', “Poo-poow, sé matu'aku tou Farisi wo aku ka'i tou Farisi. Yaku aisaru a Mahkamah anio' ampa'paan percayanku sa sé tou imatéo touen sumawel i Amang Kasuruan.”

Kisah Para Rasul 24:15

Yaku ka'i maarap a si Amang Kasuruan meputé wo iséra, sapaoka kawisa mangé pakasa in tou sé matéo touen oka sumawel, sama' sé tou wutul kuma'pa tou ra'ica wutul.

Kisah Para Rasul 4:19

Taan isowat i Petrus wo si Yohanes ai séra, “Icamuo en tumantu si wisa si wutul an dior i Amang Kasuruan, le'tek am perénta é tuang kuma'pa le'tek am perénta i Amang Kasuruan.

Kisah Para Rasul 9:41

Timboian i Petrus eng kamana wo atasanna in tumulung. Wo towan i Petrus sé tou le'nas itu wo sé wéwéné balu, ituru'na ai séra sa si Tabita tinouna sumawel.

1 Korintus 15:54

Wo sa en owakta si ro'na maté sinawelano in owak si ra'io kawisa maté wo en owak asi cayo'baan owo sinawelano in owak si an sorga owo, an tutuw itu lekepen oka en taar si aipatic ang Kitap Le'nas in tana'i, “Eng kawasa im papaté tinerio wo kinalao i Amang Kasuruan.”

Filipi 3:11

wosama' ang kasiwakana aku ro'na touen sumawel an uner é tou imatéo.