Ibrani 11:31 - En Taar Weru a nunuwu' é Tontemboan

³¹ Ampa'paan si Rahab si wéwéné sundal itu awéan paémanen, sia ra'ica mekiit pinaté kaputé é tou ang kotana sé ra'ica le'tek a si Amang Kasuruan, ampa'paan sinungkulna am baléna kerapi in elur sé mawere-weren é Israel.

Ibrani 11:31 ပူးပေါင်းရင်းမြစ်များ

Matius 1:1

Si anioo en daftar é apo-apo' i Yesus Kristus taranak i Daud wo taranak i Abraham.

Matius 1:5

Si Salmon makatoyaang asi penanaanna Rahab ngaranna Boas. Wo si Boas makatoyaang asi penanaanna Rut si ningaranan Obed. Si Obed makatoyaang ngaranna Isai.

Kisah Para Rasul 15:33

Am bitu séra in dua imento' uré toyo'. Kumawus in itu, séra niénano é tou maéman an Antiokhia e maréng sumawel ang karapi in sama' an Yerusalem a sé tou irumu'du' iséra. [

Ibrani 3:18

Wo si séi séra sé aisumpa i Amang Kasuruan ra'ica toro muntep asi tampa pengaenaan e mena' mewali-wali wo Sia? Séra ituo sé tou sé ra'ica le'tek a si Casuruan.

Yakobus 2:25

Séréno ka'i si Rahab, si wéwéné sundal. Sia itu nianggap wutul i Casuruan ampa'paan im paémaanna. An tutuw itu tinerimana wo ayenepna am baléna sé tou Israel sé mawere-weren, wo iwalina séra kumesot kumiit an lalan walina.

1 Petrus 2:8

Wo awéan ka'i en aipatic, “Si watu itu mamuali watu pasangkilan akar icawangkur.” Eng kaangéanna séra casangkil asi watu itu akar cawangkur ampa'paan séra ra'ica maéman wo ra'ica makiit in Taar i Amang Kasuruan, tanu siituo en aitantu mai i Amang Kasuruan ai séra.

1 Petrus 3:20

Sé roh itu, roh é tou ra'ica le'tek asi Amang Kasuruan an jaman i Nuh. Ang karoro'an i Nuh maéma' ing kapal wangker, si Amang Kasuruan talesen maento-ento' sé tou e mape'dis mengéma-ngéma' ing kaléwo-léwo'an. An tutuw en sonop wangko' itu imayo, wayake' i walu tou sé malowir asi sonop wangko' itu. Sérao sé an untep ing kapal wangker itu.