Ibrani 11:27 - En Taar Weru a nunuwu' é Tontemboan

²⁷ Ampa'paan im paémanenna, itela'una en Mesir ra'ica maindé' icae'bow i colano Mesir. Sia mawaya' melala'us makaséréke' an dior tanuoka makaséréo si Amang Kasuruan si ra'ica kaséréan itu.

Ibrani 11:27 ပူးပေါင်းရင်းမြစ်များ

Matius 10:22

Wo pakasa in tou masuut oka icamu ampa'paan kamu makiit Yaku. Taan sé tou le'tek makiit Yaku akar imaté makéré oka ing kalowiran.

Matius 24:13

Taan sé tou le'tek makiit Yaku akar imaté séra makéré oka ing kalowiran.

Markus 13:13

Pakasa in tou masuut oka icamu ampa'paan makiit Yaku. Taan sé tou le'tek makiit Yaku akar imaté, séra makéré oka ing kalowiran.”

Markus 4:17

taan en Taar itu ra'ica maa'mut sama' wo ra'ica itumang uré an até éra. Sa séra tenan ing kasusaan kuma'pa in okoi ampa'paan maéman in Taar itu, séra makala'us tumela'u si Amang Kasuruan.

Kisah Para Rasul 2:25

Indior si Daud sumangkumo kumua in andumoro' i Yesus tana'i, ‘Kaséréanku si Casuruan tatap an diorku. Sia ang kakanku, ampa'paano in itu aku ra'ica wana kaindé'an.

1 Korintus 13:7

Sia talesen mengasaru in sapa-sapake' wo maéman an sapa-sapake', maarap an sapa-sapake', talesen mengawuléng in sapa-sapaanke'.

2 Korintus 4:18

Anaé, ra'ica iwéé ami an dékén sé ro'na kaséréan, taan sé ipawéé ami an dékén sé ra'ica kaséréan. Sé kaséréan itu itumang asalo in ang karoro'anke', taan sé ra'ica kaséréan itu tatap akar ing kauré-uré.

Kolose 1:15

Si Kristus itu tanu paséréan pakasa im peri i Amang Kasuruan si ra'ica kaséréan. Si Kristus itu Toyaang-Na luluna si lébé penting asé pakasa sé niéma'-Na.

1 Timotius 1:17

Irayoo si Amang Kasuruan! Siao si Colanota akar ing kauré-uré. Sia awéan akar ing kauré-uré, Sia ra'ica kaséréan wo Sia wayake' in esa. Sia itu parayo-rayo wo pasiri-siriin akar ing kauré-uré. Ulit.

1 Timotius 6:16

Siao ka'i si ra'ica kakawasaan im papaté. Sia menonou ang kasendotan wo sé tou ra'ica toro sumusut asi sendot itu. Wo ra'ipé' wana tou si sumangkumo suméré Sia. Siake' si patus siriin. Pakasa eng kawasa ai Sia akar ing kauré-uré. Ulit.

Ibrani 10:32

Taan ta'néieno mangé si oras ilumangkoio, an tutuw kataré-taré en até miow tinélangai in sendot i Amang Kasuruan e makatuus asi Kristus. An tutuw itu kamu meta'up ing keli kawenduan taan kamu makawoo tumang am paémanen iow.

Ibrani 11:1

Sa kita awéan em paémanen a si Amang Kasuruan, émanenta sapaoka kéréanta oka sapa sé paarapenta. Ampa'paan im paémanen itu kailekanta sapaoka kéréanta oka sapa sé ra'ica ro'na kaséréanta.

Ibrani 11:13

Pakasa in tou itu maéman a si Amang Kasuruan akar séra imaté. Sera ra'ica tumerima sapa si aijanji i Amang Kasuruan, taan si aijanji itu asalo tinéinteng wo pengapé-ngapéien éra an tayang. Wo séra imangaku sapaoka séra itu asalo tou imanangkéi ang kayo'baan anio'.

Ibrani 6:15

Si Abraham talesen keli mangento-ngento' in janji itu mamuali, wo in taniitu kinéréanna sapa si aijanjio i Amang Kasuruan ai sia.

Yakobus 5:11

En ulitna, sé tou talesen makiit si Casuruan mandé ka'i meta'up ing kawenduan, séra itu tou pakakamangen. Wo tantu pinalingao miow andumoro' ing katalesenan i Ayub. Wo kailekan iow kekawus ako in itu, sia kinamang i Amang Kasuruan, ampa'paan si Amang Kasuruan taloso taupus wo wuta ing kaupusan a sé tou.

1 Petrus 1:8

Kamu mengaupus si Yesus Kristus, mandé ka'i Sia ra'ipé' sumangkum ako sinéré miow. Kamu maéman ai Sia, mandé intarépé' Sia ra'ica pakasérén iow. Kamu mendam ing kaaru-aruian wangko', ampa'paan eng kaaruian iow sé ra'io icakua itu.