Ibrani 11:25 - En Taar Weru a nunuwu' é Tontemboan

²⁵ ampa'paan ra'ica kiimna menonou maaru-arui ang kamesé-meséaan si ang karoro'anke', taan icasalé'na mawendu mewali-wali wo sé tou i Amang Kasuruan.

Ibrani 11:25 ပူးပေါင်းရင်းမြစ်များ

Matius 13:21

Taan en itu ra'ica imaa'mut sama' wo ra'ica itumang uré. Sa séra meta'up ing kasusaan kuma'pa in okoi ampa'paan in taar itu, séra makala'us tumela'u im paémanen itu.

Lukas 16:25

Taan icua i Abraham, ‘Éi toyaangku, ta'néieno mangé sumama-sama', an tutuw ko menonoué', ico imakéréo waya sé loor taan karu' si Lazarus makéréke' waya sé ra'ica loor. Intarépé' sia makéréo im pangiboran am bia'i wo ico mawendu keli.

Kisah Para Rasul 7:34

Sinéré-Kuo sé tou-Ku pinara'i-ra'i an tana' Mesir, wo pinalinga-Kuo em ipangi-ngimbulu éra, wo Yaku tumumpa e mai mekar iséra. Anaé, intarépé' ru'du'-Ku ko maréng angé sumawel an tana' Mesir.’

Roma 5:3

Wo ra'ica siituke', kita ka'i ro'na maaru-arui an tutuw eng kawenduan sangkumenta. Ampa'paan kailekanta sapaoka eng kawenduan itu méma' icita makatalesen,

2 Korintus 5:17

Anaé, si séike' si maesao wo si Kristus, sia wutu-wutul mamualio tou weru. Em peri ing katouan uré ra'io wana ka'i. Pakasa eng katouanna imaweruo waya.

Kolose 1:24

Intarépé' aku arui ampa'paan ro'na mendamai ing kawenduan torona ing kalooran iow. Wo eng kawenduan anio' musti pendamen in owakku tanu in lumekep ing kawenduan si musti wuléngen woo i Kristus torona in owak-Na siituo sé jamaat-Na.

2 Timotius 1:8

Anaé, ico ra'ica toro malawi' masairi in andumoro' i Apo'ta Yesus. Ico ka'i ra'ica toro malawi' mangaku sa aku karapimu ampa'paan aku intarépé' am bui. Yaku am bui ampa'paan maselewir a si Yesus Kristus. Ico ka'i musti sumangkum in okoi tanu yaku ampa'paan mengakua in Abar Kaaruien andumoro' i Yesus Kristus. An tutuw ko sumangkum in okoi, tantu si Amang Kasuruan méé mai kaketeran ai co.

Ibrani 10:32

Taan ta'néieno mangé si oras ilumangkoio, an tutuw kataré-taré en até miow tinélangai in sendot i Amang Kasuruan e makatuus asi Kristus. An tutuw itu kamu meta'up ing keli kawenduan taan kamu makawoo tumang am paémanen iow.

Ibrani 11:37

Séra winangkil im batu, ginorit wo sina'bel akar i maté. Séra manangké-nangkéi asalo mekarai ing kulit i domba kuma'pa kulit i mémbé', wo séra lengéi, wendu wo paoko-okoien.

Ibrani 4:9

Anaé, sé tou i Amang Kasuruan, séra awéané' esa endo ipaena' mewali-wali wo si Amang Kasuruan, tanu mento' matawoi asi endo Sabat.

Yakobus 1:20

Ampa'paan sa si tou mae'bow, ra'ica kaémaanna en sususuien wutul e méma' in até i Amang Kasuruan arui.

Yakobus 5:5

Kamu menonouo arui ang kasiyaan wo mengéla-ngéla in doit ang kayo'baan anio'. Kiniitano miow eng kasalé'an in até miow in esa, akar kamu makemel, tanu sé binatang papiaran si tu'tulo im pokolen.

1 Petrus 2:10

Indior kamu ra'ica tou i Amang Kasuruan, taan intarépé' kamu imamualio tou-Na. Wo indior kamu ra'ipé' itumerima ing kaupusan i Amang Kasuruan taan intarépé' kamu tumerimao ing kaupusan-Na.

Wahyu 18:7

Wéano mio' kaokoian wo kala'luan ai sia tanu ing kakeli i rarayo wo ing kasiyaan si pinendamnao. Ampa'paan sia icumua an untep in aténa: ‘Yaku makakawasa tanu ratu wo ra'ica balu, wo yaku ra'ica kawisa mala'lu.’