Ibrani 11:19 - En Taar Weru a nunuwu' é Tontemboan

¹⁹ Ampa'paan paweroten i Abraham sapaoka sa si Ishak maté, tantu sia touen sumawel i Amang Kasuruan. Wo an tutuw si Amang Kasuruan tumu'tulo domba iragés isawel si Ishak, si Abraham tanuoka itumerima sumawel si Ishak am papaté.

Ibrani 11:19 ပူးပေါင်းရင်းမြစ်များ

Matius 12:36

Icua-Ku ai camu, asi endo kaka'puan ing kayo'baan panowaten oka é tou pakasa é nunuwu' ra'i-ra'i sé aicua éra.

Matius 9:28

An tutuw i Yesus muntep an esa walé, sé rua tou wola itu mai ai Sia. Wo wuéien-Na ai séra in dua, “Percayan iow réén sa Aku ro'na sumama' icamu?” Isowat éra, “Én, percayan ami, é Tuang.”

Roma 5:14

Mandé in taniitu, pakasa en tou tumo'tolai an jaman i Adam akar an jaman i Musa, kinawasao im papaté. Mandé ka'i sé tou itu ra'ica iméma' ing kamesé-meséaan tanu si niéma' i Adam, séra ka'i kasake' i maté. Si Adam aipeputé wo Sia si maai oka sa, Sia ituo si Kristus.

Efesus 3:20

Si Amang Kasuruan makawoo iméma' lébé kelimai asé sapa sé ipasombayangta kuma'pa sapa sé pawerotenta, kumiit ing kawasa-Na si matawoi ai cita.

Ibrani 9:24

Si Kristus ra'ica imuntep ang Kamar Lume'na-le'nas ang kayo'baan si niéma' ing kama in tou si asalo bayangan a si patron aseli si an sorga. Taan Sia muntep an sorga, wo intarépé' Sia a mangé em bitu makasaru si Amang Kasuruan torona icita.

Ibrani 9:9

En itu tanu andéan ai cita sé menonou asi oras anio': raragés binatang pinokol wo raragés walina si aiwéé a si Amang Kasuruan, ra'ica ro'na méma' in até weresi é tou mamuali lekep ampa'paan e méé im paragés itu.