Ibrani 11:16 - En Taar Weru a nunuwu' é Tontemboan

¹⁶ Taan intarépé' séra lumelo si esa roong en lébé loorai, siituo si roong an sorga. Ampa'paano in itu si Amang Kasuruan ra'ica malawi' im patuulen Amang Kasuruan éra, ampa'paan aitu'tulo i Amang Kasuruan ai séra esa kota.

Ibrani 11:16 ပူးပေါင်းရင်းမြစ်များ

Matius 25:34

Wo si Toyaang i Tou si tanu Kolano itu kumua oka a sé tou ang kakan-Na, ‘Mayo sumusuto mai kamu sé kinamango i Amang-Ku! Muntepo mai ang Kakolanoan si aitu'tulo ai camu tumo'tolai eng kayo'baan anio' niéma'.

Markus 12:26

Wo ka'i andumoro' sé tou imaté wo tumou sumawel, ra'ipé' réén binaca miow si aipatic i Musa an sisisilen andumoro' in dukut tutunéan si mengembu-ngembung? Aicua i Amang Kasuruan a si Musa in tana'i, ‘Yakuo si Amang Kasuruan, si pengaapo'an i Abraham, Ishak wo si Yakub.’

Markus 8:38

Ampa'paan si séike' mangé e malawi' ampa'paan Yaku wo in sususuien-Ku an dior é tou sé ra'ica le'tek wo keli kamesé-meséaan anio', si Toyaang i Tou ka'i malawi' oka mangaku si tou itu an tutuw-Na maai ang kawasa wangko' i Amang-Na, mewali-wali wo sé malaékat le'nas.”

Lukas 12:32

“Mandé kamu wayake' im pira, taan tioo kamu maindé'! Ampa'paan si Amang iow an sorga masalé' sumungkul icamu mamuali tou ang Kakolanoan-Na.

Lukas 20:37

Wo aicuao ka'i i Musa andumoro' sé tou imatéo touen oka sumawel. Aipaticna en itu an sisilen andumoro' in dukut tutunéan mengembu-ngembung, aicuana sapaoka si Amang Kasuruan kumua in tana'i, ‘Yakuo si Amang Kasuruan i Abraham, Ishak wo si Yakub.’

Yohanes 14:2

Am balé i Amang-Ku kelian paento'an. Wo Aku maangé am bitu en tumu'tul in tampa miow. Icua-Ku in taniitu ai camu ampa'paan en tampa itu wutu-wutul awéan.

Kisah Para Rasul 7:32

‘Yakuo si Amang Kasuruan si pengaapo'an é apo-apo'mu Abraham, Ishak wo si Yakub.’ An tutuw i luminga in suara itu, si Musa gume'ger in indé' wo ra'io brani suméré.

Filipi 3:20

Taan icita imamualio tou in sorga. Wo an sorga itu owo, maai oka si Lumolowir si paento-entoonta, Siao si Apo' Yesus Kristus.

2 Timotius 4:18

Iwekar-Na oka ka'i aku asé tou sé mawasa-wasa in léwo' e méma' yaku icawangkur. Lowiren-Na oka ka'i aku akar muntep an sorga, asi tampa Sia Makakawasa tanu Kolano. Siao em patus iparayo-rayo wo pasiri-siriin akar ing kauré-uré! Ulit.

Ibrani 10:34

Mémang kamu kumiito mendam ing kawenduan é tou sé pakabuin. Wo an tutuw pakasa ing kasiyaan iow niandét, kamu maaru-aruike' ampa'paan kailekan iow sapaoka kamu in esa makaanu ing kasiyaan si lumoorai wo tumang akar ing kauré-uré.

Ibrani 11:10

Si Abraham ro'na talesen menonou taniitu ampa'paan sia ang karoro'an i maento-ento' ing kota makapandasi keter, si kota itu pawasa-wasano wangunen i Amang Kasuruan.

Ibrani 11:14

Sé tou imangaku in taniitu tantu séra ang karoro'an i mangéré in ento'an tanu roong éra in esa.

Ibrani 11:40

Ampa'paan si Amang Kasuruan mawasao in loor ra'ica asalo ing katoronaan éra taan ka'i katoronaanta sé menonou intarépé'. Aitantuo i Amang Kasuruan sapaoka an tutuw em paémanenta makaleke-lekepo, séra ka'i émaan oka i Amang Kasuruan makaleke-lekep.

Ibrani 12:22

Taan kamu mayo asi Tolaina in Sion, si Yerusalem an sorga si kota paento'an i Amang Kasuruan si menonou wo sé mariwu-riwu malaékat sé mali'us i masalé-salé'.

Ibrani 13:14

Ampa'paan ang kayo'baan anio' ra'ica wana kota ento'anta akar ing kauré-uré, kita maento-ento' ing kota ento'anta si maai oka sa.

Ibrani 2:11

Si Yesus si lume'nas sé tou sé iméma' ing kamesé-meséaan éra wo sé tou sé line'nas-Nao makaanu esa Amang. Ampa'paan in itu si Yesus ra'ica malawi' mengatuul iséra poo-poow-Na.

Wahyu 21:2

Kaséréanku ka'i eng kota le'nas, siituo en Yerusalem weru, tumumpamai an sorga asi Amang Kasuruan owo. Eng kota itu tu'tulo kaputé i esa pengantén wéwéné si pinasungo en sumungkul si pengantén tuama.