Ibrani 11:14 - En Taar Weru a nunuwu' é Tontemboan

¹⁴ Sé tou imangaku in taniitu tantu séra ang karoro'an i mangéré in ento'an tanu roong éra in esa.

Ibrani 11:14 ပူးပေါင်းရင်းမြစ်များ

2 Korintus 4:18

Anaé, ra'ica iwéé ami an dékén sé ro'na kaséréan, taan sé ipawéé ami an dékén sé ra'ica kaséréan. Sé kaséréan itu itumang asalo in ang karoro'anke', taan sé ra'ica kaséréan itu tatap akar ing kauré-uré.

Filipi 1:23

Ra'io kasisiranku asé rua sisiran itu. Yaku masalé' keli tumela'u ing kayo'baan anio' wo mangé mento' mewali-wali wo si Kristus, ampa'paan en itu si lumébé loorai.

Ibrani 11:13

Pakasa in tou itu maéman a si Amang Kasuruan akar séra imaté. Sera ra'ica tumerima sapa si aijanji i Amang Kasuruan, taan si aijanji itu asalo tinéinteng wo pengapé-ngapéien éra an tayang. Wo séra imangaku sapaoka séra itu asalo tou imanangkéi ang kayo'baan anio'.

Ibrani 11:15

Wo em paento'an si paérén éra itu, ra'ica roong si aitela'uo éra, ampa'paan sa séra lumelo in doong si aitela'uo éra itu, tantu séra imaréngo a mangé mbitu.

Ibrani 11:16

Taan intarépé' séra lumelo si esa roong en lébé loorai, siituo si roong an sorga. Ampa'paano in itu si Amang Kasuruan ra'ica malawi' im patuulen Amang Kasuruan éra, ampa'paan aitu'tulo i Amang Kasuruan ai séra esa kota.

Ibrani 13:14

Ampa'paan ang kayo'baan anio' ra'ica wana kota ento'anta akar ing kauré-uré, kita maento-ento' ing kota ento'anta si maai oka sa.