Ibrani 11:13 - En Taar Weru a nunuwu' é Tontemboan

¹³ Pakasa in tou itu maéman a si Amang Kasuruan akar séra imaté. Sera ra'ica tumerima sapa si aijanji i Amang Kasuruan, taan si aijanji itu asalo tinéinteng wo pengapé-ngapéien éra an tayang. Wo séra imangaku sapaoka séra itu asalo tou imanangkéi ang kayo'baan anio'.

Ibrani 11:13 ပူးပေါင်းရင်းမြစ်များ

Matius 13:17

En ulitna icua-Ku mangé ai camu, indior, kelian nabi wo sé tou wutul masalé' suméré sapa si sinéréo miow, taan ra'ica sinéré éra. Wo séra masalé' luminga sapa en liningao miow, taan ra'ica lininga éra.

Yohanes 12:41

Aicua i Yesaya in taniitu, ampa'paan indior sinérénao eng kawangko' i Yesus, wo ipengua-nguanao andumoro' Sia.

Yohanes 8:56

Si apo' miow Abraham arui keli ampa'paan sérénna oka en endo-Ku ang kayo'baan. Wo sinérénao en endo itu wo sia masalé-salé'.”

Roma 4:21

Si Abraham uli-ulit maéman sapaoka ro'na émaan i Amang Kasaruan sapa si aijanji-Nao.

Roma 8:24

Kita awéan paarapen tanu siitu tumo'tolai kita maéman a si Yesus. Taan sa em paarapen itu imamualio, en itu ra'io paarapen. Si séipé' e maarap sa em paarapen itu imamualio?

2 Korintus 4:18

Anaé, ra'ica iwéé ami an dékén sé ro'na kaséréan, taan sé ipawéé ami an dékén sé ra'ica kaséréan. Sé kaséréan itu itumang asalo in ang karoro'anke', taan sé ra'ica kaséréan itu tatap akar ing kauré-uré.

2 Korintus 5:6

Ampa'paano in itu en até ami kasake' talesen. Kailekan ami eng kauré ami imaento'pé' asi owak anio', em balé ento'an ami mewali-wali wo si Amang Kasuruan tayang wo icami.

Efesus 2:19

Wo in taniitu, kamu sé tou ra'ica Yahudi ra'io ka'i tanu sé tou imanangkéi, taan intarépé' kamu imamualio tou le'nas wo ayuntepo am pamalé-Na.

Ibrani 11:14

Sé tou imangaku in taniitu tantu séra ang karoro'an i mangéré in ento'an tanu roong éra in esa.

Ibrani 11:17

Ampa'paan si Abraham awéan paémanen, airagésna si toyaangna Ishak tanu raragés an tutuw sia niuji i Amang Kasuruan. Iragés i Abraham si toyaangna in esa itu, mandé ka'i tinerimanao en janji-janji i Amang Kasuruan,

Ibrani 11:27

Ampa'paan im paémanenna, itela'una en Mesir ra'ica maindé' icae'bow i colano Mesir. Sia mawaya' melala'us makaséréke' an dior tanuoka makaséréo si Amang Kasuruan si ra'ica kaséréan itu.

Ibrani 11:39

An tutuw éra im baya itu menonoué' séra maarui in até i Amang Kasuruan ampa'paan im paémanen éra, taan akar maté ra'ica kinéréan éra sapa si aijanji i Amang Kasuruan ai séra.

1 Petrus 1:1

En surat anio' a yaku owo Petrus, si ruru'du'an i Yesus Kristus. En surat anio' aipaticku ai camu sé tou sinisir i Amang Kasuruan e mamuali anu-Na. Icamu anio' asalo imanangkéi wo maento' an uner é tou sé ra'ica maéman wo isumeraro an sangkum im Pontus, Galatia, Kapadokia, Asia Teké' wo am Bitinia.

1 Petrus 1:17

An tutuw iow mengasombayang a si Amang Kasuruan, Sia patuulen iow “Amang”. Siao e maakim sé tou kumiit im pinengaéma'na, ra'ica maséré ing gio. Ampa'paano in itu, siriino mangé Sia ang kauré miow menonou asi kayo'baan anio' tanu tou sé asalo imanangkéi.

1 Petrus 2:11

Poo-poow sé icaupusku, icamu anio' sakéi wo imanangkéi ang kayo'baan anio'. Anaé, sina'uenku kamu wosama' tumayang angé asé kasalé-salé'an in owak sé ra'ica loor sé mapetokol an até weresi miow.

1 Yohanes 3:19

Sa kita mengaupus in tou tanu siitu, ro'na kailekanta sapa- oka kita anio' menonou makiit im butul. Wo en atéta elur an dior i Amang Kasuruan.