Ibrani 11:10 - En Taar Weru a nunuwu' é Tontemboan

¹⁰ Si Abraham ro'na talesen menonou taniitu ampa'paan sia ang karoro'an i maento-ento' ing kota makapandasi keter, si kota itu pawasa-wasano wangunen i Amang Kasuruan.

Ibrani 11:10 ပူးပေါင်းရင်းမြစ်များ

Yohanes 14:2

Am balé i Amang-Ku kelian paento'an. Wo Aku maangé am bitu en tumu'tul in tampa miow. Icua-Ku in taniitu ai camu ampa'paan en tampa itu wutu-wutul awéan.

2 Korintus 5:1

Kailekan ami sa en ténda paento'anta, siituo en owakta, ang kayo'baan anio' tongkaren wo icita sinadiaano i Amang Kasuruan esa walé an sorga. Em balé itu ra'ica niéma' ing kama in tou, wo tumang akar ing kauré-uré.

Filipi 3:20

Taan icita imamualio tou in sorga. Wo an sorga itu owo, maai oka si Lumolowir si paento-entoonta, Siao si Apo' Yesus Kristus.

Ibrani 11:16

Taan intarépé' séra lumelo si esa roong en lébé loorai, siituo si roong an sorga. Ampa'paano in itu si Amang Kasuruan ra'ica malawi' im patuulen Amang Kasuruan éra, ampa'paan aitu'tulo i Amang Kasuruan ai séra esa kota.

Ibrani 12:22

Taan kamu mayo asi Tolaina in Sion, si Yerusalem an sorga si kota paento'an i Amang Kasuruan si menonou wo sé mariwu-riwu malaékat sé mali'us i masalé-salé'.

Ibrani 12:28

Anaé, kita mamualio tou ang kakolanoan si ra'ica toro yéro', ampa'paano in itu mayoo kita kumua makapulu'sama' a si Amang Kasuruan, wo maapo' mangé ai Sia ang karapi in siri' wo wuta ing kaindé'an iciit en casalé'-Na.

Ibrani 13:14

Ampa'paan ang kayo'baan anio' ra'ica wana kota ento'anta akar ing kauré-uré, kita maento-ento' ing kota ento'anta si maai oka sa.

Ibrani 3:4

Susur im balé awéan bas e mangun, taan si mangun im baya waya si Amang Kasuruan in esa.

Wahyu 21:2

Kaséréanku ka'i eng kota le'nas, siituo en Yerusalem weru, tumumpamai an sorga asi Amang Kasuruan owo. Eng kota itu tu'tulo kaputé i esa pengantén wéwéné si pinasungo en sumungkul si pengantén tuama.